نرجس...
يوم المشية... حضرنه كولشي من كيك وعصاير وحلويات وشي تنظيف.. كولش تعبنه
بس التعب كوله خلي يروح اهم شي اني حصير لحبيبي اي حمزززه روحي من الدنيا اللي اتمنى العمر كله ابقى وياه...
فرحانه وما انطي فرحي لاحد... رحنه ب١١ للصالون
المشيه ساعه ٤ العصر... عدلتلي حواجبي ونضقت وجهي وشويه عنايه بالبشره.. بس هيه تشتغل وتصلي ع محمد... اني بشتري بيضه كولش وناعمه مثل بشرة الطفل تصير... بدت تشتغلي بعيوني ما لبست عدسات لان هنه عيوني لونهن حلو حمزه كلي خلي كولشي بسيط اريد اتأمل ملامحج واشبع منهن
عود ع العرس سوي ثكيل ما امنعج بعد عروس وتدللين(💔)
اني جنت فرحانه بمكياجي وشعري سوته بف وويفي وهو طويل كولش ولونه ذهبي... جان كولش حلو شغلها وضلن كلهن يصلن ع محمد... ما بدلت بالصالون لان بالعقد لازم البس سيت نوم
اجه أمير اخويه اخذنه من الصالون...
.. اجتمعو كرايبنه وبدو يستقبلوهم...
عمامي جانو ضايجين ع ابو ليش مو لمنتظر بس ابويه كلهم مو قسمتها...
بدو يتتفقون ع الحاضر والغايب ولهناك نسمع صوت بره... سمعنه منتظر اجه....
.............
منتظر.....
مريت ايامي متجنب كل بنيه في سبيلها وهيه ما مهتمه اراقبها بالجامعة وبين فتره وفتره اشوفها من تطلع تزور لو مولات واني بحسرتها...
اهلي ما حجو كدامي بخطوبتها...
بس بيوم المشيه سمعت...
رحت اركض واني احس روحي تطلع
..
شلون تصير بأسم غيري... نرجس الي ملكي من نخلقت وهيه الي كبرتها ع ايدي.. صح غلطت من خطبتها وتحكمت بيها بس من خوفي وحرصي عليها.. رحت لبيت عمي...
واشوف المشيه مالتها دخلت كلها... صحت بره عمييييي... طلع أمير.. وبعدها عمي وكم واحد من كرايبنه حاولو يهدوني بس اني ما اقبل ينطوها لغيري هاي نرجستي اني... طفلتي.. بنيتي كلشي هيه....
..... حاولو وياي ماكو اخر شي نرجس اتصلت بأمير اخوها انه خلي يجي لباب المطبخ احجي وياه...
حجت وياي..
نرجس... منتظر لخاطر الله اذا تحبني صدك خلي خطوبتي تتم... أنت ابن عمي وبس عمري مافكرت تصير زوجي او احبك... احبك كاخو فقط... ياريت تتفهم... وزحمة عليك وعلينه اللي تسوي...
يا ابن عمي خليني امشي بطريقي وانت ادعيلك من كل كلبي يسهل طريقك ويه اللي تستاهللك....
...
منتظر :جانت تحجي وياي واني صافن ع جمالها يربي ترفه... بجمالها ما شافت عيوني..شلون اعوفها واني اشوفها بروحي وبكلبي وبكلشي بحياتي... بس نظراتها وهيه تتوسلني ما كدرت اكسرها
اضحي بروحي ولا اخليها تعيش احساس اني كسرت نصيبها لو اخليها تحبني غصب شسوي أيقنت هيه مو قسمتي وانه خلص لازم اعوفها تمشي بنصيبها
(نظروي وين عايفها😄#نسيَم)
طلعت وعفتها واني بين الحسرة والألم وكلشي بيه يحرك روحي
.......
نرجس..
الحمدلله تمت الخطوبة واني وحمزه صار يربطنه عقد شرعي إضافة للعقد الروحي اللي نعقد بينه من قبل كم سنة... بكل عمري ما حسيت هيج شعور الفرحة بشي امتلكته او تمنيته وصار الي..
كل ضني الدنيا ضحكتلي وحتعوضني واني في أشد سعادتي...
بعد ما كمل العقد والهلاهل والجكليت والفرحة المرسومة طبيت لغرفه امي طلعت فستاني مال الخطوبة جان لون فستقي وكولش نازك اني طويله فكاعد ع جسمي وبيه فتحة من الفخذ على طول الرجلين...كعدت بالصالة وشويه ودخل حمزة
عيونه تباوعلي بلهفة وحب وسعادة ما تنوصف
واني من شدة حبي اله وانجذابي تمنيت عيوني ما تشوف غيره بهالمكان.... كعد يمي شاورني
اوويلي ع هالكيمر إليمي يصير اكل😉
هههههههه اني خجلت كولش
كال ع كيفج يابه ويه خدودج صارن طماطة
بده يلبسني الذهب واني لبسته الحلقة
وحيل فرحانين...
بعدها طلعو الزلم وكلها راحو بس اهله باقين
كالو خلي يكعدون بالاستقبال وحدهم
رحنه بالاستقبال بس دخلنه وحدنه واحد حضن الثاني حضنه حرمان وشوق وحب وفرح
كل المشاعر تجمعت بهاي الحضنه
بعدها خله كصته ع كصتي وعيوني بعيونه
ما حسيت غير يلتهم شفايفي
بحب ولهفه واني ذبت وبادلته ومشاعرنه ندمجت سوة... بعدها بعد عني وكال هههههههه خلي نستعجل بالعرس😉... كتله بكيفك كال لعد نبدي نحضر قبل شهر نتزوج علمود دوامج هم انقلج.. كتله تمام حبيبي...
بعدها راحو حمزه وأهله... واني رحت سبحت.. جان سبلت مشتغل وشهر ال٩ شويه بدت بروده بيه
تدفيت بفراشي.. حسيت نفسي صخنت خابرني حمزه.. سولفنه وكذا كلي بيج شي كتله شويه صخونه.. كلي اخذي بندول وصدك اخذت وكتله ضل ع الاتصال مثل كل مرة يسولف وياي واني غفيت
واكعد الصبح الكاه هوة ساد الاتصال...
بعدها قررت كم يوم اطلع واحضر للعرس
حمزه كذا مره اجه ببيتنه وشافني
ومرة كال لماما اريد اطلع وياها وطلعنه
ورحنه اشترينه كم شغله واخذلي بوقتها ساعة هدية وعطر كتله لا عطر فراق ما اريد
كال ما يفرقني عنج الا الموت.. اني بسرعه حطيت ايدي ع حلكه كتله لا اسم الله عليك...
وعيوني دمعت.. كلي نرجس فرضاً اني صارلي شي
راح تضلين تحبيني..لو تنسيني
كتله لا تحجي هيج.. كلي هاي الدنيا.. بوقتها نهضمت كولش واحس كل مشاعر الحزن خيمت ع كلبي بجيت بحركه هو بسرعه حضني كلي اشششش. حبيبي كلنه فرضاً... بعدين حبيبي اني اعرف شكد تحبيني... وهم ابقى احبج واحبج واحبج لو اموت ولو الف حورية يجيبولي...
ضحكته اني وياه وأخذت الموضوع بالشقه
كتله اذا اني متت تزوج وراي كلي اي لعد شلون.. هههههههه ضربته ببطنه وضل يضحك
كلي لا اذا اني متت اقبل تتزوجين وتعيشين حياتج
بشرط يكون شخص يصونج ويحبج....
كتله خلص هذا الموضوع سده ليش نعكر مزاجنه...
وراها رحنه مطعم ومن احلى المطاعم وكولشي احبه نزله هههههههه بحيث كتله كول تريد تسمني
كال بكل حالاتك تعجبني يحلووو..
كتله حمزززة لا تخجلني.. ضل يضحك يكول اذوب باليخجل اني...
..
ضحكت ع سوالفه.. كملنه ونوب رجعنه للبيت
كلي شوكت تبدين تجهزين
كتله ان شاء الله هالاسبوع
كال شنو رأيج نشتري الغرفه كتله اي كال نطلع سوه
بس نشتريها من بغداد
كتله اي اكو هناك يجنننن كال تمام حكول لابوج استأذن منه اخذج وياي
(عائلتي فري فمو مشكله اذا رحت وياه)
اتفقنه وبهذا اليوم رحت وياه وبالطريق كله يغازل بيه.. يعني من صدك عشت ايام حلوه...
بعدها وصلنه بغداد رحنه بالأول للزيارة وبعدها رحنه للغرف افترينه شويه.. وعجبتني وحدة
يعني متتتت عليها جان سعرها ٣ مليون
كال مو مهم الفلوس... حجزناها واختارينه فرشه
وكم شغله حبيناها تحفيات وشي كولشي حجزناه ويه الغرفه وبعدها كال نتغده يم اهلي..
وصلنه يمهم سلمت عليهم وأهله حبابين بس شويه امه معاديتني ما اعرف...
وره الغده خلصنه كال حمزه تعالي اشوفج السويت الفوك النه
همه اهله كلهم ينامون الظهر
فصعدنه اني وياه شفت السويت يجننن غرفه وحمام وصاله ومطبخ زغير
كولش حبيته... حضنت حمزه كتله حبيبي بيتنه يجنننن.. هو شدد من حضنتي وبعدها بلش يبوسني.. نزعت الحجاب كعدنه ع القنفه حط راسه بركبتي
وكلي خلي اشبع من عطرج...
كتله ورانه العرس واصير يمك تشبع مني
كال لا اريد اشبع هسه...
عفته براحته وبعدها خله راسه بركبتي وغفه واني هم وياه بعدها كعد كال حبيبي فشله خلي ننزل ونشرب جاي وبعدها نطلع
عدلت حجابي نزلنه اهله نايمين... سوينه اني وياه جاي شربنه بعدها طلعنه راجعين لاهلي...
وصلني العصر وسلم ع اهلي وراح...
اليوم نمت ارتاحيت ثاني يوم خابرني ويحجي وياي
بس بكل دقيقة نسولف وكلي احبج اريد اشبع من صوتج.. كتله حمزة ليش تحجي هيج... هاي اني يمك
بكل. وقت.. كلي حبيبي ولو بس احب اشبع منج كل وقت
....
ضلينه نحجي بس احس صوته طبع بعقلي وبكلبي وهو يكلي عندي واجب هسه مع السلامة حبيبي...
ودعته وكتله بيباي...
بيومها لتهيت ويه خالتي يمنه وبنات خالتي وهو عنده واجب كلت باليل اخابره...
صار الليل ادك ماكو
كلت اكيد يتصل بعد شويه
ضليت الليل كله كلما اتصل ما يرد والقلق يزداد عندي مليوووون... لمن صار الصبح دكيت عليه نفتح الخط
وكلت ألوو....
يتبع.. لللكاتبة #نسيم
Almahdwya_74
حبايب لا تنسون تصويت وتعليق للقصة
🌼
أنت تقرأ
ضابط عشق الترفه (مكتملة)
Romanceتتحدث القصه حول فتاه تتعرض للخيانه في الماضي تلتقي بشاب يتعرض لنفس ما تعرضت له وكأنه شاء القدر أن يلتقي كل منهما وبدأ كل شيء من خلال منشور انستكرام... الأحداث من عام 2017
