ضابط عشق الترفه (مكتملة)

البارت الخامس عشر

نهاد /
بابا ليش غرفتها ع شارع ايش اله تقره بيها...

ما تسأل شتسوي متسوي...
قبل فتره بنفسي شفتها دتحجي َويا ولد..

شنو ميصير بعينكم كل هلشي...

ع يوم تجيبلنه العار وقتها تصخمنه
وتنزل روسنه تاليها...

نرجس/ بابا بوقتها صاحني بعصبيه شدا يصير

هنا كولتله والله مصاير شي

بابا والله نهاد مدري شبيها وياي..

اول شيء تحرض ع التلفون وبعدها
كامت تطلع سوالف عليه..

بابا اني تربيتكم ليش دتظلموني وتصدكوها..

بابا ضل صافن ومحتار بعدها كال..

يلا نوب تجين يمي تقرين...

ممنوع ترحين لغرفتج بعد..

اني كلتله ميخالف بس بوقتها انغثيت حيل...

معناه مكدر اسأل عن حمزه بعد...

مر اليوم مثل ما هو... وماما صحتها مرات تتخربط

ومنا افكر حمزه شنو باله...

اختي سرى قليل دا تجي تحاجيني...

لان بابا منع أي أحد يدخل للاستقبال غيره هو..

ورغم هذا جنت شويه مرتاحه ماكو مشاكل...

  حمزه/ نرجس اختفت فجأة عرفت

اختها مسويتلها سالفه... جنت دوم لازم الجهاز
... ودوم جهاز عام ويم راسي...

خاف تتصل أو يجي خبر منها...

وضليت  افكر هسه كعدت تقره..

هي تكعد من وكت أخذت ريست لفلان ساعه..

حتاكل لو ح تضل جوعانه..

ووف اني اعرفها متاكل من هي تقره..

وهم الافنديه تفكر نفسها سمينه...

هي مبيها شي ووف غبيه ...

هلمره طولت عليه كلش ح يصير شهر...

ورمضان اجه اريد اكوللها رمضان كريم...

اريد اسأل عنها لازم اشوفلي حل...

كلت اراسل اختها

سلام عليكم خيتي /شلونها نرجس..

وينها شو ماكو..

سرى /عليكم السلام خويه نرجس  دتقره...

بس يم بابا ميقبل احد يجي يمها

حمزة/كوليلها يكول رمضان كريم...

واجاها فرصه رمضان حتى تضل بلا أكل

يوم كامل هم تقره وهم متسمن كوليلها مراح تكرش وسلمي عليها هواي

سرى /صح دوم تفكر خاف تسمن.. يوصل سلامك..