الووو حمزة وينك اتصل ماكو
أنت منو حمزة وين.. هجوم شنو شتحجي
دا اكلك وينه.. شتحجي انت مصاااب شنوو وين هسه هو... اي اندلها فدوووة كولي هو بخير
المتصل :اختي وضعه حرج والاصابة قريبه من القلب وإصابتين يم الكلى... ادعوله
..
اني سمعت هيج لو ضليت اصرخ اهلي لتمو يمي... واني ضليت ابجي واصرخ لمن فقدت الوعي.. كعدت اني بحضن بابا ويمسح بوجهي وحاضني بابا حبيبتي كولي شبيج.. شصارلج ووكعتي هيج..
بابا فدوة ودوني اله حمزه حالته حرجه... بابا امووت تعرف شنو انهار اذا يصيرله شي... فدووه بابا اخذني
والله بس اشوفه اطمن عنه...
بعد توسلاتي بابا وماما اخذوني وطلعنه لبغداد دخلنه للمستشفى كالو بالانعاش وضعه خطر امه هناك تبجي وأهله كلهم... توسلت بالدكتور ادخل اشوفه..... كلي ممنوع كتله والله بس ٥ دقايق اذا تأخرت شتسوي سوي فدوة والله بس اشوفه واطمن
.. وافق..
دخلت واشوف حبيبي متمددد وكل الاجهزه صوتها يرن بأذني.. نبضات كلبه الغير منتظمه..
ما ادري شصار بيه بجيت حيل.. هو فتح عيونه..
كوه يحجي...
كلي نرجس حبيبي كتله يعمري لا تكول شي لا تتعب نفسك..
كال بس اريد اكولج اني خلص رايح لرب العالمين
راح اروح شهيد...
والحمدلله اللي احسن آخرتي وموتتي بشرف وشهادة... اريدج تصبرين بغيابي ما اريدج تنهارين
هو يحجي واني اشهك بجي اتوسله ما يكمل بس لا استمر بنطق كلماته الاخيره ووصيته اليه
(نرجس ابقى ادعيلي بالخير واذكريني بالزين..
حبيبتي أمانة بركبتج ما تدفنين نفسج بعدي وتتزوجين وتعيشين حياتج... نرجس هاي امانه
واني اعرف اليصونج منو... بيوم عقدته خابرني منتظر وكلي اخذت النفسي بيها متهني ان شاء الله
ولو احجي وروحي تنزف بس اهم شي راحة نرجس
واكدر اسوي المستحيل واخذها بس كلبها وياك..
ان شاء الله تنسعدون واتمنى تدريبالك عليها
هيه ترفه ما تتحمل اذيه...
ابن عمج يصونج ويداريج ادري بيه...
أتمنى توافقين عليه وما اكلج وصيه حتى لا تجبرين تنفذيها بس لخاطري...)
حمزة جان يحجي كلماته الاخيره واني ابجييي فدووة لا تروح.. وين تخليني عرسنه بعد كم اسبوع
كوم مو تريد تشبع مني... شفته وضعه انتكس
كولش ضليت ابجييي بقوه صحنه للدكتور..
بعدها طلع الدكتور كال.. (البقية بحياتكم)
... هاي الكلمة كفيله تخليني انهار.. الصريخ صار بكل المكان واني ما اعرف شنو اتصرف بس اشوف وجوه هواي وكلها مشوشه.. صدى صوت بأذني..
راحح وليدي... يمه لا تعوفني حمزززه
وليدي استشهد...
كل هذني الكلمات صداهن يرررن لحد ما فقدت الوعي...
اهلي بعدها اخذوني وياهن ورجعوني للبيت
ما اعرف اذا لازم ابجي اصرخ.. اعيط
كل اللي اعرفه اني خلص ماتت روحي ويه حمزه
ما اكدر بعد استعيدها
بروحي صرخه وألم وجراح ووجع
روحي تصرخ حمزززه كل جوراحي وياه ماتت
انهاريت وذبلت يوم بعد يوم
لا اكل لا نوم لا شي.. بس اصرخ حمزه.. حتى كل كلمة ماكو بيه.. وصورنه سوه وابجي عليهن...
تمنيت عمري انطي الك.. تمنيت ادفن روحي وياك...
بعد ما تأزم وضعي...
بيوم نايمة واحلم حمزه ما راضي عني..
لان هيج مأذيه نفسي...
وكلي مشتاق ليش ما تجيني...
نزلت بيومها سويت ريوك اكلت شويه عن لا اوكع
شربت جاي.. وبابا كعد حضني ويكلي حبيبتي الله يرحمه ويصبرج كتله بابا اخذني اله اريد ازوره...
كلي ادللي...
اهلي راحو بدفنته فيعرفون مكان قبره...
اخذني اله وأخذت مي ورد وياس وشموع
...
وصلت واشوف القطعه ع قبره والشهيدد حمزة
استشهد كذا يوم...
وهاي مار ١٥ يوم ع استشهاده
أنت تقرأ
ضابط عشق الترفه (مكتملة)
Romansaتتحدث القصه حول فتاه تتعرض للخيانه في الماضي تلتقي بشاب يتعرض لنفس ما تعرضت له وكأنه شاء القدر أن يلتقي كل منهما وبدأ كل شيء من خلال منشور انستكرام... الأحداث من عام 2017
