ثاني يوم كعدت ب٥ونص بديت اراجع المادة وبعدها بدلت.. طبعا بعد الخطوبه نزعت الأسود غصب عني
لان امي ضلت تحجي وتكول تجيبين الحجاية لنفسج كوة...
نزعته ضليت البس ملابس غامقه احسن...
لبست كيلوت نيلي وقميص نيلي مطعم بأبيض والشيله نيليه وحذاء وجنطه ابيض..
بيومها صدفة منتظر لابس قاطه النيلي وهم ابيض قميصه ضحكنه اثنينه من شفنه بعض..
سلم عليه وكال مستعدة كتله وانت دكتوري ومدرسني المادة شلون ما استعد..
(بهاي التعامل احاول انسه ذكريات قديمه وبنفس الوقت اكذب اذا ما اكول بدت مشاعر تتغير تجاه منتظر..وميول اله)..
امتحنت والحمدلله جاوبت... وما بقه بس امتحان واحد..
هم شديت حيلي كولش بيه والحمدلله جاوبت..
وكملت امتحانات وان شاء الله ناجحه لان اني مستواي كولش زين..
حصير مرحلة خامسة صيدلة يعني ما بقى شي واتخرج...
عرسي بقاله ١٠ ايام هيج متفقين وهم بنفس اليَوم عرس اخويه وفطم..
كل تجهيزاتي مكملتهن... منتظر نصب الغرفه...
طبعا نسيت اكلكم.. انه بيتي مو وحد بس سويت فوك معزول.. فكله وحدي...
وره يومين بعد ما شبعت نوم وراحة اتفقنه نروح نصفط الأغراض بالبيت... ورحنه صدك ردت ترتيبه ع ايدي.. رحنه اني وماما... اخذنه كولشي ومنتظر بلش يصعدهن فوك.. واني صعدت الاشياء الزغيره..
فتحنه السويت.. جان عبارة بدايته عن صاله وبيها مطبخ يعني المطبخ مو جبير بس مفتوح ع الصالة هيج... وصحيات وغرفه.. َكله مأثث وهم مطبخ مجهز من كولشي..
بعدها بلشت اصفط ملابسي وارتبتهن بالخانات كتله يطلع بره استحي اغلبهن ملابس نوم..
ماما طبعا نزلت تسلم ع بيبي..
وعافتني وحدي.. واني اصفط الملابس.. حسيت أنفاس حارة بظهري... وحضني منتظر واديه ع خصري فزيت كال اسم الله...
كتله منتظر ليش هيج تسوي.. كال نرجس احبج والله
كتله بس.. كال ادري ع اتفاقنه بس مو هلكد تبعدين عني ع القليله خلي اتنفس عطرج..
دارني عليه وخجلني من كال وليابه كل ها لملابس الحلوة تلبسيهن الي.. ضربته ببطنه ووجهي احمر كتله يااا هاي شبيك.. بعدين لا تخجلني وخر ضل يتشاقه وياي ويدغدغ بيه واني متت ضحك بعدها حضني يعني حطني جو ايده ومشاني الصاله كال حبيبي تره ميصير قبل الزواج تبقين يمي وحدج ما عندي مانع آكلج هسة.. َعاد ضليت اضحك... بعدها كملت ترتيب وماما اجت ساعدتني.. وخلصنه كولشي.. نوب بعدها اخذني علمود نسوي تحليل الزواج وراها بيومين نعقد محكمة..
بما انه محلل هو سحبلي دم واخذو العينات للتحليل
وبعدها رجعنه للبيت..
وراها بيومين عقدنه محكمة وصرت زوجته قانوناً لمنتظر.. وهم اخذني مطعم وكيكه احتفال.. مشكلتي انه مجبوره اشاركه لحظات الفرح كلهن حتى لا بعدين يكول ما عيشتيني لحظه حلوه بالخطوبة
...
رجعنه للبيت وبقه للعرس ٤ ايام..
بلشن خواتي ينضفلي جسمي واني اصلا شعري خفيف.. وشكره فما تعبهن.. بس صار جسمي يلمع..
وراها بيوم حجزنه حمام مغربي يم ام الصالون وسوت النه تنضيف وكذا.. وباقي للعرس يومين..
اتفقنه هيه حنه هيه زفة وللفندق..
قبل بيوم من العرس خابرت منتظر وكتله منتظر لازم نحجي بجدية باجر ماكو علاقه تصير بينه..
أنت تقرأ
ضابط عشق الترفه (مكتملة)
Romanceتتحدث القصه حول فتاه تتعرض للخيانه في الماضي تلتقي بشاب يتعرض لنفس ما تعرضت له وكأنه شاء القدر أن يلتقي كل منهما وبدأ كل شيء من خلال منشور انستكرام... الأحداث من عام 2017
