ضابط عشق الترفه (مكتملة)

البارت السادس عشر

نرجس/
ندكت الباب بسرعه حذفت البرامج والرقم...
طلعت بوقتها مسلسل ع اليوتيوب...

اجا بابا كال.. ها نرجوس...كتله بابا تعبت نفسيتي وشفت كم حلقه من المسلسل...

كال ماشي.....

...
حمزة....
مرت فتره ابويه فتح وياي موضوع اتزوج

بنت خالتي ريهام... جانت يتيمه مالها احد...
طلب مني اتزوجها...

اني بوقتها رفضت رفض قاطع لان احب نرجس...

كان عدها  وقت فراغ قبل الامتحانات راسلتها..

-هلاو نرجوس

_هله حمزه شلونك.

_اووف نرجوس بالي مشغول شويه...

-خيرك حمزه كول شنو صاير

-ابويه هالايام طلعلي بسالفه تعال تزوج بنت خالتك  ع ابو يتيمه وما عدها احد...

-هاا وانت شنو رأيك...

-اني رافض الموضوع نهائي... بس ابويه كلش ديضغط عليه ما اعرف بعد... اشوف شلون ينحل يمكن اقبل...

نرجس
_الله يقدم اللي بيه خير حروح ادرس باي...

_باي..

مرت فتره واني كولش نقهرت يعني شنو ما رفض..

الموضوع بباله يعني معقوله يتزوج..
زين هو كال احبج...
بس مكال نسوي علاقه احنه مجرد أصدقاء

زين اني احبه لو لا...

هسه حسد التلفون بعد ما بقه شيء للامتحانات
عود بعدين اشوف اذا قبل ببيت خالته
اتركه نهائي ..
ما احب اعيش بمشاعر متضاربة....

مرت الايام واني اشد ع نفسي بالدراسه...
جنت كل امتحان امتحنه اني واثقه من نفسي

واجوبتي... طبعا ما تخلو من الأخطاء.. بس
الحمدلله مو ذيج الاخطاء الكارثيه..

لا بسيطه...
طولت فترة الامتحانات كطعت تواصلي بحمزة نهائي وحتى اختي سرى..

جانت عدها امتحانات فاينل ما تفتح نت

..
اما اختي نهاد.. راحت يم بيت اختي المتزوجه بغير محافظه جانت جديد والده.. وعمليه فضلت يمها...

احس البيت راحه... بدون مشاكل هدوء...
حتى من ادرس بنفس وواهس...

الامتحانات ما تخلو من الصعوبه صح متعبه...

بس احس  دا احقق حلمي واصعد خطوه خطوه...

كل امتحان اكمله.. ارجع اجيك اجوبتي بعدها اسد الكتاب... واضمه هو وكلشي يتعلق بيه...

لحد ما امتحنت اخر امتحان فيزياء... الحمدلله واخيرررررا خلصت....
جنت متشوقه اراسل حمزه اشوف شنو سوه صار اكثر من ٣ اسابيع  ما متواصله وياه....
______________