ضابط عشق الترفه (مكتملة)

البارت الخامس

نرجس:بدأ الرجال يتقرب عليه واني ادعي كون ما يصير شيء واخويه يكله وخر عن اختي.... اني هنا سلمت أمري لرب العالمين لان حسيت عنده نيه ثانيه....زاد الخوف بداخلي... خوف افقد اغله ما عند كل بنت خوف لا يأذي اخويه... الخوف كان متملكني...
قرب عليه وكال :انتي حلوه....

-شتقصد!!!!!!.  واخويه يصيح عليه وخر عنها....

-كولي وين اخوج مكانه لو هذا الجمال كله يصير الي😈...

لزم ايدي بوقتها اخويه دفعه بس هو جبير واخويه زغير ما يكدرله...... واني كتله إذا انته رجال مس شعره مني ما تلوم غير نفسك😠😠😠😠😡.. (اني بداخلي اكول بس أضعف يسوي شيء بيه اكيد بس يشوف ضعف مني  ولو شويه يتمادى ويسوي اللي بباله...)..

-هاااا متحجين شبيج انخرستي😈..

-اللي اعرفه اخويه مو هنا ولو تدور شبر شبر هم مراح تلكاه...
شتريدووووون منه هو ما سوااالكم شيء انتو مجرمييييييين واستغلااااااين يا حقراء... الله ينتقم منكم.....

ما احس الا راجدي ع وجهي.... كتله انته مو رجاااال... مو رجاااال اللي يضرب مره...

-ولج انتي منيلج هذا اللسان والله لوما موصيني عليج لاشرب من دمج... وما ارجعج للبيت..

لوه ايدي كل قوته واخويه يدفع بيه.... بس هو كأنو حايط ما ينهز ولا تأثر بيه اي دفعه من دفعاتنه اني واخويه......

-انته شنو تقصد منو اللي موصيك عليه 🤔😐😐...

-معليج وامشي اصعدي بالسياره ولا تتوقعين هاي المره عفتح لأسباب المره الثانيه ما تسلمين مني..

-اني ما اصعد ويااااك!!!..  ارجع وحدي كلي ما تندلين كتله معليك اني أدبر روحي...
ما احس الا جرني وشمرني بالسياره رصحت ع يسوري. أجا كعد يمي...
.. كتله لا ترجعني للمدرسه نزلنا يم المنتزه... وإذا  مسويت ميهمني اصيح والله حتى لو تضربيني طلقه بنص راسي...

ياسر :اسكتي ولج راح تموتنيا وين تردين خلي نروح للمدرسه...
..

نرجس:اسكت معليك...

السايق:يجي يوم وهذا اللسان اكصه.....

ضل يحجي واني ولا اجاوب والمنطقه جانت بعيده والسيارة تمشي بينه.. بعيدين كال....

والله ابو نها عنده خوش إنتاج...

منيلج كل هالجمال.... اني سكتتت ما جاوبت... جان يكول والله مو لان بس موصيني عليج... بس اول مره اشوف شخص بهالبرائه من يعصب...ويصير حلو... والله اني ما فد يوم مره علت صوتها عليه...

اني سكتت عرفت باله وصخ فكلت احسن شيء ما اجاوبه...

نزلنه المنتزه اني واخويه كتله تعال نكعد من يصير نهايه الدوام نرجع للبيت... كال ليشما نرجع هسه... كتله اللي صار يضل بيناتنه ممنوع اهلي يدرون احنه الله اللي يحمينا...

كال ليييش؟!!!!

كتله.. انتي تريد امي تموت... كال لا اسم اللله... كتله خلص لعد يضل بيناتنه...

ياسر :نرجس صحيح اني زغير بس والله ما اخليه يمس شعره منج الا ع جثتي...
ولو اخويه جعفر موجود جان ما يخليه عايش...

اني حضنته ودموعنا تجري...

صارت ساعه ٤ونص أجرنا كيه ورجعنا للبيت... طبعا ماما استغربت لان وصلنا من وكت... وكتلها المدرسه خلصت من وكت وما تأخرنا بالطلعه ويسوري حان عنده رياضه وطلع من وكت...

حسيتها ما اقتنعت.. وكالت شنو جنتي تبجين...

كتلها راسبه بالامتحان.. كالت منا وهيج انتبهي.. كتلها ماشي....

...

صار المغرب صليت وظليت ابجي ع السجاده وادعي رب العالمين يبعد كل سوء عنا ويحمينا من كل مكروه.. بعدين سويت عشا.. وتراجعت دروسي وضليت بالفراش ابجي...

يعني لو صاير بيه شيء اهلي شلون بيهم...

ومنا اخويه الزغير بسلا يتأثر بهيج موقف... وتذكرت من كال لو ما موصيني عليج جان اذيتج....يعني منو اللي موصي وشنو اللي يريده مني....

واذا صار وياي شيء امي تتأذه وابويه واخويه جعفر ح يلوم نفسه.... ظليت ابجي لحد ما غفيت....

مرت ايام واني صرت كلش حذره ولبسي غيرته كمت البس أكثر مستور علمود ما يتعرضلي احد منهم..

.... صار شهر ١١ البيت مالتنه اشترو واني كمت اتغيب عن الدوام هواي لان جنت اجمع باغراض البيت .. واختي الجبيره بابا دزها يم اخويه بفرنسا....

جنت اسمع البنات بالمدرسة يحجون بالسالفة بس ما جنت اهتم... جانن صديقاتي يردن عليهن لان يعرفن اني شنو وعائلتي شنو....... يتبع

للكاتبه#نسيم نسيم...
Almahdwya_74
....حبايب كلبي عيوني انتو.. ليش التفاعل قليل.. اني وقفت النشر من فتره لان شفت ماكو تفاعل منكم... هسه يلا بدت القصه تصير الف مشاهده... حبايبي إذا عجبتكم القصه صوتو وعلقو علمود استمر بالقصه.... اتمنى تتفاعلون وياي