كذبة حولتني لسفــاح[بالدارجة]

البداية

|كذبة حولتني إلــى سفاح|
•الحب لا يقبل الجبناء•

Farah el manssoury

"كانت جرعة نبيذه البخس"

كيتمشى بخطوات مبعثرة كيترنح بين طرقات الليل
و تأثير الشراب واضح عليه ...بعض الأحيان كيسب  وبعض مرات كيدندن و كيبدى يغني
جسدو كان ضخم بأكتاف مرفوعة و صدر قاصح
ورغم بنيتو الجسدية الا أنه تأثير الكحول خلاتو فحال شي ريشة كيتطاير مع لهوا...

بلعات ريقها هي ملي شافتو وبقات مترددة واش  تكمل طريقها ولا ترجع...
تنفسات و تشجعات دارت في بالها بلي هي هدوز من درب كلو ديور اذا غير شاف أو فكر يقرب ليها هتغوت على جهدها باش يعتقوها جيران منو ...واصلا باين عليه ماشي في وعيو و هتخلي مسافة الأمانة الكافية بينها و بينو
كملات ريم طريقها وهي حاضنة على صاكها وبدات كتتمشى وهي ملصقة مع حيط باش مايردش ليها داك سكايري البال

ولكن فحال لي تجنباتو هو لي وقع ...
كان هو كيغني بصوتو غليظ وغير دور عينيه جهتها وهو يمشي عندها
تجمدو أطرافها بالخوف ...في حين هو بقا كيشووف فيهاا لمدة قصيرة و بدا كيقرب وجهو لوجها
حتى حسات هي بحاجة باردة على وريدها
:عطيني الصاك ...
ريم تحقنو دموع في عينيها و بدات كترعد: عفاك أخويا ماطلقني راني غير دايزة و غريبة على الدرب في هاد صاك كاع فلوسي ماهنلقاش باش نشري دوا لاخذتيه ليا فحالا خذيتي عيني .

بدات كترغب و تزاوك فحالا هو لي عندو لحق وهيدير فيها بليزير لا خلاها دوز

في حين هو بدا كيغوت بصوتو الغليظ و مرة مرة كيكون هيطيح للأرض بسباب تأثير شراب : وطلقيي صاكك قبل ما نخليك تطلقي البولة ينعل طواسل جد بوك نتي وداك قو.اد لي كيطل

علا عينيه لشرجم لي كان كيطل منو واحد راجل كبير: ابلاتي نطلع عند اصل جد بوك حتى نتا أ كلب

ضار عندها ثاني: عطيني صاك قبل ما نعطيك مصارنك تظفريهم كيف ظافرة شعرك

بداو ينزلو دموع من عينيها و حيدات صاك في حين هو شدو بالنترة من عندها وغير هز صاك بدا يقلب فيه
اما هي غير بعد الموس على وجهها دفعاتو على جهدها وبدات كتجري بلا وعي
في حين هو غير شافها كتجري زير على صاك بيديه و بدى كيجري موراها
غير ضورات وشافتو تابعها و كيجري زادت من سرعتها و خليط من الخوف و الحـيرة خلا الأدرينالين يتدفق و سرعتها تضاعفت مبعدة على الوحش الأدمي لي معارفاش هدفو ماطالما خلات ليه صاك!ومحتواه
علاش كيجري موراها دابا ؟!

...