كذبة حولتني لسفــاح[بالدارجة]

003

||كذبـة حولتني ل سفــاح||

-رييم بصوت مرتاعد:مامسيفطك ليا حد ؟
حرك راسو بالنفي وهو مجاريها في آسئلة البليدة ديالها.
حلات صاك بيديها لي كيترعدو و لقات 600 درهم لي كانت في صاكها باقا محفوظة ولاكارط ناسيونال ديالها حتى هي ...كلشي باقي كيف ماهو ماناقص والو.

-نطق هو قبل ماتطرح شي سؤال اخور:ماكنتش واعي فاش سرقت منك الصاك ...انا ماشي شفار وماشي قتال باش نآذيك ...
ريم : نتا ماشي شفار ؟!

جاوبها و جسدو مزال في وضع هجوم لآي ردة فعل دفاعية هتعملها باش تحمي راسها:لاء انا ماشي شفار ...انا ماكنتش هناذيك...كلشي وقع حيث ماكنتش صاحي براسي و دابا ملي صحيت جيت نرجع امانتك...صاكك حليتو حتى لصباح باش نشوف شي نمرة نعيطليك بيها تجي تاخذي امانتك ولكن لقيت تيلفونك ماشي في صاك عليها كان بزز مني نجي ليك لدار و نرد ليك ديالك

حركات راسها بالايجاب وهي لسانها تربط عليها بالخلعة و زاد تنفض قلبها ملي تسمع صوت دقان في الباب .
قرب ليها وحط يدو على فمها ونطق بخفوت:ماجيتش باش نآذيك...بلا ما تآذيني(زاد زير على فمها ملي سمع الباب تدق مرة اخرى)

مدات يدها وبكل مابقى ليها من جهد حيدات يدو من فمها وناضت من الارض وهي مقربة للباب.

ريم وهي حاطة وذنها على الباب كتسنط:شكون ؟

علياء من مور لباب:ريم فتحي هادي انا

شافت فيه بنظرة خاطفة و توتر واضح على ملامحها ونطقت بخفوت:مخاصكش تبان قدامها .

شاف فيها لثواني ولاحطظ توترها:انا هنمشي .

ريم بإنفعال :مخاصهاش تشوفك واش ماكتفهمش! (شدات راسها بين يديها) علاش رجعتي عندي علاش!
تسمع صوت دقان مرة أخرى و صوت علياء لي غوتت بصوت اوضح من قبل: ريم فتحي ! واش تقلقتي مني قبايلا!؟ حلي حلي ندويو .

ريم مسحات العرق لي جبينهاا و نطقات بصوت مستوي كتخبع اثار التوتر فيه: سايني انا جاية .

شافت فيه كان واقف كيشوف فيها فحالا كيقوليها بعينيه انا باغي نمشي منين هنخرج .
ريم بخفوت:شوف اخويا الله يرحم ليك الوالدين نتا درتي معايا الفالطة و ماهنلومكش اذا كنتي سكايري الله يعفو عليك(سكتات مور ماعاودات سمعات دقان علياء في الباب):عليااء سايني داابا نحل ليك (رجعات شافت فيه ونقطات بنفس الخفوت)كنتي شفار حتى هي الله يعفو عليك بينك وبين لي خلقك دابا جيتي حتى لباب داري و دخلتي بزز مني وهاد شيى مبقاش بينك وبين لي خلقك دابا رجع بيني و بينك
مدات يدها و شداتو من دراعو:غادي نخبيك حتى تمشي البنت ساعة خرج
حيد يدها من دراعو ونطق بصوتو لي رغم خفوتو الا انه كان مسموع ليها بوضوح :شوفي اختي انا ما شفار ما قتال...انا جيت رجعت ليك امانتك
ريم :الله يكثر من مثالك دابا كمل على خيرك هنخبيك 10 دقايق  تمشي البنت ساعة خرج نتا

كان ملامحو واضح فيهم انه هيرفض ولكن كملات ليه بتوسل:خويا انا غير بنت ساكنة بوحدي في هاد دار مابغيتش شي حد ياخذ عليا نظرة خايبة الله يرحم ليك والديك حسبني ختك و دير في عينيك انني حسبتك خويا و مافضحتك ماديكلاريت بيك
نتا لي جيتي برجليك حتى لعندي مباغاش شوهة ولا سمعتي تتطعن في ذنب ماعندي فيه لا رجل لا راس .
حط يدو على دقنو ونطق بخفوت: فين هنتخبى؟!

شدات في يدو و جراتو وهو تبعها فين غادية بيه حتى كيشوفها حلات ليه طواليط وهو يجمع ملامحو حتى قاطعت رفضو قبل مايصرح بيه:داري صغيرة و مكاينش بلاصة نخبيك فيها من غير طواليط هي لي ماهتوصلهاش العين

و قبل مايجاوب شدات الباب و ضورات ساروت من على برا
اما هي قادات شعرها دوزات يديها على وجها وبدات كتدعي الله ميفضحهاش  عاد خرجات فتحات لباب
علياء دخلات لدار : واش مابغتيش تدخليني ولا كيفاش؟!

ريم كتنسي صاحبتها:ياك خرجتي و عطتيني بظهر؟!

علياء نزلات الميكة لي كان فيه ليطرو دلحليب فوق طابلة د صالون :حتى نتي عارفاني ملي كيطلع ليا الخرا لراس كنخرج نبدل ساعة باخرى غير كنبرد كنرجع وهاني جبت ليك حليب نشربو القهيوة بجوج

ريم هزات الميكة و مداتها ل علياء:راني شربتها  كحلة مابقيتش محتاجة ل حليب .

علياء جلسات فوق السداري و هزات مخدة حطلتها في حجرها و جلستها مريحاتش بال ريم وعرفاتها جاية و هطول الجموعات معاها وهاد شيى هي مباغاهش هاد ساعة بالخصوص .