كذبة حولتني لسفــاح[بالدارجة]

001

|كذبة حولتني الى سفاح|
"كانت جرعة نبيذه البخس"

Farah el manssoury

"الحب لا يقبل الجبناء"

001

سردات كيفاش تسرق ليها صاك لصاحبتها لي كانت كتشوف فيها بفضول
علياء: و شنو وقع من بعد ما بدى كيجري موراك؟

ريم بدات كتستذكر أحداث ليلة البارح و نطقات: بقا كيجري موراايا انا كنجري و هو كيجري حتى طاح هو في الأرض وانا كملت جرا حتى لباب دار

علياء: وعلاش دزتي من داك الدرب

ريم كتغسل الماعن الموسخين و يديها مغرقاهم الرغوة: ساليت خدمة معطلة ... وزيد ماشي أول مرة ندوز من داك درب

علياء كتشد من عندها لماعن و كتستفهم: كون دفعتيه قبل ما تعطيه الصاك و زيد عليها كان خاصك تديكلاري

ريم : كان هاز موس(سكتات لثواني كتستذكر كل ثانية دازت عليها وكملات هضرتها)وكنت خايفة ما عرفتش كيفاش نتصرف حتى بعد لموس على عنقي عاد حسيت بروح رجعات ليا وزيد عليها انا منين هنعرف هذاك منين ؟ و شكون ؟
لفلوس لي عندي في صاك هوما لي هنخسرهم في كومسارية
و اصلا مباغاش الصداع و نزول وطلوع للكومساريات مشات القهوية ليوم(100 درهم) يعوضنها الله بشي زرقة غدا(200 درهم)

-علياء حطات يديها على خصرها و نطقات بشخصيتها لي كتظهر من أسلوبها وحركات جسدها أنه قوية: وايه فلوس يمشيو و يجيو ولكن حنا غير ناس على قد حال وهاد نوع خاصهم الحبس هانتي ليوم سلكتي واش ضمنتي غدا تسلكي منو؟ وهانتي كاع بدلتي طريق! واذا تعدى على شي بنت فحالك غدا ولا بعد غدا ويبقى ذنبها على رقبتك
راه كتهبطي على حقك وانا واخا يكون صاك خاوي مانزلش على حقي و نطلع يدي لسما ندعيه ل ربي و نزيد ندعيه في كومسارية

-ريم نزلات طبسيل لي في يديها : مباغاش ندوي في هاد شيى كثر راه خلعة مزال شاداني ليل كلو وانا فايقة كنحس برجلي مشللين علياا فحال حجرة كنحركم بزز ونيت راه غير سكايري حتى اذا دخل للحبس هيبقى شي سيمانة و يخرج يحط ليا موس ثاني فوق عنقي .