رواية مصيبة هانم
الحلقة الثانية عشر
بقلم دنيا محمد و روان أحمد
------------------------------
وحشتوني 😂💙💙متنساش تعمل نجمة يا قمر ياللي بتقري البارت عشان أحبك جامد يا جامد😉❤️
---------------------------------------
في صباح يوم جديد على جميع أبطالنا..
في حُجرة منة المشتركة بينها و بين بهية ..
- يعني قصدك إيه بأني بحط عك أنا ميكب أرتيست !
تنفست منة الصعداء و أرجعت خصلة من شعرها المتناثر على وجهها بطريقة عشوائية تمتمت بهدوء :
- بهية أنتِ عكاكة ممكن تسيبيني أنا و هظبطك؛ عشان ريان ميجيش يطلع عيني و عينك !
زفرت الهواء بفتور و قررت أن تخضع لحديث منة فهي تُريد إنهاء مهمتها بأقصي سرعة و العودة لحياتها الطبيعية من جديد و لأول مرة تهزّ بهية رأسها موافقة دون نقاش يدوم ساعات، أبتسمت منة برضا و توجهت ناحية دولابها وقفت ثواني و عادت و بيديها ثوب باللون الأسود و تحدثت بحماس :
- بُصي يا بهية أول حاجة أدخلي ألبسي الفستان دا هيليق عليكِ .
نظرت بهية للثوب الذي بين يدي منة بأستحقار و حولت بصرها مرة آخري لمنة صائحة برفض :
- نعم !، عايزاني ألبس الفُستان الحقير دا ؟ مالها العباية الحمرا أم خمسين جنية؟ غوري يا بت من هنا بدل ما أموتك قال ألبس الفُستان الحقير دا قال بقا بهية بنت الحاج رضوان أشيك بنت في الحتة تلبس دا ؟
أنهت جملتها برفضً قاطع حتى وجدت منة تضحك بصخب و لا تستطيع أن تتوقف عن ضحكاتها، حدجت بِها بهية بنظرات مغتاظة مردفة :
- بتضحكي على أية؟ هو أنا قولت نكتة؟
أجابتها منه وهيا تحاول كتم ضحكاتها على هيئتها تلك:
-لا أصل فكرتينى بواحدة كده بتشرب الشوربة فى الكوبايه وشايفه أن ده مكنها الصح
أمتعضت ملامح بهية وتسألت؟
-ما هيا بتتشرب فى الكوباية عادي أنا مبشربهاش غير كده ويسلام لو في شفاطة
أمتعضت ملامح منة وقالت بتقزز:
-شفاطة؟ أسمها شفاطة الشليموه بقا شفاطة قومى يا بهية الله يرضى عنك قومي أقلعى
وضعت بهية كلتا يديها علي جسدها فى خوف وهيا تحميه من نظرات منه وأردفت:
- أتقى الله أتقى الله يا أخت منه أتقى الله وأعرفى أن عندك أخ شحط وكما تدين تدان وربنا يخدك لو نيتك ريمبو
لم تستطع منه الرد بسبب هذا التلوث الذى سمعته للتو بل ظلت واقفه كـ التمثال لا تتحرك من مكانها ما هيا إلا بعض الدقائق وتستيقظ من صدمتها وتصيح بها:
-أتقى الله وريمبو روحى أقلعى القرف الي انتي لبساه ده وإلبسى الفستان يمو دماغ قذره
أنت تقرأ
رواية مصيبة هانم ♡ مُكتملة
Humorمصيبة هانم جميع الحقوق محفوظة للكاتبتين ♡ رواية كوميديا_رومانسي_أكشن
