بـنـت الشـيـخ صـالـح

Part 1

في اليل جهزت ملابسي و الذهب وكل شي اقدر استفيد منه من ورث امي و ابوي وطلعت من بيت عمي بعد ما نامو الناس عشان ما يشوفني احد وانا اشرد ،وانا امشي بطلع من المنطقه و اسمع صوت كم من شخص يتكلمون تخبيت ورا احد جدران البيت و اطل اشوف منهم الا اشوف قحص وشخص مو من المنطقه يتفقون يمشون قبل الشروق ،ولما دخل البيت فكرت ليه ما اتخبى بين الاغراض في الحوض الحمر ذا ، مشيت تخبين بين اغراضهم في الحوض الحمر ،واذا وصلو المدينه طلعت بدون ما يحسون. وانتظرتهم لوقت طويل لين غفيت
، صحيت على حركة السياره الغريبه رفعت راسي شوي الا اشوف اننا في البر !! ارفع راسي شوي عشان اشوف من الي يسوق الا اشوف مصلح والي جنبه واحد ما اعرفه

توقف السياره ويتكلم واحد :هنا ننزل الخيام يعيال
توقف قلبي وانا اسمع اصواتهم تقرب مني وبعد ثواني تنسحب الخيام من جنبي ثم يسحب واحد السجاده الي انا متخبيه تحتها وارفع نظري له واشوفه يطالعني بنظرات غريبه وفجئه يسحبني بقوه ويطيحني على الارض ويقول: من انتي وش تسوين هنا !،انا هنا تجمدت من الرعب انا وين حطيت نفسي ؟،ينادي عليه واحد من بعيد : مهل! وش قاعد تسوي اخلص علينا ويرد عليه: تعالو شوفو البلوه الي هنا يجتمعون كلهم حولي قرب مصلح وحط السلاح على راسي وقال: من انتي ومتى جيتي لهنا
رفعت راسي وطالعته والدموع مغرقه عيوني وقلت م مصلح ا انا ب بنت الشيخ صالح

مصلح :الشيخ صالح! ووش جابك لسياره؟ مجنونه انتي؟مهل قرب وقال خلونا نذبحها بتفضحنا اذ تركناها طالع رشاش لمهل وكانه عجبته الفكره وقال خذها يا مصلح
شهقت ومسكت يد مصلح وقلت تكفى اعطيكم الي تبون ذهب فلوس الي تبونه بس لا تذبحوني طالع مصلح رشاش و يقول نتركها في البر؟ قرب رشاش وجلس قدامه وقال تسوين كل الي اقولك عليه والفلوس والذهب الي تتكلمين عنه كله لنا طالعته بخوف وقلت كله كله خذوه بس خلوني حيه قال سلطان لرشاش وش تبي فيها قال رشاش محد بيشك فينا وبيننا حرمه ،يوقف ويقول بتقعد معنا حتى نشوف اخرتها خذها يا مصلح وخلها تطلع الذهب وحطها في احد الخيم تفرقو وما بقى الا انا ومصلح

وقف مصلح وقال جيبي الذهب و تعالي وراي
اخذت شنطتي ورحت وراه بسرعه وقف قدام احد الخيم وقال اقعدي عاقله و الذهب بنجي ناخذه منك بعد ما نرتب الخيام فاهمه؟ ادخلي يلا ويروح مصلح يساعدهم وادخل واجلس و احاول استوعب المصيبه الي حطيت نفسي فيها تمر ساعات وما يجي احد فقررت افك الطرحه واريح اعصابي

والعصابه جالسه حول النار في اليل يطالع رشاش مصلح ويقول له :شوف شصار عليها وجب الذهب ،يقوم مصلح ويروح لخيمتها ويدخل بدون اي صوت او تحذير ويشوف ذاك الشعر الطويل الي لامس الارض من طوله وهي معطيته ظهرها ويقاطع تامله قحص وهو يقوله وين الذهب يا مصلح تلف وتتلاقا عيونها بعيونه وتشهق وتتغطئ بطرحه يبعد نظره عنه اخيرا ويقول وين الذهب يابنت الشيخ؟