بـنـت الشـيـخ صـالـح

Part3

رجعو لمكانهم وصار الليل و اجتمعت العصابه حول النار يرقصون ويغنون يحتفلون بنجاح خطتهم وقام بعدها واحد ور الثاني ينامون وبعد ساعه صحى مصلح على صوت حركه حول الخيام قام وشال سلاحه وطلع يدور على مصدر الصوت بحذر،و يلمح  خيال شخص جالس ورا الخيام قرب بهدوء منه وحط السلاح على راسه وقال من انت ؟ ردت عليه وقالت انا شيخه وبعد سلاحه مصلح وقال ليش جالسه في ذا الوقت ما تخافين تجيك الذيابه ؟
ردت عليه وقالت  في ذا الوقت محد يقدر منكم يشوفني واقدر اطلع واتنفس براحه وشفت الي يخوف اكثر وقفت عليهم؟ وقال مصلح بصوت جدي وكلام سريع ابعدي الدابه حدرك و نهضت من مكانها وتناقز وينها وينها يرد عليها مصلح وهو يضحك هذي الي م تخاف من الذيابه؟ تزعل شيخه وتعطيه قفاها رايحه لخيمتها يناديها مصلح ويقول لايكون زعلتي؟ الا تعالي من كان ذاك الرجال ووش كان يبي فيك؟ تنهدت شيخه شاف كسره الحزن بعينها و قال اجلسي حولي وقولي لي، رد شيخه وقالت هاذا ولد عمي ابوه مرسله يدور عني، سالها مصلح ليش هربتي من بيت عمك من البدايه، ردت شيخه وقالت عمي يا مصلح كان طول عمره حاسد ابوي على رزقه وحلاله  ولما توفى ابوي بصفتي بنته الوحيده اخذني عمي عنده عشان يكون كل الورث بيده وكان مخليني  عند زوجته وبناتها  وقررت في ذيك اليله اني اخذ شي من الي اقدر اشيله واطلع الطريق لخالي عشان ياخذ حقي منهم بس حطيت نفسي في مصيبه اكبر من مصيبتي الي كنت فيها

في الصباح يجمع رشاش العصابه ويقول لازم نغير مكاننا عشان ما تجيبنا الشرطه ونغير ذاك الموتر قحص ومصلح  عليكم الموتر  وانا وسلطان ومهل بنروح ندور مكان ثاني ساله عمر وقال وانا وش اسوي رد عليه رشاش وقال اقعد عندها بنترك خيمتها و الموتر معك لما نستقر بمكان نجيكم ما راح نبعد كثير اصلا ويلا نحمل الاغراض  وسحب مصلح عمر ويقول له تروح مكاني مع قحص؟ احس اني ماني بخير وظهري لك عليه يرد عليه عمر ويقول ابشر انت اقعد هنا وريح يرد م قصرت وانا اخوك يروح عمر للموتر ويشوفه قحص ويقول وش جابك انت؟ مو بتجلس مع البليه؟ رد عمر وقال لا مصلح بيجلس يقول انه تعبان شوي يضحك قحص ويقول م ظنتي هتيس الاربد عيونه تلاقط عند البنيه اركب اركب بس  بعد م شاف مصلح انهم راحو راح لخيمه شيخه يتنحنح  ويقول يا بنت تعالي جبت لك العوض تطل عليه وتقول اي عوض تقصد؟ يمد لها ويقول خوذي هديتك يحمر وجهها ترد عليه بتوتر وتقول ليه الكلافه م قصرت وقلبها يتراقص من الفرحه تفتحها وتشوف دابه تصرخ وتهرب وتنسى طرحتها طايحه ومصلح منهار ضحك عليها  ويلمح رجل مقبل عليهم يأخذ طرحتها ويروح عندها و يقول  يشيخه تعالي يا بنت ويرمي الطرحه على راسها ويخليها ورا ظهره يسلم الرجل عليهم يرد مصلح السلام وقال موتري خلص بنزينه قريب وانا طالبك ان تعطيني شوي اكمل فيه مشواري وعين الرجل على شيخه وقال  م شاء الله بنتك؟ رد مصلح وقال لا زوجتي خلاص بعطيك البنزين ورح بدربك وبدا الرجل يتشكره وكيف انه بينقذه من مصيبته قال مصلح روحي لخيمتك شوي وجايك يروح مصلح مع الرجل وبعد فتره سمعت شيخه صوت رجال يضحكون وكيف انه جلس يقاوم وينادي عليها يا مره رجلك مقيد عند الشجره تطلعين لنا كل الي معكم ولا ادخل اخذه؟ ركضت شيخه لمكان ذهبها و بعض من اغراضهم ودفنتهم تحت الخيمه وبهذا الوقت تلهيهم بكلامها صرخ عليها وقال بدخل اذا م طلعتي لي اخر كلام عندي وتطلع من الخيمه وتبعد عنها وتقول حنا على قد حالنا وم عندنا شي يسرق ادخل الخيمه واذا لقيت شي خذه معك بس لا تقرب لي ودخل الرجل م حصل فيها شي وطاحت عيونه على الموتر قال خلاص يرجال ناخذ هالموتر ويأخذونه وقبل يروحون قال لها هاك الجهه تحصلينه تركض شيخه وتشوف مصلح