بـنـت الشـيـخ صـالـح

Part 9

خلص اكلك وقوم نام وانا بجيب لي شي انام عليه هنا عشان ما يشك علي بشي و يوقف مصلح ويقول احسن ما يصير تنامين بمكان مفتوح والبيت فيه رجل تضحك وتطالع فيه وتقول انت مو رجل يعني ؟ يرفع راسه ويعطيها نظره شرايك؟ و تقمط العافيه من نظرته وتغير الموضوع وتقوله بروح اجيب مفارش جديده وتاخذ صينية الاكل وتطلع وترجع وتعطيه وتقول تعرف كيف تغيرها ولا تبي اساعدك؟ ياخذها مصلح منها ويقول من ما يعرف يسوي شي سهل زي كذا ويركبها معكوسه وتطالع فيه وتضحك وهو متورط ويحاول يرتبها وتقول وهي تضحك انت ما تعرف الا تصفق الخلق خلها عنك انا اسويه وتعيد ترتيب السرير وينتبه على نفسه انه يبتسم وهو يطالعها فجئه يسمعون صوت الجده وهي تنادي وتقول مع من تضحكين يا شيخه؟ تطالع فيه شيخه وتقول لاتطلع صوت وتطلع من الغرفه وتروح لجدتها و تقول عسى ما شر يمه ليش صاحيه في ذا الوقت؟ وترد عليها الجده وتقول تضحكين مع من وتتوتر وتقول مع علي وترد الجده وتقول وش جاب علي للبيت وترد شيخه جاي يبات عندنا الليله عشان في سرقة منتشره في الحي وتقول الجده زين جيبي لي ماء ونامي ولا تجلسين معه لحالكم تالي الليل

مرت الايام وشيخه تتعلق بمصلح اكثر و التشديد على البحث عنه يكون اعمق وجاء اليوم الي سمعت فيه علي يتكلم ان التفتيش بيكون بعد شروق الشمس ويسكرون المنطقه وجميع المنافذ و تركض لغرفتها تطلع الشنطه الي جهزتها لمصلح من تحت السرير يناظرها مصلح ويقول هذي ايش؟ تر شيخه بكل ثقه وتقول شنطه يضحك عليها ويقول اي ادري ليش طلعتيها اقصد و تجلس قريب من عنده وتعطيه اياها وتقول حطيت لك كل شي ممكن تحتاجه بس باقي مشكله وحده يقاطع كلامهم صوت علي يتنحنح ترمي شيخه على مصلح شرشف اششش لا تتحرك تمشي بتطلع يرمي عليها طرحتها ويقول غطي شعرك زين لا يشوفك تطلع وخدودها حمراء وكاتمه ضحكتها يباغتها وجه علي وتقول هلا بغيت شي ي ولد الخال؟ يقول لها كنت بسوي لي شاهي بس م لقيت وترد وتقول لا انت بضيافتي انا اسوي لك يرد عليها علي مشكوره م قصرتي ويروح علي للمجلس

ترجع ركض للغرفه مصلح و مصلح ينخرش منها ويقول وش فيك؟ تقرب وتهمس له وتقول معك حبوب زي الي كنت تعطيها مهل؟ يستغرب من سؤالها ويقول بعدين كيف عرفتي ان معي حبوب و وش تبين فيها تطالع فيه وتقول احتاجها بسرعه هاتها ويرد ويقول لا م راح اعطيك منها علميني ايش تبين فيها؟ تراها مضره وم ابيك تقربين وتطالع فيه وتتنهد وتقول له قرب ويرد وين اقرب؟؟ تضحك ترا انا م اعض قرب يرد ويقول ليه اقرب؟ ترد وتقول يعني ليه ؟عشان اقولك ايش ابي فيها وتمسك ذراعه وتسحبه وتقربه لها وتقوله بحطها في شاهي علي عشان ما يعوق طريقك ويلتهي يطالع فيها ويضحك ويقول الي ما يقدر عليه شيطان تقدر عليه مره يطلع الحبوب من جيبه ويمدها لها ويقول حبتين تكفي وتوفي ترد وتقول لا ما تكفي احتاج اربع يضحك ويقول بتموتين الرجال؟ وبتتكلم ويقاطعها صوت علي وهو يقول شيخه! الشاهي؟؟

شيخه تاخذ الشاهي لعلي وتحطه قدامه تفضل يقول لها اقعدي نشرب جميع ترد عليه ودي بس لازم اروح للجده واعطيها ادويتها المره الجايه يا ولد الخال وتبتسم بلطف توقف شيخه عند الباب وتتأكد ان علي شرب من الشاهي وتروح لمصلح وتقول له كم يبي لها الحبه ويبدا مفعولها ؟ مصلح كم حطيتي؟ شيخه حطيتها كلها يطالع فيها مصلح مصدوم مو صاحيه الهطف بيروح فيها ويضحك شيخه بكل جديه تقول مصلح ركز معي لازم تهرب الحين بس ننتظر مفعولها وتروح و يمسك يدها مصلح روحي معي ويطالع بعيونها واحطك بعيوني والله العظيم يا شيخه اني شاريك تتوتر شيخه وتناظر الارض و تتلعثم بكلامها وتقول بس مكاني هنا يمصلح مقدر اترك كل شي وراي وتناظر بعيونه م ابي اسمع انك تأذيت انتبه على نفسك ينزل مصلح راسه ويقول بحزن يعني م راح تجين معي؟ فكري يشيخه تسحب يدها من يده وتقول بجلس عند المجلس تجيها الغصه وتمسك نفسها و بصوت واطي وتقول عشان اول م يبدا مفعولها اقولك