بـنـت الشـيـخ صـالـح

Part 7

بعد فتره استقرت شيخه ببيت جدتها وكانت تسمع اخبار مقتل مهل وسلطان ويتبعهم بعد ساعات مقتل قحص
وفي الليل وهي تفكر في حال باقي العصابه تسمع صوت طق على باب البيت تحط طرحتها على راسها وتروح وتسال مين عند الباب؟ وما تسمع رد وتكرر كلامها وتسمع صوته وهو يقول مصلح انا مصلح يشيخه افتحي تفتح الباب وتطالع فيه بصدمه وتقول مصلح! تتفقد حاله بنظرها وتشوف الدم مالي ثيابه و تطالع فيه وكلها حسره وحزن عليه وتدخله للبيت وتتاكد ان محد شافه وتاخذه لغرفتها وتحط يدها على وجهه وتقول مصلح تسمعني يرد عليها ولسانه ثقيل ويقول جابتني رجلولي لين عندك بدون شعور تغرق عيونها وتتفقد مكان الجرح تضغط بقماش تحاول توقف النزيف ويدينها ترجف وتقول لمصلح بنبرة صوت باكيه خلك معي لا تغمض عينك تحمل بتكون بخير وتتذكر كيف رشاش عالج اصابة سلطان وتروح تجيب الي تحتاجه وتمسك الملقط وتقول بطلع الرصاصه الحين وتحط قطعة قماش بين اسنانه وتقول رص عليها ولا يطلع لك صوت وتطالع في الجرح ويطيح الملقط من يدها من الخوف وتهدي نفسها وتستجمع قوتها وترجع تاخذه ويدها ترجف وتطلع الرصاصه وتطهر الجرح وتبكي على صوته وهو يتالم تطالع فيه ويكون شبه واعي وتقول لازم نكوي الجرح عشان يوقف النزيف وتجيب الحديده وتقول بعد ل ثلاثه و بحطها تحمل وتحطها على الجرح وويكتم صوت تالمه بصعوبه

يصحى مصلح على صوت الاذان و يتنبه مصلح ويشوفها جالسه حدر السرير وشعرها على وجهها يبعد شعرها ويتأمل ملامح وجهها وذهنه متشتت فيها تصحى شيخه على صوت الاذان وطاحت عينها بعينه تعدل جلستها ويتنحنح و تتفقده و تقول كيف حالك الحين؟ التهاب جرحك سبب ارتفاع لحرارتك امس وتجيب قطعه قماش نظيفه وماء تنظف فيه جرحه ويمر يومين ومصلح على الفراش مريض وفي اليوم الثالث تسمع شيخه قرع الباب وتتفاجئ بخالها مسير عليهم ! و تهلي فيه تقلطه بالمجلس وعينها على باب غرفتها يبستم خالها ويقول هو يبنيتي الباب بلاه شين؟ تجاوب عليه شيخه وتقول ها لا يخال سم وش بغيت يرد الخال ويقول اي ابشرك اني اخذت حقك كامل من عمك وفيه بعض الامور الي كنتي تجهلينه من حلال ابوك بعد صار من نصيبك وترد شيخه وتقول جزاك الله خير يا خال وجزاك هاذا م اني ناسيتها لك ومردود جزاك يخال و تقوم تحب رأسه احترام وتقدير له الخال يقول ممازح امه ويقول نزوجها ل علي يا يمه الام اي والله م مثلها شيخه كلها ملح وقبله واسنع منها م فيه الاخلاق والنعم والجمال الله الله شوفت عينك وعلي اسم الله عليه وليدي من طيبه وطهاره القلب الي فيه وكانك م تدرين يبنتي تراه اكثر واحد من احفادي رافع راسي علم يعلمه وشغلته م هي هينه

شيخه تمازح جدتها وتقول يوه شكلك تبين الفكه مني وتتصنع الضحكه ليقطعها ضحكه خالها ويقول اشوف ياميمتي جاز لك الوضع لازم نشوف رايهم وم حنا عجلين تطالع في خالها وتقول عن اذنك بروح لغرفتي وتدخل لغرفتها وتسكر الباب ويكون مصلح واقف ورا الباب تصرخ بخوف وتسمع خالها يقول شيخه! فيك شي؟ وترد وتقول مافيه شي يا خال بس شفت صرصور وتقفل الباب بلمفتاح ويقول مصلح انا صرت صرصور؟ وتضحك شيخه وتقول خوفتني ليش قمت من السرير؟ انت للحين مريض ويقاطعها ويقول مين علي هاذا؟ ترد وتقول ولد خالي الوحيد و يقرب لها مصلح ويقول بتتزوجينه؟ تطالع فيه وتقول الله يكتب اللي فيه الخير ويقاطعهم خالها ويقول يا شيخه تعالي خذي جدتك لغرفتها تطالع في مصلح وتقول لا حركه ولا صوت حتى الليل وتطلع وتقفل الباب وراها