بـنـت الشـيـخ صـالـح

Part 17

يقرب عمر من مصلح ويقول ولا ما تبي تسمعها ؟ يرمي مصلح الزقاره ويقول الا هات الي عندك و عمر يضحك ويقول ماني قايل حرف لك حتى تدخل وتتروش وتريحنا من صنتك و يطالع في مصلح ويقول كبرت وصرت تتشرط وطلع لك لسان! و يطالع عمر في مصلح ويقول اجل خلاص خلك على هل حال وماني قايل لك حرف عن شيخه ويروح عمر ناحية الباب ويمسكه مصلح قبل لا يطلع ويقول صدقت كنت امزح معك و يطالع فيه عمر ويقول يلا اخلص 10 دقايق اذا طولت ماني منتظرك

يطلع مصلح وهو ينشف شعره بلمنشفه ويقول يلا انطق وش عندك و يطالع فيه عمر ويقول اييه كذا طلعت شخص يليق بشيخه مو المدمن الي قبل شوي و يجلس مصلح بجنبه ويقول اخلص علي وقل وش اخبار شيخه قالت شي؟ صار فيها شي؟ و يطالع فيه عمر ويبتسم ويقول مافيها الا العافيه والشيخ محمد و شيخه ينتظرونك بعد مسيان في بيت شيخه بس هاه ياويلك يصير زي اخر مره و يقوم مصلح من الفرح يبي يحضن عمر بس ينتبه على نفسه ويرجع مكانه ويقول وش عرفك عن اخر مره يرد عمر ويقول ولدها قال انها تبكي

يرد مصلح ويقول هالفضيحه ذا انت تدري ليه بكت؟ طيب تخبر كيف تزوجها علي؟ و يطالع فيه عمر ويقول قالت لك صح؟ يرد مصلح وش قالت لي؟ يرد عمر ويقول انها ما تزوجته يجلس مصلح على الارض ويقول يعني انت تدري من متى تدري ؟ وكيف ؟ وليه ما قلت لي؟ عشان م اشيل بنفسي عليها هالكثر يرد عمر ويقول عرفت قبل سنه وهاذا شي يخصها وعشان كذا جمعتكم يتنهد عمر ويقول العم محمد وخالها ابو علي لما شافو حال شيخه و علي المقتول عرفو الي صار و غطو السالفه انها تزوجته عشان يسترونها ويسترونه بعد شهور اكتشفو انها حامل ينزل مصلح راسه ويشد على يده ويقول بندم ليش تركتها ذيك الليله كيف طاوعني قلبي اتركها وانا حاس انه بصير لها شي ويقوم مصلح لغرفه الثانيه ويسمعه عمر وهو يكلم نفسه بعصبيه وصوت اشياء تطيح واشياء تتكسر ثم فجئه يهدى الوضع ويقرب عمر بيفتح باب الغرفه عشان يشوف مصلح بس يوقفه صوت مصلح وهو يبكي ويلوم نفسه على الي صار لها ويبعد عمر عن الغرفه بهدوء ويطلع من المكان عشان يتركه على راحته ولا يزعجه

يروح مصلح بعد المغرب لشايب في بيت شيخه ويطق الباب ويفتح ولد شيخه وهو فرحان ثم يعبس يقول وين عم عمر؟ يسمع مصلح الشايب وهو يقول من عند الباب يا ولد و يرد مصلح بصوت عالي ويقول انا مصلح ياعم يدخل مصلح للمجلس وهو يسمع حلطمت ولد شيخه عن عمر ويطالع الشايب في مصلح ويقول تعال اقرب واجلس هنا و يجلس مصلح ويقول امر يا عم و يرد عليه الشايب ويقول ما يامر عليك عدو ياولدي وطلبت جيتك هنا عشان اقولك عن رد شيخه عن موضوع زواجكم و يتوتر مصلح ويعدل جلسته ويحاول يضبط صوته ويقول ايش ردها يا عم ؟ و يرد الشايب ويقول عندها شرط قبل كل شي توافق تسوي الشرط؟ البنت لك ترفض تسوي الشرط؟ اعذرنا مافي نصيب ويقوم مصلح من مكانه ويحب راس الشايب احترام له ويقول انا موافق على كل شروطها مو بس ها الشرط هي تطلب بس وانا انفذه لها الي تبيه لو تبي افرش لها الدنيا ان بغت و تضحك وتبتسم شيخه وهي تسمع كلامه من ورا الباب و الشايب يطالع في مصلح ويقول اثقل شوي يا رجال لا تصير خفيف كذا و ينحرج مصلح من الشايب ويقول السموحه يا عم بس اني الفرحه تحمست شوي ويطالع مصلح في الشايب ويقول بس ما قلت لي وش الشرط ياعم؟