بـنـت الشـيـخ صـالـح

Part 15

يوقف مصلح عند الباب ويقول وهو منزل راسه السلام عليكم يا بنت الشيخ انا مصلح بن سيف الش ينفتح شوي من الباب ويشوف طرف شعرها ويرفع راسه وتتلاقا عيونهم ويبتسم وهي متجمده بمكانها من الصدمه وكانت بتفتح الباب كله لكن مصلح يقرب اكثر ويمسك الباب قبل لاينفتح بسبب وجود الشايب ويقول اشتقت لك والغلا قرب يضيعني والخاطر اللي صبر مل وقضا صبره بأعلمك شي وافْهم دام تسمعني من واقع التجربة والوقت والخبرة لو الخلايق على حبك تنازعني يبطون ما حركوا فيني مغز إبره ويقرب لها اكثر ويقول انتظرتك كل هل السنين ووصبري انتهى وانتظر ردك قريب ويعطيها قفاه ويمشي

ترجع شيخه لغرفتها وتقفل الباب وهي تبكي وتقول طلع حي بعد كل هسنين الي ضنيت فيها انه مات كيف بعد 7 سنين رجع فجاءه حتى اخباره م كانت توصلني ولا حتى سأل عني او حاول يوصل لي خبر انه حي وترجع تبكي وتندب حظها لو انه ما طاعها وراح كان ما عاشت الي عاشته وتتذكر كيف كانت ملامحه وكلامه وتحاكي نفسها اجل صبره انتهى وين كان كل هسنين انا الي انتظرت خبر عنه واسأل عنه ويقولي انتهى صبره؟ وتبكي وبعد وقت تهدئ تمسح دموعها وتروح لولدها الي يدورها في البيت وتقول عيون ماما وش بغيت؟ ويرد عليها ويقول ليه عينك حمراء؟ويمسح على وجهها وهو معبس تمسح على راسه وتجلسه بحضنها لا حبيبي جاء تراب لعيني وتبتسم وتطالع في وتقول حبيبي شوف نقول مثلا لو جاء واحد وقال ابي اصير ابو لمصلح عادي؟ ويوديك البقاله ومزرعه يبه وي .. يقاطعها ويرد عليها لا م ابي بس ابي ماما ويحضنها وترد وتقول اي انا معك بس بيصير عند ويقاطع كلامها مره ثانيه ويقول لا لا فيه يبه ابراهيم ويبه محمد وعم عمر وعندي ماما

بعد صلاة الجمعه يطلع عمر من المسجد و يشوف الشايب واقف وقدامه رجال معطيه قفاه وماخذتهم السواليف ومو حاسين ب الي حولهم فجئه يشوف ولد شيخه يركض ناحية الرجال ويحظنه ويلف الرجال ناحيته ويشيله وهنا لمح وجهه مصلح ويطالع مو مصدق عينه ان عمر قدامه ويسأل عمر الولد شلونك وكيف ماما؟ يرد عليه ويهبد بسواليف تعال عندنا عم عمر صار عندها مجلس جديد ورحت عرس سبحت بالمزرعه وفيه مصلح كبير مو انا واحد ثاني يضحك عمر ويقول كل هاذا صار وانا مسافر ويسمع صوت يعرفه يقول عمر؟؟ يلتفت له وينصدم ويقول مصلح؟

يروح عمر يحضنه ويقول ما اصدق اني شفتك حي متى جيت وكيف حالك ووشصار عليك يرد مصلح ويقول سمعت انهم قتلوك مع رشاش ما صدقت عيوني لما شفتك واقف قدامي ويحط يده على كتفه ويقول متى جيت لديره ذي؟ قبل ثلاث سنين اصدرو حكم العفو عني ورجعت واهلي راحلين وامي توفت الله يرحمها وقررت اجي هنا و اشوف اخبار شيخه بسبب انها الوحيده الي خطرت في بالي و يقاطعه مصلح ويقول تراني خطبت شيخه يا عمر يطالع فيه عمر ويقول خطبتها؟ وافقت؟ اتذكر انها رافضة فكرة الزواج يرد مصلح ويقول كيف عرفت وش تفكر فيه هي؟ لا ما رفضت بتوافق ان شاء الله يرد عمر ويقول يعني م وافقت؟ يرد مصلح ويقول انتظر ردها و انت وش علاقتك بشيخه؟

يقرب له عمر ويحط يده على كتف مصلح ويقول تراها مثل اختي وم ابيك تضرها انت متأكد تبيها خير ؟ و انت ليش تبي تتزوجها؟ يتنح مصلح بعمر ويقول ليه الواحد يتزوج وحده؟ لانه يبيها وشاريها بعيونه بعدين من معينك حارس عليها؟ يرد عمر ويقول يعني تحبها ؟ يرد ويقول لو اني ما احبها كان ما عنيت وجيت لهديره الي ما اعرف فيها غيرها كان رجعت ل اهلي بعد سبع سنين فراق بس كان كل همي شوفتها يطالع فيه عمر ويحط يده على كتفه ويقول لا تخاف انا بكلمها عن الموضوع بنفسي يطالع فيه مصلح ويقول لا يكون تجلس معها ؟!! عمر يضحك ويقول من ورا باب المجلس يرد مصلح ويقول يعني قد كلمتها وبينكم كلام ؟ يسكت عمر اقولك مثل اختي يطالع مصلح فيه بشك ويقول انت وين ساكن الحين؟ يرد عمر ويقول بشارع الثاني و يقاطعهم ولد شيخه وهو يسحب ثوب عمر ويقول ماما سوت غداء يلا ناكل ويرفع مصلح حاجبه وتاكل معهم بعد؟؟ يناظر الولد وانا اجي اكل معكم يرد عليه لا م يكفي بس انا وماما عم عمر و يرد مصلح وهو يضحك ويقول الحين ما صرت شي لما جا عم عمر؟ خلاص م اخذك للبقاله ولا المزرعه يرد ويقول م ابيك تاخذني ابي عم عمر ويسحبه يلا يلا ماما تنتظر يطالع مصلح بعمر بنظرات فهمها عمر وقال روح لماما انا بروح مع عم مصلحج