بـنـت الشـيـخ صـالـح

Part 8

ترجع شيخه لغرفتها ويقول لها مصلح م بغيتي تجين؟ اشوف اخبار علي اعجبتك تمسك شيخه ضحكتها وبعدين ليش غرفتك مكتومه ترد عليه وتقول الكتمه مو بالغرفه يا مصلح يرد عليها وش تقصدين؟؟ تغير شيخه الموضوع الا كيف حالك الحين شكلك تعافيت؟و يطالع فيها ويقول جيت على بالك الحين ؟ ترد عليه وانت متى رحت من بالي؟ وتتلعثم بلكلام وتقول لا ما اقصد اقصد اصابتك يطالع فيها وهو يضحك و يحط يده على كتفها ويقول ساعديني اجلس وتكتم شيخه ضحكتها وتقول الاصابه في ذراعك يا مصلح ومرت الايام ومصلح وشيخه على حالهم الا تجي ذيك الليله ويسمعون طق الباب و تروح شيخه و تسال من عند الباب؟ يرد عليها انا علي ولد خالك ابرهيم ترد عليه بغيت شي؟ ويقاطعها ويقول ارسلني ابوي ابات عندكم الليله انتشرت سرقه بالحي و يدخلون على اصحاب البيت وجيت عشان لو جا ما تكونين لحالك هنا وتقول شيخه م تقصر دقيقه وافتح لك تركض لغرفتها مفزوعه تدور طرحتها ويشوفها مصلح وش فيها بنت الشيخ مدفوق عقلها؟ تتكلم بسرعه بسبب الربكه وتقول علي جاء ارسله خالي فيه حرامي ويقول مصلح على مهلك م فهمت شي وش جاب علي في ذا الوقت؟؟؟ ترد عليه دقيقه واعلمك لا تطلع من الغرفه واذا سمعت احد قرب ادخل داخل تحت السرير ، يرد عليها ويقول انا مصلح بطولي وعرضي اخر عمري اتخبى تحت سرير؟؟ ترد وتقول علي يشتغل مع الحكومه لو يشوفك بيعرفك وتطلع وتقفل الباب بلمفتاح وراها وتروح تفتح لعلي ويقول لها عسى م شر ليش تأخرتي ؟

يدخل ويوقف بنص الطريق يناظر لشيخه ويبتسم ويقول كبرتي وغديتي حرمه للحين اتذكرك يوم كنتي صغيره م تطلعين لاطفال الحي الا معي؟ تذكرين دحيم كنتي تخافين منه لانه يشد شعرك تضحك شيخه وتقول ما تنسى ها الذكريات الحلوه ،وتقول شيخه تفضل لا توقف على الباب تفضل للمجلس بجيب لك شي تنام عليه البيت بيتك يدخل علي للمجلس ويجلس ثواني ويقوم ورا شيخه يشوفها عند المخزن تطلع المفارش يركض يشيل معها ويحاول بأي طريقه يضحكها ويسترجع معها الذكريات فجئه يطلع صوت من غرفتها علي سمعتي؟ ترد شيخه سمعت؟ ما سمعت شي وش تقصد؟ يطالع فيها علي ويقول انا سمعت خليك هنا وتتوتر شيخه و تسحب شي من الارفف وتطيح نص الاغراض على الارض عشان تلهيه يرجع لها ويقول صار لك شي؟ ترد كل شي تمام بس خذ هاذا وحطه بلمجلس لك وانا برتب المكان تقعد ترتب المكان لساعه كامله وتخلص وتاخذ اكل لمصلح وتروح لغرفتها وتنصدم ان الباب مفتوح و مصلح مو موجود تحط الاكل وتدور عليه بلغرفه وهي يدها على قلبها لا يكون شافه علي تدور في البيت كله عن مصلح

تشوف شيخه مصلح يطلع من المجلس الي فيه علي وتطالع فيه بصدمه وتقول شافك؟ يرد مصلح ويقول هاذا هو الزلابه الي خايفه علي منه ترد وتقول قصر حسك يرد مصلح ويقول اقصر حسي عن من وبعد لا يكون هاذا علي الي بيزوجونك ايها على كذا عظم الله اجرك لو تجين لليمن معي احسن لك من العيشه مع ذا السلقه تطالع فيه شيخه وتقول قصر صوتك و كنت بكلمك عن هاذا الموضوع حطيت لك بلغرفه اكل و ملابس نظيفه طالعة ريحتك مثل ريحة مهل وتغطي انفها بطرحه وتقول بروح اشوف جدتي و اتفقدها و انت روح قبل لا يصحى علي يروح مصلح وهو يتحلطم وتعطيه قفها وتروح لجدتها تتفقدها ، يخلص مصلح متلبس وجلس ياكل دخلت عليه شيخه ايوه كذا صرت سنع وجهك يلق وتضحك ويتكلم معها وهو يأكل ويقول اي وشو الموضوع الي تبيني فيه؟؟ تجلس جنبه وتناظر ليده انت الحين تعافيت والشرطه قالبه الدنيا فوق تحت عشان يحصلونك وسمعت من علي بيفتحون محظر تفتيش البيوت عشان يطلعونكم يناظر فيها مصلح وتكمل كلامها وتعرف اني استلمت الورث وعندي اراضي وبيت باليمن اعطيك عقد والصك وتقدر تبني لك حياه هناك يرد عليها تجين معي؟ تعطيه نظره تستهبل؟ وتقول لا م اقدر اخلي جدتي وتعرف معاملاتي لسا م اكتملت يطالع فيها و يضحك ويقول يعني لو م فيه حواجز بيننا بتروحين؟ تسرح وهي تطالع فيه ويقاطع سرحانها بكلامه انا م راح اروح والسلقه نايم عندك تطالع فيه وتقول تقصد انك ماراح تمشي من هنا الا علي راجع بيت ابوه؟يقرب ويطالع فيها وم راح تقبلين ب علي صح؟