بـنـت الشـيـخ صـالـح

Part 18

يرد الشايب يقول الشرط عشان تسويه لازم تكون صبور ياولدي الشرط هو ان ولد شيخه متعلق بعمر بلحيل وشيخه قالت اذا حب ولدي مصلح اكثر من عمه عمر وقتها بنعقد ويضحك مصلح ويقول اعتبرو الامر منتهي

يمر اسبوع مصلح ما خلا مكان ولا العاب ولا حلويات ما جابها والولد مصر انه عمه عمر احسن وبدا الشك يراود مصلح ان شيخه حطت ذا الشرط شرط تعجيزي وانها ما تبيه وياخذ مصلح ولد شيخه يرجعه للبيت كلعاده ويشوف رجال مو غريب عليه واقف قدام الباب ويقرب مصلح وهو ماسك يد ولد شيخه ويشوفه يدف الباب بقوه ويدخل ويسمعه وهو يرفع صوته عليها ويقول ابوي حالف انك ترجعين لديرة يا شيخه كل القبيله تتكلم عنا صارت سيرتنا على كل لسان بسبب انك عايشه مع ورع بدون رجال في ديره مافيها من اهلك احد الا خالك المهذري وترد شيخه عليه وتقول من سمح لك تدخل! اطلع برا ويمسك يدها بقوه ويسحبها ويقول والله يا شيخه ان ما جيتي معي لا ادفنك انتي و ولدك اليوم قبل بكرا وترد شيخه وتقول ابعد يدك عني والا اخليك تشوف شي ماعمرك شفته ويتذكر مصلح وين شافه لما سمعه يتكلم عن ابوه و استفزه منظر ولد عمها وهو ساحبها من يدها ومن حرارته وعصبيته م حس بنفسه الا ولد عمها مغشي عليه بالارض من الضرب ويصرخ ولدها ويقول كفووو عم مصلح انت احسن واحد بدنيا وتمسك يده شيخه وتقول مصلح قول لا إله الا الله اذكر الله بيموت الرجال تحت يدك و يصحى ولد عمها وهو يشتم ويسب ويتوعد بشيخه ويرد عليه ولدها ويقول احسن تسكت لا يكمل عم مصلح عليك

يسحب مصلح ولد شيخه ويحطه قدامها ويقول ادخلي داخل وشيخه تعرف النظره هاذيي وتقول مصلح اذكر الله يامصلح ويسحب مصلح ولد عمها لشارع وتحط يدها على راسها وتقول راح يقتله ويتجمعون رجال الحي عليهم وتمسك شيخه ولدها وتقول اركض ناد عمك عمر بسرعه!! ويروح الولد لبيت عمر ويجي عمر لبيت شيخه ركض ويشوف عمر مصلح طايح على ولد عمها وضاربه ضرب مبرح ويمسكه ويبعده ويقول مصلح تعوذ من إبليس ويحاول مصلح يوخر عمر عشان يكمل عليه يشد عليه عمر ويقر بأذنه لا تخرب على عمرك يا مصلح اذا ذبحته انسى تتزوج شيخه بتدخل السجن و بيضيع كل تعبك هل السنين بسبب ذا الحظه اذكر الله واتركه لي انا اتصرف يبعد مصلح عن عمر ويطالع بولد عمها ويقول ان شفتك حول هل مكان مره ثانيه ما حد ماخذك من ايدي الا ملك الموت ويطالع بولد شيخه ويقول رح ل امك ويشوف الي مجتمعين حولهم ويقول كل واحد لبيته مافيه شي ينشاف هنا ويدخل ولد شيخه عليها وقلبها يتراقع وتحضنه وتقول له صار شي لعمك مصلح؟؟ يقول لها ولدها وهو مستانس والله كفو عليه ماما طلع من راس و فم المزعج دمم عطاه عمي مصلح بقس قوييي كسر عظامه كلها

وينط من الحماس تمسكه شيخه وتبقق عيونها عليه وتقول لا خطاء الي سواه عمك مصلح اسمعني م تضرب الا اذا جيت تدافع عن نفسك و واحد بيضربك والضرب الكايد مو زين تأخذك الشرطه ولا يموت يطلع ولدها لسانه ويقول احسن يستاهل ترفع صوتها نعم؟؟ يركض برا البيت تلحقه وتقول على وين ؟؟ ويرد بروح لعمي مصلح وهو يناقز لين وصل بيت عمر ويطق الباب يفتح عمر الباب هلا صلوحي امك فيها شي؟؟ يركض لعند مصلح و يشوفه بالمجلس وينط عليه ويجلس بحظنه ويقول علمنيي كيف سويت ذيك الحركه ونظراته كلها اعجاب والله من زمان ابي اضربه لانه يزعج ماما بس ماما عيت علي ولا كان طلعت دمه زيك ويمسكه مصلح ويقول كم مره هو جا لبيتك؟ يرد الولد وهو يضحك ويقول كثيرر بس ما راح يجي ثانيه لانه يخاف تضربه مره ثانيه ويقوم من حظن مصلح ويركض ناحية عمر الي واقف على باب البيت يكلم احد وبعد ثواني يطلع ولد شيخه ويقفل الباب ويتلفت لمصلح وهو مبتسم ويطالع فيه مصلح ويقول شفيك تبتسم من كنت قاعد تكلم ؟ يرد عمر وهو يضحك شيخه يطالع فيه مصلح ويقول فيها شي؟ ويضحك عمر ويحط كيسه قدامه ويقول تسال شيخه عنك انه اذا تاذيت ولا صار لك شي يعدل مصلح جلسته ويقول عمر تقول شيخه طهر جروحك و وقف مصلح وعمر ما كمل كلامه ويطلع من البيت لحقه عمر وقال يالخوي وين رايح؟