بـنـت الشـيـخ صـالـح

Part 5

بعد ما وصلو مكانهم الجديد تمسك شيخه يد مصلح بعد ما ابعدو قحص وعمر وتقوله لا تنسى الي اتفقنا عليه حاول تكلمه ويطالع فيها مصلح وتضيع علومه ويسرح وتقول سمعتني لا تنسى يرد عليها مصلح ويقول وش قلتي ؟ ايه ايه م عليك ازهليني ويسمع صوت رشاش وهو يسألهم الموتر الثاني وينه؟ويقوله قحص انسرق الموتر
يرد رشاش ويرفع صوته ويقول كيف انسرق؟؟ يعمر ينشخرش ويجاوبه ويقول مو انا يقبل عليهم مصلح ويقول انا الي جلست ويقوله القصه ينفعل رشاش الشرهه مو عليك الشرهه علي الي خليتك بعدين ليش انت الي قعدت؟؟؟؟ مو هي شغلت عمر يقاطعهم مهل ويقول كان تلقى حتى هل ورع انخطف يرد رشاش ويقول لمهل انت انثبر ويطالع في مصلح ويقول اخذو كل شي مع السياره؟
يرد مصلح ويقول خذو الموتر بس الذهب و الاغراض موجوده يجلس سلطان جنب رشاش ويقول كنا بنغير الموتر على كل حال وخلهم عشان يشغلون الشرطه عنا

بعد م نامت الاعين وخفت الحس، يسحب مصلح رجلينه لخيمه رشاش يفكر كيف يفاتحه بالموضوع، وشيخه كان طول الوقت تطل من شق خيمتها على خيمه رشاش تنتظر مصلح يدخل لها، وبعد طول انتظار تلمحه يدخل للخيمه،وتمشي للخيمه بهدوء وتقرب وتتسمع ، وتسمع رشاش يقول هي قالت لك كذا؟،ويرد مصلح ويقول حنا م راح نخسر شي بالعكس نستفيد، وانت تعرف ولا يخفى عليك الشيخ صالح الخير الي تركه م هو قليل بربع من حلاله يعيشنا امراء، يطالع فيه رشاش ويقول وانت واثق منها، متاكد انها ما بتضرنا ويرد مصلح ويقول لو هي ناويه تضرنا م خبت السلاح وقت م جو يسرقونا ، كان اخذت الذهب وانحاشت فيه طالع فيه رشاش وقال بفكر بلموضوع و ارد لك اياه بعد ما نصبح

بعد م يطلع مصلح من الخيمه يلمح ظلال ويقرب على هونه ويشوف شيخه قرر ينتقم واخذ اقرب حبل ورماه على رجلين شيخه و تشهق شيخه وتنحاش لخيمتها يلحقها ومعه الحبل ويضحك ويقول تخافين من حبل؟ تعصب وتقول هاذا انت؟ الدابه بدت تطلع بأحلامي من كثر م تخوفني فيها ويقرب مصلح اكثر ويسالها وش كنتي تسوين عند الخيمه و تبدا تلعب بطرف شعرها هاه لا بس كنت ماره من عند الخيمه ، كنتي ماره ولا كنتي تتسمعين ويقول وهو يضحك ترا النار ساطعه عليك و اشوفك يا بنت الشيخ وتعطيه ظهرها وبتدخل لخيمتها وتقول بعد كل فعايلك فيني الا انك ما قصرت و وفيت بوعدك وما راح انسى لك هاذا المعروف بحياتي وتدخل لخيمتها يرد ويقول هاذا ولا شي من الي قدمه لي الشيخ صالح الله يرحمه

يصحى عمر على صوت شيخه وهي تنادي مصلح يطلع لخيمتها ويقول لها انا عمر ماني مصلح بس اساعدك بشي؟ قبل ينهي سؤاله تطلع شيخه من الخيمه وهي مخروشه دابه دابه وتتلعثم بكلامها من الخوف شفت شي يتحرك وتوقعت انه مصلح يحارشني بس وتأشر على وسط خيمتها ويروح عمر ويجيب المسحاة ويدخل للخيمه ويرد ويقول لها م فيه شي يشيخه تدخل شيخه وتجول نظرها لين تلمح طرف الدابه وتمسك طرف ثوب عمر هنا هنا شفها و يدخل مصلح يقول ورع وش تسوي هنا ويمشي وبدون ما ينتبه يدوس على الداب وتصرخ شيخه ويصرخ مصلح ويرفع عمر المسحاة على مصلح

ويقول مصلح وهو مفجوع م يستاهل تقتلني عشان قلت لك ورع ويضرب عمر فيها الدابه ويطالع مصلح بوجيهم يقول كان قلتو لي من اول ترد عليه شيخه وتقول وانت خليت لنا مجال؟ يرد عليها مصلح ويقول وين طرحتك؟ ويتل عمر من رقبته يطلعه برا الخيمه ويقوله اشوف اعجبك كل يومين والثاني داخل عندها و عمر يناظر فيه وهو ساكتت ويقطع عليهم صوت شيخه وهي تقول كان اخذتو الدابه معكم و يطالع فيه عمر ويقول اروح اشيلها؟يطالع فيه مصلح ويقول تبي اصلخ جلدك هنا؟ امش قدامي بس امش ، بعد ما يروح عمر لخيمتهم يدخل مصلح ويشيلها ويقول خايفه من ذي؟ ترد عليه وتقول وانت شغلتك م غير خايفه من ذا وخايفه من ذي طلعها يضحك مصلح ويقربها لوجهها وتصرخ وتطيح على الارض وتقول وجع ما تترك حركاتك ،تحس بحركه تحت يدها تجلس وترفع فراشها وتشهق وتقول عقارب! توقف عند مصلح وتقول ذا المكان ما ينام فيه خلني انام في احد السيارات