بـنـت الشـيـخ صـالـح

Part 20

يطالع مصلح في الشايب ويقول اسلم يا عم ايش الشرط و ان شاء الله بمقدورنا نوفيه يبتسم الشايب ويقول الشرط يا مصلح هو و يقاطعهم دخول ولد شيخه وهو خايف و ينادي عم مصلح عم مصلح ويمسكه مصلح ويقول وش فيك؟ و الولد وهو يرجف ويبكي يقول الرجال ذاك وجا ومعه رجال كثار لبيتنا و يحاولون يدخلون وياخذون ماما لا تخليهم ياخذونها ويطلع مصلح من بيت الشيخ و وراه عمر لبيت شيخه ويشوف ولد عمها واخوانه يحاولون يكسرون الباب و يسحب مصلح ولد عمها بقوه ويسدحه على الارض وبيلكمه ويقاطعه صوت احد يعرفه يضحك و يقول مصلح بن سيف جاي تسوي نفسك رجال علينا بعد فعايلك و يرفع مصلح راسه ويشوف عمها عبدالله ويبعد مصلح عن ولده ويوقف قدامه ويقول جاي تحاسبني يا عبدالله وانت حاط عيونك على حلال يتيمه ويضحك عمها ويقول عشاني ابي بنت اخوي عندي صرت ابي اسرق حلالها انا جاي اخذها اليوم و ارجعها ل اهلها ويقاطعهم عمر ويقول شيخه بتصير زوجة مصلح مالكم اي حق تاخذونها و يطالعهم العم وهو معصب ويقول تخسي وتعقب حنى ما نناسب قطاع طرق ومجرمين مثلك ويمسك ولد عمها بـ مصلح من ثوبه ويقول شيخه تشوفها في احلامك لانها بتصير زوجتي يلكمه مصلح على وجهه بكل قوت ويطيحون ببعض ضرب ويقاطعهم باب بيت شيخه الي انفتح بقوه

تطلع لهم شيخه وهي شايله سلاح ابوها وتصوب السلاح على عمها ويطالع عمها فيها وهو مصدوم ويقول شيخه! وتطالع شيخه فيه وتقول اذا شفتك او شفت واحد من عيالك ‏تتجرئون تقربون من بيتي مره ثانيه لا افرغ السلاح فيه ورجعه معكم ماني راجعه والي عنده اعتراض يوقف قدامي و يوقف ولد عمها قدامها ويقول يا قليلة الادب قاعده تهددين عمك يا الي ما تستحين وتقاطعه شيخه الي اطلقت على رجله وتقول هاذا اخر انذار لك انت وهو وتطالع في عمها وتقول خذ عيالك واذلف لا اشوفكم لا حولي ولا حول ولدي وابوه

يمشي العم وياخذ عيال ويمشي وتسمع شيخه صوت مصلح وهو يقول شفت الي شفته ياعمر! ويطالع عمر في شيخه ويضحك ويقول ايه يا مصلح شفت بنت الشيخ تدافع عن بيتها وزوجها وتطالع فيهم شيخه وترمي عليهم السلاح وتقول ما كنت ادري انه فيه رصاصه خذه معك لا يشوفه ولدي و يقاطعها صوت ولدها وهو يقول عم عمر عم عمر ويمسكه عمر ويخبي مصلح السلاح ورا ظهره ويسال عمر الولد ويقول هات وش عندك يطالع الولد في مصلح ويقول يبه محمد يقول خل عمك عمر وعمك مصلح يجهزون عشان الوعد المغرب

يبتسم عمر للولد ويقول ابد قل تم و يلا ي مصلح امش يلتفت مصلح ناحيه شيخه ويبتسم ويقول حلال فيك انتظار كل ها السنين تأمرين ولا توصين على شي؟ تكابر شيخه وترد وتقول سلامتك وتدخل بيتها وتطل عليه من شق الباب وينتبه لها ويضحك ويقول مشينا عمر؟ اخلص علينا م بقى شي على المغرب

وعلى غروب الشمس مصلح يناظر المرايه يجي له عمر لك ساعتين تطالع نفسك وجهك م يتغير جبت لك طيب تطيب منه والمملك قال بيجي اخر المغرب يلتفت له مصلح اشيل لحيتي؟ يرد عليه لا لا خلها بس و يأخذ مصلح الشفره و ييأس عمر منه ويقول صدق م لك الا رايك ويحط مصلح الشفره بيحلق الا يطق الباب يجرح نفسه بالغلط ويصرخ لا لعنه من الي عند الباب و يروح وهو معصب يفتحه يشوف ولد شيخه معه كم ولد من الحاره كاشخ ويقول يا عم ترا يبه محمد جاء يقولك لا تتأخر يرد مصلح ويقول يلا هذاني جاي و يسمع الي معه هذا بيصير ابوك؟ يرد عليهم لا ابوي علي بس هذا زوج امي ويطالع عمر بوجههمصدح ويقول وش سويت!! ليش وجهك كذا يعني م لقيت تجرح وجهك الا ذا اليوم؟؟ يحاول عمر يرقع المصيبه يجهزون ويطلعون