بـنـت الشـيـخ صـالـح

Part 10

وتطلع شيخه من الغرفه وهي وتحاول تمسك دموعها تدخل شيخه للمجلس وتجلس بجنب علي وتشوف ان الحبوب بدا مفعوله وبدا تلعب بعقله فتمد يدها وبتمسك مفتاح السياره الا علي يمسك ويسحبها له بقوه ويحضنها ويقول ياويل حالي لو طرف عينك يبين،كان قلت لابليس يابليس انصرف شيخه تراني ابيك ويقرب وجهه لشيخه ويسحب طرحتها ويحضنها اهخ يويل حالي تحاول شيخه تبعده م قدرت عليه وتصرخ ابعد عني وتبدا تبكي يسمع صوتها مصلح ويجي يركض ويشوف منظر علي على شيخه يمسك الزمزميه ويكسرها على راسه و يطيح علي مغمى عليه ويشيل مصلح شيخه و تتعلق شيخه بمصلح وهي تبكي و يحاول يهديها ويمسح دموعها و توقف شيخه وتبعد عنه تمسح دموعها بيدها وتأخذ نفس تمد له مفاتيح السياره وتقول تقدر تروح الحين يرد عليها مصلح وانتي؟ يلا جيبي اغراضك بنتظرك ترد عليه لا يمصلح انا ماني رايحه

ويعصب مصلح ويقول كيف م انتي رايحه والحقير كان ناوي عليك؟! اقول امشي قدامي بس ترد عليه شيخه وتقول بنبره ثقيله وواضحه بجلس عند جدتي م راح اترك الديره ويرد عليها ويقول يعني هذا الي انتي تبينه؟! اجل ليش تبكين وتصرخين ؟! وتنصدم شيخه من كلامه ويتغير تعابير وجهها و يحس مصلح على نفسه انه جرحها ويحاول يبرر لكلامه تمد يدها وتقول لا تبرر و تأخذ طرحتها وتلبسها وتمشي للباب الخلفي اطلع من هنا و وهذي الشنطه وهذا مفتاح الموتر و يطلع مصلح وبتسكر شيخه الباب يرده مصلح ويمسك خصله من شعر شيخه ويقول لو يطول البعد في حكم الظروف الغلا في الجوف لك مني وعد لو يطول الوقت لا يلحقك خوف ما يموت الشوق في قلبي ابد ويترك خصله شعرها وترد عليه وتقول والعذاب اللي يذوب بعين من يفقد خليله عندي أكبر من عذاب العين لو تفقد نظرها ويقول امنتك الله يشيخه وترد بأمان الله يمصلح ويتسكر الباب..

تنهار وتبكي شيخه يطلع لها علي اهخخ يراسي وشبلاك انتي تبكين؟ يسحبها معه وتحاول تهرب بس رجلينها مو شايلتها يسحبها للداخل البيت

و مرت السنين والايام مرت خمس سنين بطرفة عين ويصدر حكم العفو عن مصلح ويقدر يرجع للوطنه واهله ويجمع مصلح كل حلاله وياخذ طريقه للحدود ويكون باله يعيد كل الذكريات الي وصلته الى هنا و يتذكر من كان يداوي جراحه ومن سهر عليه يتذكر المواقف الي جمعتهم من ضحك وبكاء وحزن وفرح يتنهد بكل شوق وحنين لايامه و يطرى على باله يروح لاخر مكان زاره بيت شيخه وجدتها و كان متوقع انهم راحلين وممكن م يلقاهم لكن فيه رجاء لو م شافها يعرف خبرها ولا على الاقل يعرف ارضهاو يأصل مصلح لديره ويدخلها يبتسم اول مره امشي فيها بنهار يوقف عند بقاله بس يلاحظ اهل الديره متوزعين وكأنهم يدورون على شي يوقفه رجل كبير بالعمر ويسأله م شفت ولد صغير قصير ونحيف ابد م له الا فتره يمشي لابس ثوب ابيض ؟ يرد عليه مصلح ويقول لا يعم م شفته لكن ابد اذا شفته بقولك ويرجع لسيارته و يلاحظ ان باب سيارته مفتوح شوي ويفتحه ويشوف طفل متخبي ويضحك و يهمس له مصلح وش تسوي هنا؟ يرد وهو يضحك ماما م خلتني اروح يبه للمزرعه وطلعت اروحلها لحالي ويضحك مصلح ويقول الله يعين امك عليك ويقول الولد اعطيك ريال وتاخذني المزرعه؟ يرد عليه مصلح ويقول شرايك اعطيك خمسه ونروح ناخذ امك ونروح المزرعه