بـنـت الشـيـخ صـالـح

Part 6

ياخذها مصلح تنام في احد السيارات وبعد ساعات يصحون العصابه ويتنتظرون خطة رشاش ومهل يطالع في سلطان ويقول ابي حبوب ويرد عليه سلطان ويقول بجيب لك من الموتر ويروح سلطان للموتر ويفتح الباب ويشوف شيخه نايمه ويطالع فيها للحظات ويقرب ويسحب الطرحه بهدوء و يشوفه عمر ويروح له وييضرب يده ويقول ابعد ايدك عنها و يدفه ويطالع فيه سلطان ويقول احترم نفسك ما بقى الا انت تضربني وتنتبه شيخه على اصواتهم وتصحى وتشوف سلطان بيضرب عمر و توقف بينهم وتسال وش فيكم يرد عمر ويقول وهو معصب الحيوان هاذا ك يسكت ويطالع فيها ويقول روحي لخيمتي ،تشيل اغراضها بسرعه وتروح للخيمه ويضحك سلطان ويقول لعمر لا يكون حبيتها؟ يرد عمر ويقول شيخه مثل اختي لا اشوفك تفكر تمد يدك ولا تقرب منها

تدخل شيخه للخيمه وكان مصلح معطيها ظهره ويقول عطني السلاح يا عمر و تطالع في السلاح ثم تطالع بمصلح وتبتسم وتشيل السلاح وتحطه على راس مصلح ويرفع مصلح راسه ويقعد ساكن لثواني ويلتف فجئه ويسحب السلاح ويحطه عليها، وتشهق وتقول من الخوف انا انا مصلح اا شيخه انا، ويضحك مصلح عليها ويقول اجل انتِ مصلح؟ وش جابك هنا؟ تطالع في السلاح وتقول بعده اول ويرد مصلح ويقول المفروض يصير قلبك قوي م يخاف السلاح ويقرب السلاح اكثر لراسها، ويدخل عليهم عمر وينط على مصلح ويبعد السلاح ويقول وجع اخلص من المجنون يجيني الخبل ويسالها انتي بخير؟ يقوم عليه مصلح ويقول انا خبل؟ م علي الله يدنيا صار ينخاف على شيخه مني اقول ابعد ابعد ويلمحها تمسح دموعها وتجلس في طرف الخيمه ويمسكه عمر ويقول شفت وش سويت ويقاطعهم رشاش وهو ينادي شيخه

مع مغيب الشمس وكل واحد ملتهي بحاله وشغلته ينادي رشاش على شيخه وهو واقف بعيد عن الخيام تروح له و يقولها يا شيخه لو فرضنا اننا اخذناك لخالك كيف بتثبتين لنا انك بتعطينا حقنا اذا جا ورثك؟ احتاج شي تضمنين للي بانك بتعطينا اياه ويسمع صوت مصلح من وراه يقول انا اضمنها لك يطالع فيه رشاش ويقول على ضمانتك يا مصلح محد بيخسر غيرك اذا ما وفت بكلامها ويطالع فيها ويقول و الليله بناخذك لبيت خالك بس هاه ويحط السلاح قدامها ويقول لو قلتي شي عنا او اطريتي شي عنا والله ثم والله اني بفرغ ذا في راسك فاهمه؟ يسحبها مصلح ويكون قدامها ويقول لا تخاف بتاكد من ذا الشي بنفسي

يروح رشاش وتسحب شيخه يدها من مصلح وتروح لخيمتها وبعد ساعات يدخل مصلح ويقول لها جا الوقت امشي تطلع مع اغراضها و يروح مصلح لرشاش ويقول سويت الي قلتلي عليه وعرفت وين بيت خالها وكيف بندخله اخذها لهناك الحين ؟ ويطالع رشاش فيه ويقول انت خلك هنا عمر بياخذها ويطالع بعمر ويقول تعرف وش تسوي صح؟ وتروح شيخه مع عمر لديرة خوالها ولما يوصلون تطالع شيخه في عمر وتقوله ايش يقصد رشاش ب تعرف وش تسوي و يضحك عمر ويقول لا تخافين بوصلك بنفسي لباب البيت و اقول لخالك اني لقيتك على الطريق وساعدتك و يدخل عمر للحي ويوقف قدام بيت خالها ويطق الباب وهو متلثم ويفتح خالها ويقول عسى ما شر تالي اليل يا ولدي بغيت شي محتاج شي؟ ويرد عمر الشر ما يجيك يا عم بس في بنت معي لقيتها على الطريق وساعدتها تعرف ذا الايام خطر تروح بنيه لحالها وتقول انك خالها ويرد الخال بنيه؟ ويرد عمر ويقول اناديها لك ياعم تشوفها ؟ ويشر عمر لها وتنزل وتجي لخالها وتقول انا شيخه يا خال ويرد خاله ويقول شيخه ! بنت الريم؟ وياخذها لحضنه ويقول كيف جيتي لهنا لحالك وين عمك يا بنيتيوترد شيخه وتقول خلنا نشكر الرجال يا خال و اقولك ليش جيت لهنا و يشكر الخال عمر و يودعه