بـنـت الشـيـخ صـالـح

Part4

قال لها هاك الجهه تحصلينه تركض شيخه وتشوف مصلح مقيد عند الشجره تتفقده  بعد م تأكدت انه سليم تضحك وتقول كيف قدرو عليك يا مصلح؟
يرد عليها ويقول فكيني ولا يكثر وتوقف قدامه وتقول افكر اتركك كذا لين يجيون اخوياك جزات لهديتك وتجلس قدامه وتضحك، ويسالها وش الي يضحك وتساله الحين الي يسرق من الناس يسمى سَرُوق والي يسرق السروق ايش يسمى؟ وتنهار من الضحك على تعابير وجهه
و يقول بعصبيه  فكيني واعلمك ايش يسمى
تقرب له واذا م فكيتك وش بتسوي مثلا،  ياخذ نفس يهدي نفسه ويقول م سوولك شي؟ ترد عليه اخذو الذهب و اغراضكم والموتر وراحو  وتقرب منه وتقول ،راح افك لك قيدك بس بشرط م تردني

مصلح هاتي الي عندك ترد عليه وتقول انت تعرف حالي وم يخفى عليك كل الي ابيه منك تقنع رشاش انكم تأخذوني بيت خالي وتأكد اني بجازيكم من ورثي من اراضي وفلوس هاه وش قلت؟رد مصلح  قال م اقدر اوعدك اني اقنعه لكن بحاول
تنزل راسها بخيبة امل وتقول يعني ؟ رد مصلح وقال خلاص م بردك اول م يجي واشوفه بقوله عن الموضوع بس انتي فكيني تفكه وتقوله الذهب و الاغراض و السلاح دفنتهم تحت الخيمه و الموتر اخذوه فاضي و يضحك مصلح ويقول  طلعتي منتي هينه تطالع فيه شيخه وتقوله لا تنسى اني بنت الشيخ صالح يا مصلح ومحد يعرف ابوي كثرك يطالع فيها ويقول يعني انتي تعرفين علاقتي ب ابوك؟ ترد شيخه وتقول مافي شي يخفى عن شيخه تتركه وتدخل خيمتها

بعد ما تغيب الشمس يسمعون صوت سيارة تطلع احد الاسلحه الي دافنتها وتفتح الخيمه شوي وتمده لمصلح وتقوله خذه احتياط عشان ما يربطوك بشجره مره ثانيه وتضحك ويلتفت ويشوف بعض شعرها طالع وياخذ السلاح ويمسك شعرها ويشده على الخفيف ويقول ما تملين من ذا السالفه؟ وتمسك يده وتقول اترك شعري ويرد عليها ويقول واذا ما تركته ايش بتسوين ؟و يضحك ويقاطعه توقف السياره عندهم وينزل قحص وينادي مصلح!وينك يا مصلح و وين الموتر؟ ويتركها ويروح ناحيتهم و يقول لا تسال ولا تكثر حكي وخذ الاغراض خلنا نمشي وينزل عمر من السياره ويروح للخيمه ويدخلها بياخذ الاغراض و هو يشيل الاغراض انتبه لها في زواية الخيمه تجمع اغراضها وشعرها مغطي وجههاو بسبب حركته تنتبه وترفع راسها بتشوف من وين الصوت وتدوره حولها ويوضح وجهها ولما بلتفت ناحية عمر يسحبه مصلح بقوه من الخيمه ويقاطع تامله و يرميه على الارض ويقول ورع وش قاعد تسوي؟ يرد عمر عليه ويقول ما كان قصدي بس انا سرحت شوي بس تصدق؟ انها احلا شي شفته بعيني يضرب مصلح راسه بيده ويقول اول مره تشوف بنت ؟ استح على وجهك ،و ضحك قحص وقال مثلك يعني؟ يوقف مصلح بجنبه وش قصدك ؟و يضحك قحص ويقول تحسبني ما اشوفك؟ وعيونك ما تنشال عنها يرد عليه مصلح ويقول انا؟ ما قد حطيت عيني فعينها حتى ويضحك قحص ويقول له رح قلها تخلص عشان نروح بس

يحملون الاغراض و يركبون الموتر استلم قحص السواقه ومصلح جنبه والمرتبه الثانيه شيخه والقش وعمر بعد صمت دام لدقايق يقطعه قحص ويقول ايي اجل تقول لي وين الموتر طلعت له جنحان؟ وراك م ترد علي يا بنت ردي انتِ وين راح الموتر و تشرح له شيخه كل القصه يستلمه قحص طقطقه طول الطريق ويقول م عاد نخليك تنتبه لشي يضحك عمر ويقول كيف ما سرقو الذهب والسلاح يا مصلح؟ يرد ويقول دفنتهم شيخه تحت الخيمه يضحك قحص ويقول شكلنا تركناها تنتبه لك مو العكس يطالع عمر فيها ويقول سوو لك شي؟ يلف مصلح ويطالع فيه ويقول مافيها الا العافيه وخل عيونك براسك يا ورع عمر يغير السالفه ويقول :كم بقى يا قحص نوصل؟تضحك وتكتم ضحكتها على وجه عمر الي تغير من الخوف