بـنـت الشـيـخ صـالـح

Part 2

عدلت طرحتها بسرعه وغطت وجها فيها وقالت الذهب و الفلوس تحتاج شي ينشال فيها رمى شماغه قدامها وقال اجمعيه ،وحطيت الذهب والفلوس ومديته له واخذه وطلع ويشوف عمر جاي للخيمه ويمسكه مصلح ويقول ليش جاي؟يرد عمر وقال البنت من الصبح ما اكلت باخذ لها اكل وماء طالعه مصلح وقال لا تتاخر واستاذنها قبل لا تدخل
طالعه عمر وقال ابشر

بعد دقايق من خروج مصلح من خيمتي اسمع صوت احدهم يقول جبت لك ماء و اكل اقدر ادخل؟ وقلت تفضل ويدخل ويحط الاكل قدامي ويقول انا عمر ان احتجتي شئ اساليني رديت قلت بتوتر الى متى بتجلسون هنا؟ رد عمر وقال الي يشوفه رشاش لف بيطلع لكنه رجع وقال لا خلصتي تعالي رشاش يبي يكلمك ويطلع وانا قلبي وقف هل بيذبحني بعد ما اخذ الي يبي؟ انا رحت للموت بنفسي

طلعت من خيمتي ورجولي ما تشيلني من الخوف ادور بعيوني من بينهم عن رشاش لما طاحت عيني عليه كانت نظراته مرعبه ويطالع فيني ويقول اخيرا جيتي ويشر بسلاحه ويقول تعالي هنا مشيت الى عنده وانا احس ان انفاسي تتقطع وقفت وانا ارجف ومنزله راسي عشان ما اشوفه واسمعه يقول بكرا بنطلع وبتكونين معنا واذا فكرتي تهربين بنقتلك ويرفع السلاح في وجهي ويقول واضح الكلام الي قاعده اقوله؟ حركة راسي بمعنى نعم وفجئه يطلق في الهواء ويقول ما اسمع وش قلتي؟ رجعت لورا كم خطوه من الخوف وقلت و واضح ونزل سلاحه وقال زين

مصلح قعد يطالعها وهو سرحان يفكر الى ان رجعت خيمتها وضحك سلطان وقال له شكلك شايف لك شوفه يا مصلح رد عليه مصلح وقال انا بس افكر كيف بناخذها معنا وهي بتكون ازعاج لنا هناك و يبتسم رشاش ويقول عشان نتاكد ان معنا شئ يضعف الشرطه وبتكون هي رهينه لنا

في اليوم الي بعده اطلع من خيمتي والمكان هادي ولا فيه حس ل احد اروح لسيارة الحمراء الي كنت فيها بشوف بقيت اغراضي الا اسمع صوت مهل يقول وش تسوين هنا تحاولين تهربين؟ ويقرب لي مهل ويسحب الشنطه مني، ويقول وش هاذا ويسحب مصلح الشنطه من مهل ويقول لـ مهل خلك بعيد عن البنت احسن لك و يوقف مصلح بينه وبيني ورد مهل وقال وش بتسوي يعني؟ وقاطعهم عمر وقال تعوذو من ابليس يعيال ويجي رشاش ويقولهم مشينا يعيال خلونا ننقسم مهل وسلطان مع قحص وانا مع عمر ومصلح خلها معك ويركبون السيارات واركب جنب مصلح وانا افكر ب الاشياء الي بشوفها وانا معهم

بعد وقت يسرع مصلح ويقول تمسكي زين -مشهد التريله - يوقف مصلح ويشوفها تمسك راسها وسالها :فيك شي ؟ ويطالع في عيونها وتبعد نظرها عنه وتقول لا مافيني شي بس ضربه خفيفه ،ويكملون طريق و يوقف رشاش التريله في نص الطريق ويقول لا تفوتون احد منهم ينزلون ويتفرقون العصابه

يبدؤون ينهبون كل الفلوس و الذهب وفجئه صوت اطلاق نار على الجهه الثانيه الفضول الي فيها خلاها تنزل و تقرب اكثر ل احد السيارات عشان تشوف شصاير و تشوف العصابه مشتبكه مع شخصين وخلال لحظات خلص عليهم مهل وكان منظر الدم كان مرعب ولفت بترجع قبل لا يشوفونها وهي راجعه لسيارة مصلح يسحبها واحد من عبايتها ويقول شيخه!؟ تطالع فيه ويكون ولد عمها تطالع فيه بصدمه وتحاول تفك يده وتقول انا مو شيخه ويشدها من طرحتها ويقول تلعبين على من يبنت الكلب !!والله ما تسلمين اذا طلعت حي من هنا، دورتك في كل الديره والله جابك لي، يدفها داخل السياره و يقول انثبري وهنا ولا اسمع ل ،ما كمل كلامه الا مصلح عطاه ضربه على راسه بسلاح وخلاه يطيح يسحبها مصلح من السياره ويقول ما قلت لك لا تنزلين !! يسحبها من ذراعها بقوه لسيارة ويركبون السياره ويطالع فيها ويقول لو انه صاير لك شي ؟غبيه انتي! مو انتي كنتي تترجيننا ان نترك حيه! والله لو عرف رشاش كان ذبحك ،يسكت لما يشوف دموعها ويشغل السياره ويمشون عن المكان بعد ما خلصو