بـنـت الشـيـخ صـالـح

Part 19

يروح مصلح لبيت شيخه ويطق الباب وترد شيخه وتقول مين عند الباب ؟ ولا يرد مصلح ويسمعها مصلح تكرر كلامها ويبتسم مصلح وهو يتذكر وقفته قبل سنين وهو مصاب عند الباب وكان الزمن يعيد نفسه ويرد وهو يضحك مصلح انا مصلح يا شيخه افتحي الباب وتفتح شيخه الباب وتطالع فيه وتتفقده بعيونها وتقول صار لك شي؟ تاذيت؟ ويسوي مصلح نفسه متألم ويتمسك بذراعها وتطالع فيه بخوف وتقول مصلحح فيك شي؟؟ ويطالع فيها مصلح و يقول اي علتي بقلبي يا شيخه تعقد حواجبها بستغراب وتقول م فهمت؟ تستوعب بعد ثواني ايش قصده وتسحب يدها وتقول مصلح!خل عنك حركات الشباب هاذي و اي ترا ولدي م راح يروح معك بكرا و يتسغرب مصلح من كلامها ويقول ليه مو رايح؟ وبعدين يوم انك تحطين ولدك شرطك تعرفين طبعه وراسه يابس واضح انك م تبيني تقاطعه شيخه وتقول و من غير شعور من قال اني ما ابيك ! يبتسم مصلح ويقول عيدي ايش قلتي؟ تستوعب الي قالته وتبعد بتسكر الباب و يمسك مصلح الباب ويقول ما قلتي متى تبين الملكه؟ وترد شيخه وتقول اي ملكه؟ انت للحين ما وفيت بشرط الي عطيتك ويرد مصلح ويقول نشوف اذا وفيت فيه بكرا ولا لا ويسمعون صوت ولد شيخه وهو يقول : ماما ايش تسوين؟ ويبتسم مصلح ويقول ليش بكرا الا الحين ويفتح مصلح الباب اكثر وتطالع فيه شيخه بصدمه وينادي مصلح الولد ويقول يا ولد شيخه تعال قلي من احسن عم انا ولا عمر؟ يطالع الولد في مصلح ويقول بابا علي تتغير تعابير مصلح و مزاجه الي تغير بسبب اسم علي ،ويوقف ويطالع في شيخه ويقول تصبحون على خير ويتركهم ويمشي

يصحى مصلح على صوت عمر وهو يقول اصحى يا مصلح اصحى جبت لك بشاره قم العم محمد ينتظرك في المجلس عشان المهر يفز مصلح من مكانه ويقول بصدمه اي مهر! ويضحك عمر ويجلس جنبه ويقول اي مهر؟ تستهبل انت؟ خاطب البنت وتبيها بدون مهر! قم يالله لا تتاخر وتغير شيخها رايها يروح مصلح ناحيه الباب بيطلع ويمسكه عمر بتطلع بشكلك هاذا ؟ ماشفت شكلك في المرايه؟ الحين تغير شيخه رايها من منظرك يرجع مصلح لغرفته ويطلع بعد وقت متكشخ ويضحك عمر ويقول اه ايام كانت ريحتك تكتمنا مدري كيف شيخه كانت متحمله ذيك الايام و مصلح وهو يعدل غترته ويعطي عمر نظره ويقول تراني ما نسيت كلامك عنها اول مره كنت بقص لسانك وقتها لو شيخه مو موجوده ويضحك عمر بتوتر ويفز عمر ناحية الباب ويقول امش تاخرنا على العم يوصلون لمجلس الشيخ ويتنحنح مصلح قبل لا يدخل ويضحك عمر ويقول شفيك متوتر؟

يطالع مصلح في عمر وهو متوتر تتوقع شيخه بتطلب مهر عالي عشان تردني يرد عمر ويقول شيخه ما تسويها يامصلح اذا هي تبي تردك ردتك من البدايه وانت ايش الي مشكك ان شيخه بتردك؟يتنهد مصلح ويقول ما اظن بعد كلام ولدها امس يرد عمر ويقول اي كلام ايش قال ولدها؟
يرد مصلح ويقول خيرته بيني وبينك و اختار ابوه يرد عمر ويقول شصار بعدها؟ رد مصلح وقال مصلح وش بيصير غير اني تركته ومشيت يطالع فيه عمر ويقول شيخه قالت لك شي ؟ يطالع مصلح فيه ويقول : ما قالت او انا ما تركت لها فرصه تتكلم يرد عمر ويقول من رايي تروح تعرف ردها لا يردك شكك عن شي بتندم عليه سنين يرد عليه مصلح ويقول بس و يقاطعه عمر ويقول لا بس ولا نس يلا ادخل ولا اوصيك الله الله بثقة النفس ويدخل مصلح المجلس ويسلم على الشايب و يرحب ويهلي فيه الشايب
ويقول وهو يضحك تأخرت علينا شكلك هونت م تبيها؟ ويرد مصلح لا ياعم انا ابي القرب منكم ويعلم الله اني شاريها بعيوني الثنتين و ماني بـ مقصر معها والمهر الي تأمر عليه وشروطها كلها موافق عليها ويرد الشايب وهو مبتسم ويقول ماني شاك ابد بانك بتحطها في عيونك بعد الي صار البارح و وقفتك قدام ولد عمها واما سالفة المهر و الشروط يا مصلح مادري وش اقولك يولدي و يطالع في مصلح في الشايب وهو متوتر ويقول اسمعك ياعم كم طلبت؟ويضحك الشايب ويطبطب على كتف مصلح ويقول البنت موافقه عليك ياولدي وما طلبت شي غير انك تصير ابو لولدها ويضحك مصلح وهو مو مصدق ويقول وافقت!ويحاول يمسك مصلح نفسه لا يسوي شي يحرجه من الفرحه ويقوم يحب راس الشايب جزاك الله خير ياعم ما قصرت ووقفت معي ويرد عليه الشايب وهو يضحك ويقول مو انا الي وافقت يرجع مصلح يتشكره وهو طاير من الفرحه ويطلع وينادي عمر ويقول وافقت يا عمر بأخذها يروح عمر له و يخمه ويقول كنت متوقع انها بتقبل فيك ويقاطعهم الشايب ويقول بس فيه شرط شرطته جدتها قبل ما تموت يامصلح ولازم توفي بشرط