තනුර අයියා කටහඬ අවදි කලේ ලොකු ආවේගයකින්.
"හැමෝම ටිකක් නිශ්ශබ්ද වෙන්න.මට ඔයාලට කියන්න තියන දේ ගොඩක් වැදගත්."එයා කිව්වා.
"කියන්න පුතේ.කොහොමත් ඕක අහන්න දෙයක් නෑ." තනුර අයියගෙ අම්ම කිව්වෙ හිනාවෙන ගමන්.
"අම්මෙ මට ඔයාලා කියන දේට එකඟ වෙන්න බෑ."තනුර අයියා කිව්වෙ එකපාරටම.
"ඔයා මොනවද මේ කියන්නෙ පුතේ?
හේතුව මොකද්ද?" තනුර අයියගෙ අම්මා ඇහුවා.
"මොකද මන්.." තනුර අයියා කතාව් නැවැත්තුවෙ මන් එයාගෙ අත මිරිකුව නිසා.එයා මන් දිහා බැලුවෙ බයවෙන්න එපා කියන්න වගේ.
"මම කෙනෙකුට ආදරේ කරනවා අම්මෙ." තනුර අයියා කිව්වම අම්මා කලබල වුනා.
"මොකද්ද?" ටකේශා අක්කා ඇහුවෙ ලොකු කලබලයකින්.
"සමාවෙන්න ටකේශා. මන් හිතුවෙ නෑ කවදාවත් මෙහෙම දෙයක් වෙයි කියලා."
"ඒත් තනුර කාටද ඔයා ආදරේ කරන්නෙ?මොකද්ද එයාගෙ තියන හොඳේ මට වැඩිය?"
"මම මේ කියන දේ ඇහුවම ඔයාලා ගොඩක් කලබල වෙයි.එත් මට කියන්න තියන දේ දැන් කිව්වෙ නැත්තම් අපි ගොඩ දෙනෙක්ගෙ ජීවිත අවුල් වෙයි." තනුර අයියා කිවේ මන් දිහාත් ටකේශා අක්කා දිහාත් මාරුවෙන් මාරුවට බලමින්.
"මට දැනගන්න පුළුවන්ද කවුද ඒ කෙල්ල කියලා." තනුර අයියගෙ අම්මා ඇහුවෙ ආවේගයකින්.
"කෙල්ලෙක් නෙවෙයි අම්මෙ ඒ කොල්ලෙක්." තනුර අයියා කිව්වම තනුර අයියගෙ තාත්තා හැරෙන්න හැමෝගෙම මූණු පුදුමයෙන් මහත් වුනා.
"මොනවද උඹ මේ කියවන්නෙ?කොල්ලෙක්ට ආදරේ කරනවා?" තනුර අයියගෙ අම්ම කෑ ගැහුවා.මගෙ අම්මා බිම ඉඳගන්නවා දැක්කම මන් එතනට යන්න හැදුවත් තනුර අයියා මගෙ අත අතෑරියෙ නෑ.
"නෑ මල්ලි.ඔයා යන්න එපා." තනුර අයියා කිව්වෙ මගෙ අත තවත් තද කරමින්.
"දැන් ඇති අයියෙ ඕක නවත්තන්න ප්ලිස්" මම කිව්වෙ තවත් වෙන දේවල් ඉවසන්න බැරි නිසා.
"දැන් මේක කිව්වෙ නැත්තම් කවදාවත් කියන්ම වෙන්නෙ නෑ මල්ලි." තනුර අයියා අනිත් අය දිහාට හැරුනා.
"මම අභිමාන්ට ආදරේ කරනවා අම්මෙ." තනුර අයියගෙ කටහඬ මගෙ කන් ඇතුලෙ දෝන්කාර දෙනවා වගේ දැනුනා.
