#قطعه_مني
#الحلقه_التاسعه
#بقلم Ñř Ŕóhã
مرتبك جدآ...🥀
ْ مثل اللحظةِ التي بينَ نهايةِ القصيدَة
وتأخيّرِ تَصفيق الحاضرين ..
هاجر..معقوله يكون ياسين نادم ويبي يرد عليك
انا...فنصت فيها اسسسس
هاجر..حطت يدها ع فمها نسيت السبيكر
جلال...من ياسين يانور.
انا...جلال😳
جلال...نووووور ياسين منو
انا..جلال هذي ه
جلال..النم هوا نفسه اللي لقيته ع راسك صااااح نووور
انا..لالامانعرفاش قتلك يومها جلال
جلال..منو ياسين خير مانجي نقلبها علي راسك
انا..مسكتني العبره
جلال...هوا صاح نوررر
انا..منو عطاك رقمي
جلال..ردي علي سؤالي
انا..لو نقولك هوا تخليني في حالي
جلال..ههههههه تي تضحكي ع مفرخه اصغير انتي
انا..شديت روحي وخذيت نفس عميق جلال
جلال...هوااااا النم نورررر منو مش فاضي
انا...انا مش مجبروه ولا ح تجبرني نبررلك يااستاذ خليني في حالي شن دخلك بيااا
جلال..توا نخليك وصكر الخط
هاجر..حاطه يديها ع فمها مصدومه جلال
انا..اهااااا
هاجر..كلا مني ياريت ماحكيت
انا..عادي بلكي يخطاني بلكي يقوللهم معاش نبيها
هاجر..شكله معقد وكلامه يخوف
انا..معقد لروحه
هاجر..اسببتلك نونا
انا..لالاعادي
هاجر..بس انا يانونا قطعها صوت تلفونها بعد رن
انا..منو
هاجر..اعكست تلفونها
انا..ماهر
هاجر..اها
انا..عدي لدارك ردي عليه
هاجر..وانتي
انا..كني
هاجر..اسببتلك
انا..هههههه مش معدله يروح شن بيدير يعني
هاجر..صبت لدارها
انا...برغم القوه اللي شاده روحي بيها واني مش خايفه الا انهرت بعد طلعت هاجر وصكرت الباب وراها صوته الثقيل الرجولي خفت بس في تلفون لو قعد وجه لوجه شن صار فيا حتي انتي كنتي تسكتي ياهاجر اوووووف يااااا حطيت يدي ع وجي ونفكر شن حيسير ....
أريد التوقف عن الهروب مِن كُل شيء. أريد أن أعثر على شيء، شيءٍ لأهرب باتجاهه."
______
سارة...افتحت الباب
هيام..في جنان تقرا
سارة..هيام 😭😭😭
هيام..جت حضنتها شن فيه ياسين دارلك شي
سارة...لالا
هيام..شن فيه
سارة..بابا وماما قاعدين
هيام..لالا بروحي قاعده
سارة..حظنتها من جديد ومنهاره بكا
هيام..سارة بحتي فيا شن في شن في ساره
سارة..محمد مااااات وطاحت علي طولها
هيام...نزلت عليها وحضنتها عرفتي
سارة..عندك علم انتي
هيام..اها شفته منزلينا علي الفيس
سارة...ليش حياتي تلخبطت ليش خذيت ياسين بدال محمد دمرت حياتي هيااام حياتي خربتها بدياا
هيام...اسسس تعالي صبتها علي الكرسي احكيلي صارحيني سارة ضروري تحكي نفسي ع روحك انتي هكي ادمري في روحك عارفتك خذيتي ياسين وانتي ماتحبيش انتي روحك مع محمد محمد بس اللي حبيتيه شن صار اللي خربتي حياتك بيدك ضروري ماتصرحيني انا اختك سارة
سارة...سرحانه ودموعها ينزلن ماوقفنش بكل
هيام..احكيلي
سارة..كان حكيت محمد يرد م الموت كان حكيت يكون نصيبي ف محمد مش ل ياسين كان حكيت حياتي ترد كيف قبل وبحتت في هيام
هيام..مافيش شي يرد بس لو حكيتي اتريحي احكيلي كيف سيبتي انتي ومحمد
ساره..تحكي ودموعها ينزل ع طولهن محمد يقارن فيا بي نور يقولي نبيك كيف نور بياضك كيف نور جمالك كيف نور اسلوبك كيف نور لبسك حركاتك يبيني نور حتي جسمها يبيني كيفها
هيام..منصدمه
ساره..كنت انتفاده فيه حاولت نور انخليها مش في حياتي كنت نبي انباعدها عني بس كل مانبعدها نلقاها قريبه مني اكثر ..اخر مكالمه بيني وين محمد😭 قالي الواحد يصبر وياخذ وحده كيف نور تعاركت معاه وصكرت كرهني في نور وانا مانبيش نكرها خلاني نندم اني خشيتها في حياتي
هيام..وياسين ونور شن ذنبهم روحهم في بعضهم
ساره..اني نخرب عليهم بذات علي نور كيف ماخربت حياتي
هيام..كيف جاك قلب ونور ماذنبها شي ولاتندري علي الشي اللي صاير
ساره..قدرها هك
هيام..كيف خليتي ياسين يسيب نور وياخذك اقل من شهر فرحكم طلع
ساره..خذت نفس عميق مشيت ل ياسين في سانيه متاعهم في يومها علي اساس نحكيله عادي لقيته يشرب علي قصه طلبه نور وكيف عاجز ومش قادر يدير شي انتهزت الفرصه كان يشوف فيا نور في يومها صار اللي صار بدون مايكون فاطن لروحه فتح اعيونه لقاني جنبه
هيام...حاطه ايديهااا علي فمها انتي ازوجتي مش بنت
ساره..اها لومادرت هك مش ح يخذني ولايفكر فيا ونكسر نور كيف ماكسرتني في محمد
هيام...منصدمه وشن ذنب نوووور ساره شن ذنبهم لاثنييين ساااره
ساره..ذنبها انها خربت حياتي تحكي والشر في اعيونها
هيام..اكيد بابا وماما اكيد اقريب يوصلو عدي اغسلي وجك وتريحي في دارك
ساره..مستمره في البكا صبت اغسلت وجها وخشت لدارها ارقدت علي سريرها وتذكر في ايامها مع محمد......أكثر ما يذيب القلب عند حزنك، أن تكون مضطرًا لأداء مهماتك في العيش وكأنه لم يحدث شيء، في حين أنك تود التوقف عن الحياة تماماً، في حين أن داخلك يحترق._____
جلال...نزل من الدروج بسرعه واضح انا راقيله
امنه...كنك شن في
جلال...لا نبي نرقد اشوي
عبدالفتاح..اها وين خلاص ان شاءالله اشوي وجايك غادي انتلاقو معالسلامه
امنه...وين ماشي ماكنت تبي اتريح
عبدالفتاح..ماجانيش نوم ماشي ل الناجي في الصاله
جلال..خش لداره لبس وخذا مفتاحه وطلع
امنه...وانت وين ماشي
جلال..عندي مشوار في شي
امنه..لاسلامتك لكن جنات في الطريق
جلال..باهي تمام مرحبا بيها
امنه..هيا بس الراجل بعد يجي يبي من يستقبله
جلال.. اشوي ومروح
امنه...جلال نحكي جد انا
جمال..السلام عليكم
جلال..اهو توا يستقبلهم انا مش مطول وطلع
_____
هاجر..الوو
ماهر..خير بالشينه
هاجر..شن داير ياعمري
ماهر..بصوتك قعدت اكويس ليش حرمتني منا
هاجر..عشان اتزيد اتحبني بزياده
ماهر....توا تشوفي عليها
هاجر..ليش تقولي مش جاي لجامعه وتكون قاعد كأني نبي ندير شي من وراك
ماهر..حبيبي تسمعي في
هاجر..اها
ماهر..والله والله والله لو شكيت فيك 1%ماكملت معاك انا نجي لجامعه خايف عليك خايف حد يقرب منك يضايقك
هاجر..اتحبني
ماهر..نموت فيك ياروحي
هاجر..نجك ليا معش اتزعلني
ماهر..احم احم لاالحمدلله ياجابر ديما طيب انشالله
هاجر..في حد خش عليك
ماهر..اها والله الشباب العيله بس
هاجر..قول نحبك ياهاجر
ماهر..اها والله
هاجر..قول هيااااا مش اتحبني
ماهر...انشاءلله اها
هاجر..لالا قول انحبك
ماهر..خلاص بأذن الله بينا الوو يابرو
هاجر..هههههه تخوف بعد تبدا تحكي جديات مهورتي امووووووواااههه بوسه مني لك
ماهر...سلام
هاجر..اوكي عينك من روحك حبيبي
ماهر..معاك
هاجر..ههههه باي
ماهر.هههه سلام
صكر ودزلها رساله( توا تشوفي عليها) قرتها وابتسمت حطت تلفونها علي الشحن وطلعت
مبروكه...نور انا ماشيه ل قريبتي
انا..به
مبروكه..مش حنطول ساعه هك
انا..خوذي راحتك لك فتره ماطلعتي
مبروكه..ولي يجي قوليله توا تجي مش مطوله
انا.هههه خلاص تمام
عمي..واتيه
مبروكه..واتيه
عمي..هيا عشان يرجو في جماعه في الصاله
مبروكه..هيا هيا
وطلعو وصكرت الباب ومشيت لداري
هاجر..كنت اندور فيك
انا..كنت نبرم في الحوش وعمي وعمتي طلعو
هاجر..وين مشيين
انا...قالت عمتي ماشيه لقريبتها وهك
هاجر. اها اكيد عمتي سعده كانت ف المستشفي
انا..ممكن وحركت راسي بسرعه
هاجر..ماسألتيها من
انا...اااااه ااااااه هااااجر
هاجر...كنك
انا..حركت راسي الخياطه وجعتني
هاجر...رفعي شعرك فوق
انا...نبي اندير حمام
هاجر...لالا شعرك لا
انا..عليش
هاجر..عشان لصقه
انا..خلاص نغسل جسمي وشعري نرفعه فوق
هاجر..خلاص علي مادرت قهوا ونكسدو مع هادي مكسد بروحه
انا..نبي نقولها لك
هاجر..خلاص انهي جوك وانا ماشيه للمطبخ اندير القهوا
انا..تمام خشيت لداري طلعت توته كم سمائيه ساده فيها تويتي اصفر في الجاكه من لورا والسروال من قدام سااادده فيها جيبين في سروال بس والسحاب متاع الجاكه وخشيت ادوشت وطلعت درت لوشن ولبست ورفعت شعري كله فوق وطلعت للمطبخ
هاجر..نعيمن ع السماحه ياهو
انا..نصكر في الجاكه ينعم عليك شوفيلي الجرح واضح
هاجر..ابرمي
انا..عطيتها بظهري
هاجر..مش باين بكل عارفه حتي اللصقه مثبتينها بكل كان تخففي منها موصلينها لنص رقبتك كان غيرك ماتعيطي
انا..خففيها ليا باه
هاجر..لاماشوري تحملي يومين تمشي تفكيها بالمره
انا...اوووف امتي يمشن اليومين حتي ف النوم يضايق فيا
هاجر..هانت خلاص
اناا..انشالله تعبت منا
هاجر...تصب ف القهوا هيا تعالي
انا..هاتي توا نشيلها
هاجر..لالا خوذي اميه بس
انا..هي مشيت صبيت اميه ولحقتها
هاجر..شن صار في جلال
انا..في شنو
هاجر..كلمك
انا..لالامافتكيت الا منا المريض رعشني
هاجر..ههههه اححييي لكن صوته صوت رجولي بكل معني الكلمه
انا...معش اتذكريني
هاجر..هههههه الخوف اكويس
انا..هاااجر
خشينا علي هادي
انا..كيف ماتقدرش تصبي
هادي..ضروري نسند ع حد كراعي
انا..ينعلي اسببتلكم
هاجر..اه والله اسببتيلنا
انا..بحتت فيها مش قصددي والله
هاجر...ههههههه وغمزتلي انعلي ناا
انا..اها هههههه خزي ياحقيره جت معاك من قدك عاد
هادي..حد يفهمنا
انا...قهوتها حلوه ههههههه
هادي. السكر واجد عندنا لدرجه مش عارفين شن انديرو بيه
هاجر..هههه هادي سمحه بس
انا..ههههه اها بكل وبدينا نهدرزو وجو يهبل وهادي يحكيلي علي جيت هاجر في المستشفي تخيلت الموقف قدام ماهر اجنابي م الضحك
انا...وراس امك خلاص مش قادره بعد نضحك الخياطه تشد عليا
هادي..هههههه نحكي فالي صار احم احم اميه
هاجر..نعشم راهو
انا...لاخلاص بس هوا يحكي انا تميت انتخيل في هههههه
هاجر..لكن موقف اخيي صاح😞
انا..هههههه بكل
قاطع كلامنا صوت الجرس
هاجر..والله مافاتحه اكيد جارتنا وامي مش قاعده م عنديش نيه نستقبل حد
هادي..وينها امي
هاجر..عدت لعمتي سعده طالعه من المستشفي
انا...هههههه ينعلي ياهادي ماخليت فيا خير اجنابي مش قادره توا نمشي نفتح انا
هاجر..يسألن عليا قولي راقده
انا..هههه الهي ف العار اللي درتيه
هاجر...نووور 😭ههههه
انا..هههههه
______
جمال..من جاي
امنه..جنات جايه
جمال..نغير ادبشي ونجي
امنه..طالع اخرا
جمال..لالا قاعد اليوم
امنه..كنك فرحان
جمال..ههههه ماتبيني نكون فرحان جديده هذي
امنه...قصدي باتك اليوم مشا نها مع هل انوار
جمال..مسك امنه من خدودها عارف عشان هك فرحان
امنه...بطل سماطه وشن الشي اللي يفرح في الموضوع
جمال..فرحان عشان متريح
امنه..به انشالله ديما نشوفكم فرحانين ومتريحين
جمال.ان شالله يارب
جعفر..طلع م الدار امي طلع ولدك
جمال..ههههه اي منهم
جعفر..مش شورك انت
جمال..معناها ع جلال
جعفر..مدخل في حياتي يبي يسيطر عليها زايد ناقص
امنه..خايف عليك
جمال..شن داير جلال
امنه..خوك يبي مصلحتك
جعفر..امي مادفعيلي عليه
جمال..شن داير بس
امنه..جعفر يبي سياره جديده
جمال..كنها سيارتك
جعفر.. بدا حتي هوا نقوللكم علي شي معش نبي بكل
جمال..غير تعال بس بلكي نشريها لك انا
جعفر..تبصر ولا
جمال..قولي بس كنها سيارتك
جعفر..ماتريحتش فيها
جمال..بلكي مسكونه
جعفر..بادي في الحناطه جديد
جمال.هههههه قلت كان مسكونه نجيبلها شيخ يقرا عليها
امنه...مسكتها الضحكه
جعفر..لالا رفقاي كلهم سنتافيه اخر مديل شن ناقصني انا
جمال..لامانقصك شي نحنا نخدمو ونصرفو عليك بس ادلل
جعفر...بدا عاد معش نبي باهي وخش لداره اخره
جمال..هههههه
امنه..ههههه نقدر نقول ل فتوحه لكن جلال قالي لالا
جمال..صدق فيه ياامي اللي يبيها نجيبوها له بالله عليك سيارته جديده شن يبي اخرا
امنه...شن تقول الجرس يرن اكيد جنات ابنيتي وصلت
جمال..نمشي نفتح
جعفر..طلع م داره لاخليك قاعد بواب نمشي نفتح انا لاخدمه لاقدمه
جمال&امنه.هههههه
وفتح وطلعت جنات معاها راجلها وبناتها اوولدها
امنه.بحضان ابنيتي انستي
جنات..الله يانسك ماما مرايفه عليكم بكل
امنه...انست احميده وبدو يسلمو علي بعضهم كلهم وامنه تحضن في احفادها
قاطع الهرجه كلها جعفر
جعفر..امي تقول مستقبله حجاج
كلهم...هههههههه
جمال..اسكت ي فرخ
جنات..كيف حالك ياجعفر
جعفر..حال عدوك نحكيلك بعدين
كلهم...هههههه
جنات..كنكم معاه
امنه...انتي عارفه خوك مجنون من يومه
جعفر..فائق ولد خاله تعال نطلعو برا
جنات..عارف نعسان توا ايديرها فيك
جمال..كنهن اسيل وسيلا
جعفر..الشارع لرجاله
جمال...يطلعن مع خالهن بعدين شالهن لاثنين وخشو كلهم جوا
وبدو يهدرزو و هرجه العيال وهم يلعبو مع جعفر
_____
سارة..وعت من النوم راسها مصدع وعيونها متنفخات مالبكا طلعت لقت باتها وامها جايين
سارة..مرحبا
فاطمه ام سارة...مرحبتين ب بنيتي وحضنتها انستينا ياماما
سارة..بدت تبكي كأنها محتاجه الحضن هذا
فاطمه...بعدت سارة من عليها شن في
سارة..مرايفه علي حياتي زمان ومرايفه عليكم
فاطمه..هههههه يالخايبه هك الزواج في البدايه بعدها اتعودي
هيام..اتفرج عليهن من بعيد وساااااكته او بالأحر منصدمه من اختها بس مش عارفه كيف تصرف او شن ادير في نضرها او متأكده انا سارة خاشه ف حاله نفسيه ياتعالج ياتضر اي حد قدامها
ادريس..ابنيتي عندي
سارة..بابا وجت حضناته
فاطمه..بنتك الخايبه مرايفه عليك
ادريس..حتي انا امرايف عليها بس ادموع هذين ادموع زعل صاح مش ادموع ارياف ياسين مزعلك
سارة...لالا بس مرايفه عليكم وياسين عنده شغل برا البلاد قالي نخليك عند امي قتله لالا نمشي لهلي
ادريس..انستينا ومرحبتين بيك
_______
هيا هيا اني جيت
انا...مننننن
الجرس..م وقفش
انا...هيا فتحت الباب
جلال..من ياسين نور
انا...شن دخلك متعب روحك لهنا عشان تعرف من ياسين
جلال..مسك نور من يدها مش عيل ينضحك علي
انا..اااي يدي وخر ماحد ضحك عليك انت تجيب في حاجات من راسك
جلال..بحت فيها من تحت لفوق بعيونه وشاف تلفونها باين في جيب سروالها
انا..شن اتبحت قليل الادب اطلع برا
جلال..لو يطلع ياسين نفسه اللي لقيته في المستشفي اعتبري انا حياتك وحياته انتهت
انا..وانت منو تدخل في حياتي وحياته اطلع من حياتنا
جلال..توا تعرفيني انا منو
انا..باهي تفضل اطلع هي برا وفك يدي توجع فيا
جلال..فك يدا بالقوه ودفها......#يتبع
اسفه لو في لخبطه في الاسماء
انشالله تنال #اعجابكم هذي الحلقه اللي وعدتكم بيها
#انتظروووني_في_الحلقه_العاشره
#ديرن متابعه لصفحتي عشان كل مانزل توصلاكن❤ ✍
