#قطعه_مني
#الحلقه_الثالثه
#بقلم Ñř Ŕóhã
جلال...اسمعي اشعرك لفيه
انا...انبحت وساكته
جلال..والسكر توا انعالجه بطريقتي ماتخافيش
انا.....انت واحد وسكتت
جلال...انا واحد شن
انا...لوسمحت قول لعمي مانبيها
جلال..السبب...🤨
انا..ضروري يكون في سبب
جلال..اكيد
انا..مافيش سبب جلال انا مش مفكرة في الزواج😭
جلال..فيه حد ثاني
انا..صورت ياسين جت قدامي😭
جلال..قولي
انا..هئه ونمسح في دموعي
جلال..معناها الفرح في موعده
انا..افهم مش طايقتك حتي تركيبتك غريبه وتخوف بجديات
جلال..هه عدي كلمي امي انا برا وطلع مازاد ولاحرف
انا.مصدومه في مكاني علي بروده اللي يخوف نسمع في مبروكه تسلم عليهن وعمي طلع برا
انا..لميت اشوي الكرامه اللي عندي وخشيت سلمن عليا وكانن الحق فرحانات بيا بكل اطلعن وبعدهم عدو خوالي بحكم انهم بعيييد وانا مشيت لداري غيرت فستاني لبست توته ومسحت مكياج وانا نمسح نذكر في شخصيه جلال اللي تخوف هذا كيف بنعيش معاه صدقت زوجته اللي طلقاته ماينعاش معاه
هاجر...نونا
انا...فطنت لروحي نعم هاجر
هاجر...تعالي درت سفره ناكلو
انا...تصدقي مافيش نيه
هاجر..غير تعالي سخنت كل حاجه اليوم ماكليتيش بكل
انا..خلاص وراك توا نجي
هاجرر..تمام
وطلعت ورا هاجر ولقيته دايرا سفرة وجيت وقعدنا ناكلو وعمتي انفخت راسي تمدح في عيت جلالا خلااااص
مبروكه...هاجر عطيتي حنان من كل حاجه
هاجر..اها
مبروكه..الله يربحك
انا..وجاك الربح بلاش
هاجر.. اي بلاش اليوم اعضامي تكسرن عشان نسترك😏يعني نستاهله مع جيت هادي اووو ياشينه اول مرة نسمع عروس وتاكل
انا...هادي خطاني مش وقت بصارة
مبروكه..استر هادي شن ادير تقطع روحها من لوكال عشان عروس
هادي.. اها ههههههه تي نبصر معاها شتشت شعري كل شي علي البركه
مبروكه وهاجر..العقبالك تعال كول
هادي...اقريب انشاءالله ماعنديش نيه والله بعدين ناكل
انا...ايوااا استلمنا انا نبي نرقد
هادي...غير تعالي احكيلي علي نسيبنا
انا...نسيبكم تقول خاشه بي في الملاكمه🥺هضيسما وجت صورته قدامي ضحكت لاشعوريا
هادي...هههههههههه لي وين ماشفته
انا..كان قعدت راك شفته
هادي...والله فرج قالي ماشاءلله عليه
انا...ماهو فرج يشكر دار الحبس
هادي...ههههههه في هذي معاك الحق
هادي ولد عمي اسم علي مسما خيي هرجه الحناطه اللي ديما يضحك فيا وقت يلقاني زعلانه يجي يراضيني مايحمل فيا شي علي صغر سنه عقله كبير هوا وفرج من هم وصغار عمي ياخذ فيهم معاه لصالات المواد الغذائيه والطحانه متاعاته يعني نشوف فيهم ياوقت الوجبه يافي ليل...
نعاود لقصتنا
انا..نبي نرفع السفرة و نمشي لداري
فرج..سمعت حد يحكي عليا
انا...هذا هادي يافروجه من بدري وهو مستلمك ماعقب حاجه عليك
فرج...صاح يافرخ
هادي..صدقتها
فرج..اكيد نصدقها كم نور عندنا هههه كل شي ع البركه انوير
انا...خطاني
هادي...حيعلما استلمي لاخر ياامي😂
كلنا.ههههههههه
عمي...انشاءالله ديما تضحكو
كلنا...انشاءالله
هاجر..بابا نسخنلك
عمي..لالاكليت مثروده وخايف من الضغط
انا..توا انديرلك عصير ليمون
عمي.ايواا الله يربحك
هاجر..خليك انا توا نديرا
انا..لالا توا نمشي انا وكنت نبي نتهرب من اسألته ليا
مشيت للمطبخ وطلعت ليمون قطعته وطلعت برا عمتي زارعه نعناع خذيت منا ورديت خلطتهن مع بعضهم مع اميه وشوي سكر جا افرش العصير خيااال
مع جيت هاجر
هاجر..احكيلي ياحقيرة شن شكله سهفتوني
انا..نمشي نعطي عمي العصير ونجيك
هاجر..لالانمشي انا تمشي معش تروحي انتي عارفتك
انا...ههههه باهي عدي
وخذيت السفرة بديت انلم فيها
هاجر..خليها
انا..واجد عليك حتي المطبخ ماكأنه كانت فيه حوسه منظمته ومرتبته
هاجر..مش ابلاش حتي انا يجوني طلاب اديري اللي درته
انا...انشاءالله يارب
هاجر..سيبي اللي في يدك وتعالي
انا ..خلاص كملت وكملت اللي في يدي
هاجر..فيه عصير ليمون
انا...اها فيه واجد
هاجر..ناخذ منا وهيا نطلعو علي كراسي برا في جنان
انا..هيا
وطلعنا وبديت نحكيلها من اول مااخشيت..........
هاجر....هههههههههه
انا..كنك في شي يضحك نمشي لداري خير
هاجر...خليك تمسح في دموعها م الضحك تحكي جديات قصدك ضربك بكفوف هههههههه مش قادره نستوعب هههههه
انا..اها الحيوان
هاجر ..لالاههههههههه مش قادره انا خلاص اجنابي ههههههههه
انا...اصلا واحد متكبر شايف روحه اصدقت زوجته اللي سيباته اهربت بدري
هاجر...هههه حم حم حم جديات وضع مزري تمسح في دموعها خلينا نحكو جديات
هاجر...انا نحب الشخصيه هذي تحسيهم مش متاعين بصارة مع الناس لكن يكون احنين علي اللي يحبها نذكر ماهر كيف الشخصيه اللي تحكي عليه بس انا مع الناس اما معايا احنين كيف البيبي الصغير
انا...وتوا وين ماهر
هاجر..نزلت دمعه من عينه جديات بس بثانيه مسحتها بعد الضحك اللي ضحكاته بعد حكت عليه تأثرات وتغيرت ملامحها في ثانيه معقوله الحب هكي
انا...تفارقتو
هاجر..اعيونها يلمعو ونضرتها واعره تفارقنا
انا...عادي نعرف السبب
هاجر..بدا يديرلي في مشاكل
انا..ممكن من الحب
هاجر..لالا هذا مرض نفسي
انا...مااحيانا الحب يوصل للمرض نفسي
هاجر..معش عرفته شكوك ولا غيره علي اتفه الأسباب توا يومتها مشيت للكافي الجامعه ناخذ في قهوا
انا...باه
هاجر..اللي ماسك الكافي قالي تبيها بسكر ولالا ياسكر قتله وسط ومدها ليا خذيتها ماحسيت بشي الا واحد واخذها من يدي وكابها علي الراجل قالها خليناه لك السكر يا....يا....يا...
انا...لهدرجه
هاجر..وأكثر مواقفه واجد وديما يحرج فيا علي اساس مش جاي لجامعه وهوا يجي اندير روحي مش فطنتله وحرم عليا الكافي قالي تبي شي يجي لعندك لكن توقفي قدام الفا.......ال..... هذي لا
انا...حلوه الغيرة
هاجر..بس هذا حد الجنون بعدها انتي عارفتني عنيده مانحب حد يسرف عليا وهوا يبيني نطلب منا
انا...تصدقي كنت نحسابك كاتومه ومش بساهل حد يقدر يخش فيك ويفتح قلبه لك
هاجر..وانا كانت نظرتي فيك هك 😂
انا...سبحان الله كنت الوحيده اللي نقدر نحكيلها سارة
هاجر..البنت اللي تجيك هنا
انا...اها
هاجر...تبي الحق
انا..شن
هاجر...مش مريحه بكل البنت هذي
انا..اسكتي ابنيه عسل وتنحب من اول مرة ممكن مش خاشه فيها بس
هاجر..ممكن باهي وانتي ليش رافضه نسيبنا
انا...مانبيش نزوج
هاجر..بس هذي سنه الحياة
انا..وهوا مش ليا
هاجر..ليش لانا كان متزوج قبلك
انا...لا لي انا بعد طلبني هيا مش في حياته ولاخربت حوشها
هاجر..باهي اكيد في حد ثاني
انا..انفجرت قدامها اذكرت كلامه ليا اذكرت كيف جرحني وهاني كل شي مر قدامي 😭
هاجر..وانا اللي جيت نحكي همي يييه
انا..مش قادره انتخلا عنا مش متخيله يمسني حد غيرة نار والعه فيا هاجر نخبط ع صدري هنا هنا النار
هاجر..قربت مني بحضن هذوم تافهين مايستاهلك نونا خلاص
انا...بديت نحكيلها من اول شي صار لعند اليوم اللي لقيته كاتب تمت خطبته
هاجر..واو واااااو وووواااااووو يانونا
انا..شن تردي عليا
هاجر..حاطه يديها علي فمها ماعنديش مانرد سنوات هذين لايوم لاثنين لاشهر لاشهرين هذين 7سنوات عمر
انا..وشن يناسيني السنوات هاااجر
هاجر..راجل ينسي راجل
انا..مستحيل
هاجر..والله نحكي جديات
انا..وانتي كنك مانسيتي ماهر
هاجر..مازال جرحه جديد بس😂😂نفضي بس نجدد الصلاحيه نجيب حد خير منا
بس عنشكله عضلاته مانلقاهن عند حد
انا...هههههه حقيرة شغلاتك العضلات بس ياخوفي يكمل تدريبا عليك
هاجر...لاهههههه تي نقولك فيه حنيه الدنيا فيه
انا...بدينا نحنو
هاجر..بطلي راني نمشي نرن عليه
انا.هههههه كيف صار
هاجر..قلبي عنداش كرامه نو كرامه😂💔
انا...وين خذانه الوقت اذن المغرب
هاجر..بعدها نعسانه من وعيتي معش رقدت
انا...كيفك نمشي نصلي ونرقد
خشينا وكل وحده مشت لدراها توضيت وصليت وطول لسريري
مسكت التلفون لقيت مسج من ياسين
(الف مبروك)نور
صكرت الجهاز ولاكأني شفت شي
ورحت في نوم عمييييييييييق
تعب علي ارهاق علي حزن علي هم المهم يومها رقدت وماخليت عقلي الباطن يفكر في اي شي
______
وعيت علي صوت عمتي
مبروكه...هاجر ياهاجر
انا...شن فيه وساعه كم تقول نحلم ياربي
هاجر...جيت ياماما جيييت
انا...نسمع بس في سريري
مبروكه...فرج يدور علي خيط لاب
هاجر..لا اله الا الله صبح يافتاح عشان ماعنديش جامعه حرام نوعا متاخر
مبروكه..عطيني الخيط وعدي ارقدي
هاجر...بعد وعيتوني معش تخلي اعيالك يخلطو في حاجاتي
انا..هههههه اعيالك مش خوتها يعني
هاجر..فتحت الباب داري يييييه يانور لخبطت
انا...😂😂صباح الخير
هاجر..اي خير رقدت بعد الفجر وعوني 8
انا..قصدك م امس خشينا مع بعضنا
هاجر..رقدت ساعه وعيت نقرا
انا..اها
هاجر..اوكي نبي نرقد
انا..تصبحي علي خير 😂
هاجر..بلا حناطه علي الصبح وانتي بخير٠😭😂
انا..رديت رقدت اخري عنديش عليش واعيه راسي ثقيل وجسمي متكسر ...
___
امنه....صباح الخير
جلال..حب علي راسها صباح النور
امنه...نبيك في موضوع
جلال..في قهوا ولاندير
امنه..قهوتك غريبه دير بروحك
جلال..تمام
امنه...نبي نقولك نور
عبدالفتاح...صباح الخير
جلال امنه...صباح النور
جلال..شن كنتي تبي تقولي توا حب فضول بعد سمع سيرتها
امنه..نحكي علي نور ماشاءالله عليها
عبدالفتاح..حتي هيا بنت محمد
امنه..سبحان الله في توفايت هلها كانت صغيرة جنب مبروكه تبكي تبي هلها ماتجيب علم مسكينه
عبدالفتاح..نلقانا قهرني محمد مايستاهل الميته
امنه.نصيبهم لكن صدق اللي قال اللي خلف مامات لاتبي تشوف الاسلوب لارزانه لاجمال لاشعر مكملتها يافتوحه
جلال..سارح يذكر في شعرها اللي مغطيها وكلامها ونظراتها في كل شي مش معاهم بكل
عبدالفتاح..شن رايك ياجلال
جلال...سرحان
امنه..جلال جلال
جلال..ها امي
امنه...يحكي معاك باتك
جلال..هاباتي
عبدالفتاح..شن رايك فيها
جلال..كويسه كويسه
عبدالفتاح..ماتحشمني مع العرب كان ماتبيها قولها
جلال...الجو تمام
عبدالفتاح..شقتك واتيه
جلال..لالانظمت اموري نبي نطلع في الحوش الشقه عطيتها لناصر
عبدالفتاح..كيف تطلع حوشك مازال ماكمل
جلال..تشطيبات بسيطه ويتم
عبدالفتاح...علي راحتك بس وليه تخليها بروحها في حوش معزول وانت عارف
جلال...الجو تمام ياباتي
امنه..صدق باتك اقل شي خليها سنه فوقنا بعدها اطلعو عادي حتي ونس وتاخذ علي الجو
جلال...شرب القهوه مرة وحده انا طالع تبو شي
امنه...بدري
جلال...عندي تحقيق
امنه...عينك من روحك
جلال..انشاءالله وطلع بس وقف عند الباب
امنه..تحكي بشويش يافتوحه البنيه اللي شفتها حرام فيها حوش معزول وانت عارف جلال مرات يطلع علي الفجر وجلال اعداءه واجد
عبدالفتاح...والله ياامنه ماعندي مانديرله نحس في روحي ضمت البنيه ..
جلال...طلع م الحوش وطلع دخان ركب في سيارته وطلع في سرعه رهيبه
____
مبروكه...نوضن ظهر
انا...اااااا ظهري متكسر وعيت
مبروكه..صح النوم
انا...الساعه كم
مبروكه..12:30
انا...وعيت هيا هاجر شكلها واعيه
مبروكه..ههههه لاوالله امبدري بعد فصلت وخشت مازالت راقده
انا...هههههه تضحك هاجر
ومشا اليوم بدون اي احداث ______
مر اسبوع طبعا نرن علي سارة مقفل ماحصلتهاش بكل نقوللها علي الفرح ورقم امها مالقيتاش في تلفوني ممكن حاذفته بالغلط انشغلت عليها عمرها ماغابت عليا هك....
هاجر...بسست قتلك
انا...شنو
هاجر..مارنش عليك
انا..منو
هاجر..عزرائيل💦من يعني
انا..هههههه حيوانه ياسين
هاجر..اكيد لا🙄 جلال
انا...لا عليش ماعنداش رقمي
هاجر..لاقصدك ماطلبش رقمك بكل
انا...اها عليش هاجر..ماحكاش معاك بكل
انا...لالا
هاجر..عليك صبر
انا...احسن ماعندا مايبي فيا
هاجر...شنو ماعندا مايبي فيا فرحكم بعد اسبوعين خلاص هانت
انا...ماتذكرينيش
هاجر...خلاص غلفنا كل شي خوالك قالو جيببن حاجات مع انا امه قالت شناطي دبشها بس مفروش الحوش بس ماما قلتلها لالا ضروري تاخذ معاها
انا...نجيها ياربي🥺
هاجر...الفستان اليوم نمشو نحجزو فيه
انا...لالا اليوم بنمشي لسارة شغلتني مقفل
هاجر..شفيها علي النت
انا...ايميلي حذفته نهاااائي
هاجر..ليش
انا...عشان مانشوف حاجات انا م نقدر انتحملهن
هاجر...تبي الحق احسن
انا..والواتس هيا لها فترة مصكرا
هاجر...عليك حب فيك كلا انتي
انا...صديقه وخيتي
هاجر..انا اللي اختك بطلي حن زايد حلي اعيونك اكويس علي الناس الكويسه البنت ماحبيتهاش بكل
_____
المشكلة دايماً انا نحنا منتعمق بالتفاصيل... Ñř Ŕóhã
وعدا الوقت وجا هادي
انا..هدهود
هادي...لالا
انا..شنو اللي لا
هادي..تبي ادزيني جاي باطل
انا..ههههه لالا
هادي..امالا شنو
انا...نبي صاحبتي والله مانطول
هادي..بكرا
هاجر..لالابكرا نمشو نحجزو في فستان
هادي..وجيجكن واجد كلا انتن ياعيت حنه
انا...خلاص قريب تفتك مني ومن هرجتي
هادي..شنو نبكي توا يعني😂💔
انا وهاجر...ههههههه
هادي..سريع وتي روحك تهلب خمس دقائق نفوتك
انا...هيا هاجر
هاجر...لالا
انا...هيا مش حنطولو
هادي.اربع دقائق
انا...بسرعه
مشينا لبسنا لبست بلوزه بيضه فوق الركبه علي قلف ازرق تحت الركبه اموج بالابيض علي جينز ازرق علي كويش وردي في ابيض وشاح وردي وهاجر عبابه علي توته 😂قالت بنقعد في سيارة
طلعنا وهادي سرعه رهيبه
انا...هادي بشويا ليش السرعه
هادي..اللي تبي تموت تمشي معايا
انا...ليش ركبت من لقدام حتي انا
هاجر..حلاوة الروح هذي يانور حي عليك😂
انا..سكفمك😭😂
بدا هادي يخفف في السرعه لعند ماوصلنا علي قد الخوف اللي عشته في السيارة قلبي وجعني حوش ياسين ذكرياتي ايامي الجميله كل شي قدامي بس ياسين مش قاعد ياريت لونشوفه شويا نحضنه نشمه نشبع منه حتي لو اخر مرة مرررررايفه عليه موت برغم كل شي داره
هادي...هيا بسرعه ناعس راهو
انا...فطنت لروحي هيا هيا
نزلت رنيت علي الجرس دقيت فتح باتها
انا...مرحبا عمي
ادريس... اهلييين مرحبتين نور
انا...سلمت شخبارك شن دايرا صحتك
ادريس...والله اهو الحمدلله علي كل حال تفضلي
انا...لاوالله مستعجله نبي سارة
ادريس...سارة في حوشها ههه
انا...ههههه شنو
ادريس...سارة ازوجت.........#يتبع
اسفه لو في لخبطه في الاسماء
انشالله تنال #اعجابكم
#انتظروووني_في_الحلقه_الرابعه
#ديرن متابعه❤
ياريت اللي تقرا تثبت وجودها بتعليق ولايك كان مالقيت تفاعل نوقفها قصه واقعيه فيها شوي من وخيال 💔
