#قطعه_مني
#الحلقه_واحد_وعشرون
#بقلم_ Ñř Ŕóhã ✍
إدفع نفسك خارج دائرة الخوف و الإعتقاد ، إصنع رؤيتك ، وادعم وصولك لمبتغاك ، كن شجاعًا وعازمًا ، لا تتوقف إلا لتجدد همتك🤍...
فتح تلفون نور وسمع التسجلات
جن اجنونه
جلال..خذا تلفونه ورن علي رنده
رنده..الوو حبيبي
جلال..ههه تستني في مكالمتي...
رنده..فيك اتقول هكي ياعمري
جلال..معناها اسمعي كلامي اكويس
رنده..شن فيه حبيبي
جلال..لاحبيبي لا....ماتخلينيش انفلم رنددده مكالمتك ل نور وكلامك لها عليا لوين تبي توصلي فكرتي لو حكيتي معاها هكي ح تسيبني وتقلبيها عليا صاح ههههه لاهذي بعيد عليك
رنده..من نور
جلال..وووووه مازالتي ماتغيرتي العالم يتغير يارنده خلاص بطلي حركاتك اللي اديري فيهن
رنده..من نور نحكي جد
جلال. لا استني فتح علي التسجيل وقرب التلفونات من بعضهن وسمعها بدايه التسجيل
رنده..عم السكوت
جلال..كنك سكتي هذي نور اللي اديري في روحك ماتعرفيها
رنده..وصلتها لك حبيبت القلب انا مانبيش اب اوليدي يضيع من ايديا
جلال...شاهين ذنبه انا ضحيه زواج فاشله
رنده..بس انا مستعده انتغير ونصلح كل شي عشانه
جلال..تغيري لروحك انا اطلعي من حياتي بينا شاهين وبس
رنده..انسيت الايام الحلوه اللي بينا
جلال..لامانسيتهن معقوله ننسا كيف كنتي اتعاملي في امي وامي كانت ماتحكيش وتستر عليك في كل مره كلامك الها ايجي بصدفه نسمعه مانسيت قل احترامك ليا قدام باتي وخوتي اوواجد اوواجد ماينعدن كان في حاجه سمحه درتها اني مطلعك من حياتي كان في شي جابرني نجيكم ونصافحكم شاهين سمعتي شااااهين
رنده..يعني انت تبي تتزوج وانا نقعد نربي في اولدك
جلال..ماتبيش شاهين تنازلي عليه ليا في المحكمه وشوفي حياتك
رنده...لاانا مانوقف حياتي ونربي اولدك وانت تعيش في عسل مع السنكوحه اللي واخذها
جلال..احترمي نفسك رنده.رندددده.
كلامي وقلته ياريت اتنازلي عليه وشوفي شن ح يصير
رنده..هي اللي ديرتها خلي السنكوحه اللي جبتها اتربيه لك
جلال...رنده ماتخلينيش اندير شي مايعجبك عدلي كلامك
رنده..غير راهو مغير اول ايام اهتمام بعدها اتنزله ل مامتك انا من كبدي مش قادره انربيه ولانهتم بيه هيا هيا بتربيه لك هههههههه بس كنك راجل صاح ويطق فيك عرق خليها هيا اللي تربيه اولدي ونعرفه
جلال..ماتخليني نحرمك حتي من شوفته
رنده..عادي بعد يكبر ح يرجعلي
جلال..اللي انتي امه وتحكي علي امليكه هكي مستحيل يفكر حتي يشوفك شاهين ماتبيش عطيه ليا اتربيه خير منك واطلعي من ام حياتنا
رنده...استنا مني المفاجاءه يوم فرحك
جلال..الحمرا في وجها وحط الجهاز جنبه بس بينا شاهين يارنده كان هك شفتي مني شي تندمي عليه طول عمرك
صباح يوم جديد...☀️
امنه...صباح الخير
جمال..صباح النور امي
امنه..واعي بدري
جمال..عندي عمليه وفي العشيه ماشي للمستشفي مستدعيني غادي يعني اليوم مادوروني بكل
امنه...ربي يساعدك
جمال..باس راسها اجمعين امي
امنه..نحطلك تفطر
جمال...لالاقهيوا كان واتيه
امنه...عشان خاطري اشرب حليب
جمال..وين امي حليب توا كنت اندير في رياضه
امنه..شن فيها حليب ساخن سمح قهوا تحرق كبدك يومي تفطر عليها لاانت لاجلال
جمال..مانبيش نكسر بخاطرك لكن ياامي هاتي نص كبايه
امنه..ايوا الله يربحك
جمال..يشرب باتي واعي
امنه..لاوالله طلع من بدري متفق مع واحد عشان السعي لسياق يشوفه
جمال..اها امتي ماشي لسياق
امنه.. بكرا ويقرو الفاتحه
جمال..ماشاءالله باهي تمام
امنه..العقبال مانفرح بيك
جمال..ان شاءالله
امنه..بكرا بيش تاخذ اجازه
جمال..ليش
امنه..ماسياق خوك
جمال..في العشيه ماشي
امنه..اها
جمال..خلاص انا عندي مرضا من ل10 ل12ونص يعني واحد بالكثير نكون هنا
امنه..باهي تمام
