#قطعه_مني
#الحلقه_الثالثه_والعشرون
#بقلم Ñř Ŕóhã ✍
لقد شعرتُ برغبة الابتعاد والذهاب بعيداً ،وددتُ الفِرار مِن ذالك الضجيج ،فإنتابني شعور فائض بالحِزن
اكتفيو المكالمه هم لاثنين صوت شهقاتهم وبس نور مش قادره توقف العقد وياسين عاجز
سمعت زغريت البنات والرصاص معش وقف عرفت خلاص تميت ل جلال مش ل ياسين
انا..اسوو تميت له اسووو😭
ياسين..نوور وراسك خلااص
انا..اليوم اللي كنا نحلمو بيه قعد لغيرك ح يمسني غيرك ح نكون حلال غيرك ااااااه😭 ليش صار فينا هكي اسوو كنت متمنيتك انت ياروحي نبيك ااانت يارووووحي
ياسين..يمسح في دموعه خلاص نور نور خلااص معش تزيدي عليا عاجز انتي مش عارفه شن صار فيا بغيابك مش عارفه شي هذا نصيبنا مش ح نقدر اندير شي
انا...مسحت ادموعي خلاص اسوو انت توا متزوج انا غلطانه لاني كلمتك اسوو 😭والله م قدرت نمنع قلبي كنت محتاجه نسمع صوتك مش قادره اااااه😭من اللي قدرت تاخذك منيييي من اللي قدرت تنسيك نور دنيتككك من هيااا
ياسين..عزق تلفونه علي طول يده كله مني
انا...نزلت تلفوني يلايا ويديا علي فمي مانبيش صوتي يطلع
فرج...قرو الفاتحه يخش في بوكسات القاتو
هبه..لووووووووولي
هاجر..نمشي نشوف نور حاسه بيها
هبه..م نقدرش نخش عليها حاولي تلطفي الجو وتخليها تطلع عشان م حد يحس بيها
هاجر..تمام
انا..مستمره في البكا اعيوني في ثواني كانن فضحاتني بدن حمر ومتنفخات
(عمري ماكنت متخيله انا ح يجي يوم ح نكون لغير ياسين مجرد خيال 7اسنين من عمري معاه حب وعشق وخوف عشت معاه المره قبل الحلوه كنت متقبلته بكل عيوبه عشت معاه اسوء ايام حياته كنت بعد نضايق او انحن ل بابا وماما هوا نلقاه معايا دمعتي هوا اللي يمسحها ليا في يوم في تاريخ معين خرب كل شي ياسين اللي كان يدمني ادمان ازوج وعاش حياته خلاني نعيش اثر حبنا بروحي خلاني نعاني ابروحي خلاني معش عندي ثقه في اي حد لايوم لاثنين لاشهر لاسنه 7اسنين علاقه مش اشويا اسو كيف قدرت تمسح ذكرياتنا ضحكنا حتي ادموعنا لهن ذكريات كيف هان عليك هذا كله ينزلن ادموعي ونمسح فيهن من جديد مش قادره نستوعب لعند اخر لحظه نقول ح يسير شي يخرب الفرح ...)
هاجر..طقطق نونا
انا...نمسح بهستريه ادموعي
هاجر...فتحت جتها حضنتها مبروك ياعمري
انا..مغمضه اعيوني قروها
هاجر..اها
انا..تميت ل جلال
هاجر..ردت حضنتها بدت تبكي حاسه بيك نوررر
انا..مافيش حد حاسس بيا موجوعه هاجر
هاجر..😭حاولت م نخش عليك بس ماقدرتش انسيبك بروحك
انا..نصيبي لازم انتأقلم ونتعود معاه
هاجر...هيا اغسلي وجهك اعيونك هذين بكن واجد حرام فيهن اللي يسير فيهن ارحميهن
انا..نمسح في اعيوني نمشي ندوش ونطلع اعيوني فضحاتني
هاجر..تمام انطلعلك لبسه
انا..تمام خشيت ع السريع لحمام م خليت حد يفطنلي وفتحت الدوش وقعت تحت الميه نمسح في وجهي انا لازم انتقبل نصيبي انا لازم انتقبل اللي صار كله هوا ماقدرش ايدير اي شي عشان حبنا الا انا ازوج وكسرني مش قادره انطلعك من قلبي ليييش كيف ماانت قدرت 😭
هبه..اطق علي الحمام
انا..من
هبه..انتي تمام
انا..هياا اشوي بس وطلعت لدار بديت نلبس
هاجر..طلعتلك هذين
انا..تمام
هاجر..ديري بودره علي وجهك وخافي تحت اعيونك
انا..لبست سروال امريكي ازرق ضابط وبلوزه ورديه فيها ورد ابيض اصغير وفتحه من الصدر هاجر جت البلوزه خشيها في السروال تطلع اجمل هكي اجمل تعالي بدت تجففت اشعري
وبدت اديرلي في خافي ع وجهي
هاجر...تهبلي
انا..هاجر لو سماحتي م تخليش عينك تجي في عيني ح نبكي
هاجر..تلفونك يرن
انا..من
هاجر..جلال انا طالعه برا الكل يرجا فيك
انا..تمام فتحت الو
جلال..وتميتي ليا يانوووور
انا..مبروك عليك نور جلال فزت بيها بالنهايه
جلال..فرحانه نور كيف فرحتي بيك
انا..نمسح في دمعتي اللي خنتني كيف كل مره مش عطيتها لحد من كثر مافرحانه
جلال..ثلاث ايام وتكوني عندي
انا..انشاءلله
جلال..وقعدتي حرم جلال يانورتي
انا..فرحان جلال
جلال..مش مصدق نين تكوني عندي كيف الحلم
انا..فعلا كيف الحلم
جلال..نور جوك مش تمام نور شن فيه
انا..لاتمام فرحانه واخيرا ح نخش ل قفص الذهبي ههه
جلال..اناااعلي نوعدك نعوضك علي كل دمعه نزلت منك علي كل كسره خاطر شفتيها في حياتك يانور
انا...نجك ليا
جلال. بدو يجو الجماعه نحكي بعدين ياحلالي
انا..تمام عينك من روحك
جلال..تمت عندك روحي خلاص
انا...كان عندي في حفظ والأمان
جلال..اناعلي هيا سلام
انا..باي
مسحت دمعتي وطلع الابتسامه العريضه علي وجهي
الكل بدا يسلم عليا ويبارك
نرجس..لوووووووووووولي
ساجده👏👏👏..ي مبروك علي غاليتي ي قوالت مرحب جيتي 👏👏👏👏👏👏👏
هاجر...😭👏👏👏👏 هذا حد القدر معاكم
نور الحوش عطيناكم 👏👏👏👏👏👏👏
هبه...👏👏👏👏اللي يذوق عسلنا مره
يبرم ويعاود ع الجره... ضروري مايعاودو عاد ضروري
الكل...هههههههههه
مروه...نور العين قراء فتحتا
جاب العين اللي جرحتا
👏👏👏👏👏👏👏👏👏👏👏👏👏👏
صفاء..فرحك يا قنديل العيله نرجو فيه اسنين طويله👏👏👏👏👏👏👏👏👏
انا...جيت حضنتها نجك ليا العقبالك يارب
صفاء..فرحتلك نور
انا..العقبالكن يارب
نرجس..هذي لك ياهاجر
هاجر..شني
نرجس..عيني كان طروا غاليها
تسها نين اينتو فيها😂👏👏👏👏👏👏👏👏👏👏
هاجر..ههههههههههه ماقلتي الاالصادقه حقربي واخذني كلي
غرام..نونا يبيك بابا
انا..نجاليا خالي احمد وين
غرام..قالي خليها تجينا من باب المطبخ
انا..هيا
هبه..وين ماشيه
انا..خالي برا
هبه..اها به
انا..طلعت لقيت خوالي لاثنين احمد وفضل من ريحت ماما فرحت ب جيتهم كاني نشوف في ماما قدامي حضنتهم لاثنين باركولي وخشيت
نرجس..قاتو الفاتحه
انا..ماعنديش نيه
نرجس. لاضروري تاكلي منه وتوكلي البنات العزبيات اولهن هبه لاني حاستها واصله حدها ههههه
هبه.. بطلي سخيفه وكليني ياسلفتي
انا..هههههه خذيت اشوي من القاتو وبديت من نفس الطرف نوكل فيهن كلهن اولهن هبه ههههه
ولعن دي جاي علي فرقه والبنات يتراقصن وانا نوزع في ابتسمات ونشوف فيهن الكل كانو مبسوطين باليوم هذا الا انا بس لي مش حاسه باي طعم فرحه نجامل وخلاص
مبروكه...نور عمك دز عليك يبيك
انا..نمسح في يديا هيا جيت مشيت لقيت عمي وهادي وفرج في الصاله استقبلني هادي بحضن
هادي..مبروك ياشينه خلاص ح تمشي وتسيبينا
انا..حاولت مانزلش دمعه اتريح من هرجتي وطلباتي
هادي..حتي وانتي عنده تلفون نجيك طول كم نور عندنا
انا..حضنته زييين عارفتك نجك ليا بحتت في فرج
فرج...حضني مبروك علي نور حوشنا ربي يكمل عليك ح نرايفو عليك بكل
انا..نجك ليا حتي انا ح نرايف عليكم واجد
عمي..تعالي عندي
انا.بست يده وراسه
عمي... مبروك عليك حضني مسكته العبره تمنيت محمد كان معايا ف اليوم هذا ويشوف بنته كيف اكبرت وح تفتح حوش بروحها
انا..حضنته زين خنوني ادموعي😭 ياريت عمي ياريت لو بابا كان عايش
الكل كانو يشوفو فينا والكل م قدرش يسيطر علي ادموعه
انا..ياريت كانو معايا عدو بدري سيبوني بدري مازالت نبيهم😭
عمي..بعدني انا قاعد انتي امانه محمد الدموع هذين من اليوم نبيهن دموع فرح يانور
فرج..يمسح في دموعه طلع
هادي..يمسح في دموعه لحق هادي
انا..الحاجه الوحيده اللي مخليتني انقاوم الحياه انك معايا شاده اظهري بيكم ربي مايحرمني لامنك ولامن عمتي ولا من هادي ولا فرج ولا هبه ولاهاجر انتو هم هلي من بعد هلي ربي مايحرمني منكم
عمي..مسح وجه هذا الكلام اللي نبي نسمعه انا سلمتك ل راجل يانور مش اي راجل اخترت جلال لأني عارف مستحيل يكسرك في يوم
انا..نمسح في دموعي ان شالله يارب
عمي..مدلي الضرف مهرك
انا..خليه معاك م عنديش مانبي فيه
عمي..هذا حقك ديري بيه اي شي
انا..والله ياعمي مش ناقصني شي
عمي..حقك يانور هاكي
هبه..تمسح في دموعها خوذيه يقولو بعد توزعي علي بنات العيله من فلوس المهر يمشن بعدك
انا..بحتت فيها وضحكت
عمي..هز براسه بضحكه وطلع
انا..بحتت فيها احرجتيني معاه
هبه...غير تعالي جاي
انا..جيتك
هبه..بنينه بنات
نرجس ..عليش
هبه..جبيها بس
نرجس..تقريبا شفت وحده في المطبخ
هبه..جيبيها
انا..عليش
هبه..استني بس
نرجس. اهي البنينه
هبه.. اسمعي قولي ياربي انا عطيتهن ب نيه اللي نعطيه تمشي بعدي وكتبي علي كل ورقه اسم بنت عزابيه
انا..ههههه حاضر
هبه..اول وحده انا عاد ياسلفتي كان م خذيتيني معاك ننتحر ايوا
انا..هههههه ربي يسترني معاك
نرجس..الفرخه هذي زوجوها
هبه..علي علي صوتك ياعاري خليهم يجو عبيطه
انا..فتحت الضرف شن نقول
هبه..يارب اللي نعطيها تمشي بعدي
انا..يارب يمشن بعدي كلهن وبديت نكتب في اسمائهن و نوزع علي كل بنات اولهن هبه ههههه
هاجر..انا مش ف الحسبه
انا..بس ضروري م تاخذي خليهن ذكره
وضيفو الضيوف وعدو كلهم هل العريس بزفه وتمتيع قلبو الشارع......
جلال..برا يلا الحوش سيارات الزفه جن الطلق والدنيا شالت كان جلال فرحته مش عاطيها لحد كأنا اول مره يزوج لا وكأنا وخذها عن حب فرحان بنور انا تمت له
كمال..مبروك يابرو
جلال..العقبالك
كمال..وحده مكفيتني
جلال..ههههه خوف
جعفر...مبروك عريس
جلال..شتشت شعره لعقبالك
جعفر...هههههه مانقول شي ان شالله قريب
عبدالفتاح..كل شي ع البركه
جلال..باس راسه وحضنه يبارك في عمرك
جمال...العقبالي
جلال..ههههه اللهم امين
جمال..حضنه مبروك يانصي
جلال..رد الحضن لعقبالك عديلي
جمال..اااخ لو يسير بس
جمال...هههههه
وبدو اصحاب جلال يسلمو عليه ويباركولا
جعفر..جلال هذي الكاميره صورتلك كل شي من طلعت لسياق لعقد القران لتوا
كمال..يابرو تعال ناخذو صوره
جلال..جعفر تعال
جعفر...ايوا
جلال..صورنا
جعفر..بدا يصور مره بالكاميره واصحابه اللي يشتغلو معاه كل واحد بتلفونه
جنات...لوووووووووووووولي
جمانه..👏👏👏يا سلم باتي و عمامي
ياصيت امنور قدمي👏👏👏👏👏👏
اسماء...يامرحب بضيوف الغالي
صدر الحوش الهم طولي👏👏👏👏👏👏
بشري...حل الباب علي وسعيته
جاك اللي متعلي صيته👏👏👏👏👏👏👏👏👏👏👏👏
اماني...علي مربوعة بوها طول
وين عرفها بنت اصول👏👏👏👏👏
جنات...الله امصلي ع النبي
علي خوتي و ضنى عمي 👏👏👏👏👏👏
امنه...تحضن في جلال مبروك امي مبروك الحمد لله ياربي تمملك علي خير
جلال..الله يبارك فيك
عبدالفتاح...ديرو عشاء واللي تنقص قولولي
امنه...حاضر كل حاجه واجده
عبدالفتاح..تمام
بنات العيله كلهن جن يباركن لجلال بعد جن رد جلال الشخصيه الواعره لاضحكه ولاتبسيمه الله يبارك فيكن وطلع طول
