#قطعه_مني
#السادسه_والعشروون
#بقلم Ñř Ŕóhã✍
كيفما رأيت الحياة ... كانت لك ..🕊
جلال..واعي م 6يتريض فوق
قعمز علي الكرسي داهش يشرب في الميه
سمع تلفونه جاه مسج
(فرحان لانك تبي تزوج جلال افندي )
جلال..عاود الاتصال
رنده..الو كيف ما توقعتك واعي
جلال..ماتبيش تحلي علي ام حياتي
رنده..اللي يحب من قلبه مش بساهل يستغني
جلال..لاانا استغنيت عنك من زمان خلاص فوتيني
رنده..بلكي تغير رائك ح تندم
جلال..م نبيش انسب حلي عن خلقتي لو ترني ولاتزعجيني مره ثانيه تحملي اللي يجيك وصكر في وجها..
انا..وعيت القيت البنات كلهن مرقدات رقدتهن اتضحك حتي هاجر راقده معانا ابتسمت وطلعت من بينهن بشويش خذيت المصليه حطيتها علي الطوله اللي برا وتوضيت لبست المصليه طرحت الصلايه وصليت الصبح وفتحت القران قريت سورة ياسين من كثر م نقرأ فيها حفظتها ادمنتها ...
رفعت ايديا يارب( اللهم يارزاق يا ذا قوة المتين ارزقني اللهم إني ابرؤ اليك من حولي وقوتي والجأ إلى حولك وقوتك ياذا القوة المتين .يارب اني لا املك من أمر الدنيا شي واني وكلتك امري كله جله اوله واخره علانيته وسره فتولاه بعنايتك وجعلني دائم الرضا كثير الشكر حسن الطباع....).يارب انا راضيه كل الرضا علي كل اللي يسير معايا يارب ماتحرمني من اللمه الناس حولي لاضحكتهم ولافرحتهم يارب ديمها عليا وعليهم يارب صبيت معايا الصلايه في يدي صكرتها وحطيتها ع طرف الصالون وسلحت المصليه وحطيتها جنبها ومشيت للمطبخ...
حنان..صباح الخير
انا..صباح النور وين عمتي وخالتي
حنان..برا
انا..طلعت مع باب صباح الخير
كلهن..صباح النور
عمتي..يسعدلي صباحك
انا..ربي يعاون
كلهن..يارب
انا..شن في الطنجره.
حواء..محشي
انا..ماشالله درتنه
عايده..عمتك واعيه من الصبح
انا..يعطيها ويعطيكن الصحه
عمتي..افطري
حنان..تعالي نونا افطري
انا..عارفه منسده نيتي
حنان..لالا افطري
انا..باهي
حنان..تصب في حليب حنتك تبارك الرحمان
انا..عجباتك حتي انتي
حنان..تجنن عليك
انا..نجك ليا
عمتي..حنان انتعبك جبيلي الموس
انا..صبيت من الكرسي خليك توا نجيبه لها
حنان..لالا خليك متريحه
انا...انا رديت بديت نفطر
حنان..نمشي نوعي البنات
انا..نزلت الكبايه لانمشي نوعيهن انا
حنان..كملي فطورك
انا..والله ماعندي نيه
حنان..مش فطره هذي
انا..شبعت
ومشيت فتحت الضي بنااااااااات
هبه..تؤ تؤ الضي في اعيوني طفي
نرجس.نورررر
انا..هيا بنات صبن وندربك علي الباب نوضن نوضن حيحيحي هيا مشيت حولت السيتاره وحليت الروشن
هاجر..نووور صقع
انا..خلاص معش فيه وقت الناس ح تجي
هاجر..اساعه كم
انا..11
هبه..بابا وعي
انا..من بدري وقال هبه مش ماشيه
هبه..لاماشيه انا
انا..معناها صبي هيا حرام يرجا فيك
هاجر..صبت صباح الخير نونا
انا..صباح النور
هيا بناات خلن الفرشات توا انظمهن انا غير صبن
نرجس..صبيت
غرام..مديلي يدك
وبدن البنات يصبن وقعدت بروحي في الدار بديت انظم فيه ونرفع في الفرشات ونرد في كل شي في مكانه
ساجده مع هادي في جنان
هيا حبيبي بنخش
هادي..باهي جبيلي قهوا
ساجده..خليك هنا باهي
هادي..قاعد خليك سريعه بس خير مانخش
ساجده..حي عليك بعدها هيا باهي مشيت
هادي..نموت في غيرتك مجنونه
