#قطعه_مني
#الحلقه_الثانيه_عشر
#بقلم Ñř Ŕóhã
خلي هدفك هو إن عندك حياه مؤقته لازم تملاها أيام حلوه وذكريات لطيفه وأشياء تُؤجر عليها
اللي راح عمره ما يرجع بس اللي جاي منتظرك تعيشه..... Ñř Ŕóhã✍💓
جمال..انا اخ جلال
هبه..ماعرفتك انت بنعرف جلال ههههه المهم تفضلو ممكن يعرفوكم جوا طلعت وسيباته
جمال...استني انتي من
هبه..انا بنت باتي الناجي بس بابا مصطفي هذا اللي في السياره
جمال..كيف اتجي هذي هز راسه ومشا لسياره هيا انزلن
جمانه..من هذي
جمال..مش عارف انتن انزلن وانا انجيبلكن الحاجات عند الباب
جنات..تمام
ونزلن من السياره
عند الباب....
حواء..طالعه
جمانه..مرحبا
حواء .تسلم عليهن مرحبتين تفضلن
جنات..كيف طالعين
حواء..اصحاب الحوش قعدين
جمانه..باهي تمام نحنا خوات جلال خطيب نور معليش جينا من غير موعد
حواء..مرحبا بيكن في اي وقت تفضلن تفضلن هبه هبه انزلي
هبه..فتحت الروشن عليش
حواء..توا انجيك
هبه..شكلنا مش ح نمشو بابا
حواء..تفضلن توا انجي ياهاجر ياهاجر
هاجر..جيت ياخالتي
حواء..مشت ل مصطفي
مصطفي..من هذوم
حواء..خوات خطيب نور
مصطفي..شن ح يسير تقعدو
هبه..نخلوها بكرا ولاكيف
حواء.. اها عيب من يعاونهن المشيه خليها بكرا
مصطفي..خلاص انا ماشي مشوار
هبه..بابا عينك من روحك وانزلت
مصطفي..ان شاءلله حتي انتي
هبه..به في امان الله
جمال.. جمانه هاكي
جمانه..مازال اخرا
جمال..العصائر بس
هبه...خشت مالباب
جمانه..عطلناكم علي مشواركم
هبه..لا ياخيه عادي تفضلن
جمانه..نستنا خوي بس
جمال..هاكي بحت في هبه ب ابتسامه وطلع
هبه...فاتاته تفضلن
هاجر...طلعت مرحبا تسلم عليهن تفضلن
جنات..انتي نور صاح
هاجر..لالا انا بنت عمها
جمانه..هههه جنات مش شيفتها نور
هاجر..هههه تفضلن تفضلن خشتهن في دار لضيوف انستنا
جمانه..الله يانسك
هاجر..ماما ماما
مبروكه...جيت شن فيه
هاجر..ماما بنات عمي عبدالفتاح
مبروكه..اه تسلم مرحبتين كيف حالكن بدن يسلمن
حواء..كيف حالكن انستن
جمانه&جنات..الله يانسك
جمانه.جنات من اول ماجينا وهيا بتشوف خطيبه جلال
جنات..من كثر ماحكيتي عليها
كلهن...هههههه
هبه..يييه عليك احراج اللي جابكم توا قالي انا اخ جلال قتله ماعرفتك انت بنعرف جلال انسيت خطيب نور بكل هههههه
جنات..ههههههه خويا جمال هذا
هبه..اها
جمانه..ههههه
هبه..احرجات بكل
مبروكه..هذي بنتي الكبيره مربيتها اختي حواء وعايشه معاها
جمانه..اها ماشالله اخت هاجر
هاجر..اختي ومن بطن وحده لكن الشبه مادوريش هههه
حواء..مافيش شبه بينهن بكل
جنات..اها بكل هههه ماشاءالله
هاجر..ههههههه عارفه روحي
جمانه..لاوالله غير تسلمي فيكن لمحه من بعضكن اختلاف العيون
هاجر..سلمك
هبه..وين نور جوري
هاجر..اها مشت تدوش توا تجي
هبه..نمشي نشوفها خذت شنطتها نستأذن منكن
جمانه..خوذي راحتك
جنات..خوذي راحتك
مبروكه..ليش ماجت معاكن امنه
جمانه..ماسكه لعيال والله
مبروكه..كان جبتوهم شن فيها
جنات..شافت ل جمانه..ههههه لاوالله مايقعدو هرجتهم واجده
مبروكه...والله عادي منها تقعدن وامنه تمشي معايا اليوم عندنا عشاء
جمانه...اها قلتها لنا ماما
_____
جلال....يشرب في مكياطه في مكتبه ودخان في فمه صحيت علي الغداء يابرو
كمال.. علي اساس كليت كليت غير انا
جلال..ماحبيتش نكسفك لكن النيه مافيش بكل
كمال...المره الجايه علي احسابك خسرت افلوسي ع الفاضي
جلال...خسرتهن علي روحك هههه
كمال..هههههه قول صحه
جلال...صحه المره الجايه ع احسابي اي خدمه
كمال...هههههه عارفك ماتقصرش
جلال...ههههه
كمال..انا طالع توصي علي شي
جلال..سلامتك
كمال...احتمال راد في ليل
جلال...ليش
كمال.. عندي اوراق ضروري مانختمهن وشوي ملفات ضروري انشوفهن
جلال..خليهن في الصبح
كمال..لالا بكرا انتريح اشوي
جلال..كان تعبان خوذهن معاك
كمال....لالا الشغل شغل نشتغل هنا وفي الحوش اللي مفروض انتريح فيه
جلال...اللي تريحك ديرها
كمال...لاانرد في ليل سلام
جلال...سلام
طلع تلفون نور فتح تفرج علي الصور ويقرب ويبعد فيهن بابتسامه انسيت نقوللكم نورر عندها غمازات جلال.اكيد عندها صور حذفتهن ننقل البرنامج اللي عندي نشوف نقل من تلفونه لتلفون نور برنامج استرجاع الصور
وبدا ينقل ....تم النقل صكر جهازه وقعد يخدم علي جهاز نور شغل البرنامج وسترجع صور واجد حذفتهن نور من ضمنهن صوره ل ياسين
جلال...رفع حاجبه يقرب في الصوره هذا ....يعني هذا ياسين هوا نفسه اللي شفته في المستشفي شن علاقتك بيه يانور ليش نكرتي بعد شفتيه احسابك معايا وكمل يصفح في الصور
___
هبه...طقطقطق نووور
انا.. هبه ندوش كيف مش مشيتو
هبه..يستنو فيك اضيوف نونا
انا..مانسمعش فيك هبوش اشويا بس
هبه..ماطوليش
انا..خلاص اشويا ونطلع
هبه...تمام
ادوشت وكان اصعب شي بعد غسلت اشعري مش عارف كيف جت الغسله بس اضطريت نغسله من الدم حطيته بالجنب حاولت انا الميه ماتوصل لصقه ورفعته فوق بالمنشف و لبست ديجمبر طلعت راسي من الباب مافيش حد طلعت طول لداري
بديت انشف في اشعري بشويا بشويا وبديت نمشط فيه ونشفت جسمي ودرت لوشن ولبست توته حمرا فيها ميكي ربع كم بخيت عطري ودرت مرطب لوجهي حطيت شعري ع جنب واحد انا نشوف في المرايه اعيوني ذبلات بكل وطلعت
انا..هبه مانسمعش فيك امبدري كيف م صار من المشيه ولاكيف
هبه..ههههه نور تعالي في الدار لضيوف يستنو فيك اضيوف
انا..في لحظه جت في بالي ساره ساره اوبس و لي اني بجديات كلمه مرااااايفه عليها ماتكفيش هيا جيتك اكيد ساره
انا..خشيت والابتسامه مرسومه علي فمي م رحبا عرفت وحده اما الثانيه لا
جمانه...تسلم هذي نور ياجنات
جنات..ماشالله ماشالله ياحظك ياجلال
انا..سلمت عليهن اهلين
جمانه. هذي اختي جنات نور هذي جنات
انا...سلمت عليها انستينا
جنات...شنو السماحه هذي
انا..انحرجت😊
جمانه...هههههه مش قتلك
جنات..اتقولي فيها الصراحه
جمانه....هذي اختي مفضحه بيا
جنات..لابدون مبالغه تهبل بكل
مبروكه...نخليكن انا وحواء هدرزن مع بعضكن
انا...خليكن عادي
جمانه..خليكن عادي
جنات..مانزلت اعيونها وهيا تشوف في تفاصيل نور
مبروكه. لاانتن بنات ماعندكن ماتبن في عزايز كيفنا
حواء..صدقتي
انا.. ابراحتكن
مبروكه..هيا حواء
حواء..هيا هيا
وطلعن وقعدنا بنات مع بعضنا
انا..بعد التعارف جمانه انتي الكبيره صاح
جمانه..جمال بعدها جلال وانا بعدها جنات اخر واحد جعفر
هبه..ماشالله عائله سمحه والأسماء علي نفس الوزن
جمانه...سلمك
هاجر..صبت.. هبوش تعالي معايا
جمانه..ماتعبنش ارواحن نحنا جيات نهدرزو اشويا اوماشيين
انا..لاعادي م فيش تعب
جنات..جديات والله ماتعبن ارواحكن تكملنها ضيافه ويمشي الوقت ماكسبنا شوفتكن وتعرفنا
انا...جوري..جيبي الضيافه وتعالي نهدرزو
هاجر..تمام هيا هبوش
هبه..جيتك
وطلعن وقعدت انا وجمانه وجنات
جنات..مواليد الكم يانور
انا..95
جمانه..ماشالله العمر كله
انا..تسلمي يارب
جنات..انا اكبر منك ب سنه 94 وجمانه 91
انا..اها ماشالله بطولت اعماركن يارب
جمانه..شن ساير معاك
انا...في شن
جمانه..بابا قال انك طايحه او هك
انا..طول جا قدامي جلال ابتسمت اااهااا خبطت في الباب انحلن الغْورز
جمانه...وشن صار فيك
انا..مشيت خطيوهن من جديد والله الجرح مازال كيف ماهوا وبرمت وريته لهن
جنات..ينعلي بعدها واعره لخياطه
انا...عارفه والله ماحسيته الاخشت الابره بس اما الباقي ماحسيته بكل يده خفيفه الدكتور حتي صرفلي مسكن قوي امس رقدت مافيش الم
جمانه...انشاءالله لاباس عليك
انا..ماتشوفي باس
جنات..هذي عين واضحه
انا..انحرجت
جمانه.. بعدها جايه في مكان
انا..اها توا درت دوش مش عارفه كيف كملت برغم قلولي م تقربيش الميه لكن من الدم اضطريت انغامر
جمانه..ينعلي حافظه عليه لعند م تفكي الخياطه
جنات..عارفه ماطولش بس انتي حافظي ثمانيه ايام ويفكوها
انا..اها عطاني موعد السبت الجاي
جمانه..انشاءالله خير
انا...كيف ماعندكن اعيال
جمانه...عندي بنتين لين وليليان
جنات..انا اسيل وسيلا وفائق
انا..ماشالله ربي يفرحكن بيهم
جنات&جمانه..امين
انا..ليش مش معاكم
جمانه...لاوالله مع ماما
انا..توا بنسألك عليك ليش ماجت
جنات..مابعدين عندها عشاء ونحنا امس جينا من كثر م تحكي عليك جمانه كان ماجيت وشفتك مش عارفه شن صار فيا بنشوف خطيبه جلال
انا&جمانه..ههههههه
انا...انستيني مرحبا بيك في اي وقت
هبه...تفضلن بدت اتضيف فيهن
وكملنا باقي هدريزنا وكان جو ي ج ن ن
____
الممرضه..صايرلها انهيار عطيتها مهداء
ادريس..امتي توعا
الممرضه..قتلك عطيته مهداء تبيلها وقت
ادريس..لاحول ولاقوه الا بالله
ام ياسين...تبكي ياربي طمني وطمنها عليه ياربي
وكان جو المستشفي في يومها اخيييي ساره منهاره وكلهم يحسابوها منهاره علي ياسين واللي صاير فيه وهيا منهاره وفقدت السيطره علي روحها من كثر م متأثره ب موتت محمد
وام ياسين منهاره خايفه تخسر اوليدها وحيدها اللي ربي عوضها بيه بعد وفاء زوجها خايفه تخسر ياسين كيف ماخسرت باته
مها&صفاء..يكابرن ويخْفن في ادموعهن خيفات علي امهن يبن يكونن شدات ارواحهن قدامها كانت حالتهن اخييي بكل خاطرهن يبكن بس مش قدرات
مها..ماما هاكي
ام ياسين...شن
مها..عصير
ام ياسين...بعدت يد مها..مش ح نشرب ولاناكل الا لما يطمنوني عليه
مهاا.ماما
ام ياسين...تبكي حي علينا كان خسرنا حتي ياسين من بيكون معانا من بيدير باله علينا من بيخاف علينا نحنا شادين اروحنا بيه
مها..جت لغرفه ساره عمتي فاطمه تعالي معايا اشوي
فاطمه..شن فيه
مها..ماما ضروري ماتاكل توا يهبط عندها الضغط
فاطمه..مابت تاكل
مها..اها
فاطمه..وينها
مها...برا وطلعت هيا ومها ل ام ياسين
فاطمه...ربي يطمنا عليه ماتقوليش هكي اول مايوعا ياسين نقوله انك لاتاكلي ولاتشربي
ام.ياسين..يوعا بس مانبي شي
فاطمه..توا يوعا وتحقي اعيال اعياله تفائلي
ام ياسين..تبكي ياااارب
فاطمه..كولي شدي روحك ياسين يبي يشوفك بصحتك بناتك يشوفن غير فيك تبي تحرمي روحك من الطعام وتموتي صاح ويقعدن هنا محتاجاتك وينكسرن فيك كيف عطيه العمر كله
ام ياسين..بحتت في فاطمه وعيونها شالنها ل بناتها اللي يتباكن بدون صوت باهي هاتي
مها..هاكي وقعدت مها وصفاء جنب امهن ...
ساره..انا وين
ادريس..يافاطمه
فاطمه..جيتك
ادريس. شوفيها وطلع برا
فاطمه..اغماء عليك من امس ماحطيتي حاجه في فمك
ساره. ياسين..
فاطمه...نرجو في الدكتور يطلع يطمنا عليه
فاطمه..تلفونها يرن...هذي هيام
هيام.. الو ماما
فاطمه..الوو نسمع فيك
هيام..شن صار في ياسين
فاطمه..اطلعت برا مازال ما طلع الدكتور وياسين مازال ماوعا
هيام باهي انا نبي نجي غادي دزيلي بابا
فاطمه..لالاخليك ف الحوش
هيام...ياماما قاعده بروحي وقرايتي كملتها نشوف ساره ونروح
فاطمه..انشوف باتك كان قال باهي
هيام. بابا مايقول شي خليه يجيني
فاطمه..خلاص به
هيام..باي وصكرت....
فاطمه..خشت هذي هيام تبي تجي
ساره. هزت براسها
فاطمه..نمشي ل باتك نقوله هيام تبي الجيه
وطلعت
الممرضه..شن دايره توا
ساره..اعيونها منتفخات وهابطه ونفسيتها صفر الحمدلله
الممرضه...نشوفلك الضغط
ساره..مدت يدها
______
جعفر..قاعده دادا
امنه...محلاهم يهبلو
جعفر...محلاهم جابني صوتك وانتي تعيطي
امنه..هههههه البنات نتشن بعضهن
جعفر ..سيلا تعالي
سيلا..نعم
جعفر. عليش تضربي في اسيل
سيلا..هيا بدت الاول
امنه...هههههه
جعفر...ههههه لاصاح ادافع علي روحها ياامي
امنه..جعفر م تشجعهن علي بعضهن
جعفر..تمشن معايا
البنات..اها نمشو
جعفر...كان جيتن اذكوره صاح البنت مكانه الحوش
امنه..توا نشوفوك
جعفر. انا ربي ح يعطيني اعيال بس عارف
امنه..اي واحد يكره البنات ربي يكثرهن له حبهن خير
جعفر..هههههه لاماتقوليها بكل
امنه..هههههه اها يالخواف
_______
هبه..هاجر تلفونك يرن
هاجر..وينه
هبه..نسمع فيه في المطبخ
هاجر..اها صاح خليته غادي
مشت هاجر لقت ماهر اعيونها اقلوب اقلوب خذت تلفونها وخشت لدارها عاود ماهر الاتصال من جديد ماهر
هاجر...الوو
ماهر...ساعه حبيبي
هاجر..ماكنش يلايا ياعمري
ماهر..وينك باهي
هاجر..في الحوش
ماهر..جايه اه اليوم
هاجر..ههههه لالا وين انجي ياعمري
ماهر..ليش
هاجر..عندنا اضيوف بعدها تعبانه من الحادث
ماهر..يعني مش جايه
هاجر..هئه
ماهر..تمام حبيبي تمام اصلا اليوم مادورتيني بكل
هاجر..بدلع بيبي والله من اول مافتحت اعيوني وانا لاهيا
ماهر..مفروض انا اول اولوياتك يعني من اول ماتفتحي اعويناتك اول واحد ماهر بعدها الهي
هاجر...عارفه حبيبي اسفه باه
ماهر..عارفه اني انحبك
هاجر..بدلع هئه مش عارفه صاح اتحبني
ماهر...اااااه منك وانتي تدلعي
هاجر..كان مادلعت علي حبيبي علي من ندلع ولاندلع علي غيرك
ماهر...ماسمعت شي اوك
هاجر..هههه حاضر
ماهر..عارفه كان يلايا شن اندير فيك
هاجر..عارفه
ماهر..اكويس انك عارفه
هاجر..شن داير اليوم
ماهر.بعد سمعت صوتك صحيت
هاجر..بطل كذب شن داير نحكي جديات حبيبي
ماهر..ماحد قدي انسابتي جيين اليوم كني مانكون اكويس
هاجر..ههههه نجكليا انشاءلله ديما اكويس كونلي اكويس نبيك بصحتك
ماهر..ههههه اسكت يالساني
هاجر..اخس عارفه عقلك مشا لبعيد
ماهر...ههههه الله غالب معاك هك يمشي
هاجر..باهي نبي نصكر توا
ماهر..عليك قصه عليش
هاجر..عندنا اضيوف حبيبي
ماهر..ضروري تمشي يعني
هاجر..ضروري بكل اخرا
ماهر..امتي تفضي
هاجر..مايكون الا في ليل
ماهر...شن يصبرني لعند الليل
هاجر..انحبكك
ماهر...انموت فيك يابنت الناجي
هاجر..انعلي منك عينك من روحك
ماهر..معاك عينك منها
هاجر..كان معايا في امان الله معايا
ماهر..نجك ليا
هاجر..هيا باي توا
ماهر...مش هاين عليا تصكري لكن باي وصكرو
___
هبه..لاوالله خشيت صيدله كانت ماما تبيني بشري لكن يطول وصعب
انا..بس انتي شاطره
هبه..هيا لكن يانونا نكمل حياتي في طب البشري اسنيني يمشن هك وننحرم من حاجات واجد البشري نكون موفره حياتي للقرايه وبس اما صيدله نكمل ونبدا نخدم تخصص ساهل يعني مش صعب
جمانه..اها صعب طب البشري خويا جلال نذكر حياته مخصصها قرايه وبس توا رد حياته طبعيه وحقق حلمه
انا..ماشاءلله
هبه..شن تخصصه
جنات..جراحه قلب
هبه..تخصص صعب
جمانه..حلمه هوا هك
هبه وهاجر يضيفن ويجن يهدرزن وكانن جنات وجمانه كأنا من زمان نعرفو بعضنا هدرزنا وضحكنا وتعرفنا
ماحسينا بالوقت بكل
جنات..تلفوني يرن هذي ماما
امنه..الو
جنات..الو ماما نسمع فيك
امنه..شكله عجبكن الجو
جنات..هههه بكل ماحسينا بالوقت
امنه...تعالن هيا
جنات..جمال قال عندي عياده شن نديرو
امنه..كيف يعني
جمانه..قوليلها ترن علي جلال
جنات..ياماما رني علي جلال يجينا
امنه...توا نشوفه لانا خلاص مازال ساعه علي المغرب توصلن يأذن
جنات..خلاص رني عليه وكلميني شن يقولك
امنه..هيا اوكي
جنات..باي
انا..خليكن والله انسجمنا
جمانه...الجايات اكثر ماما مخلين العيال معاها اكيد متعبينها
____
جلال..الشر في اعيونه وكيف بيحصل نور وليش نور كذبت عليه ليش انكرت معناها يوم اللي تلاقينا في المستشفي حكت معاه تي تحق فيا بقروني ولاكيف قاطع تفكيره مكالمه امنه
جلال..الو امي
امنه..الو تسمع فيا
جلال..اها شن فيه
امنه..عندك شغل
جلال..لاكملت شن فيه
امنه..جمانه وجنات امبدري مشن ل نور يحمدنلها ع سلامتها ومنها يتعرفن عليها
جلال..باهي
امنه..وداهن جمال وجمال عنده عياده عدي جيبهن انا عندي عشاء برا والعيال معايا
جلال..خلاص توا طالع
امنه..الله يربحك وين مااتمشي
جلال...اوكي
امنه...تربح
جلال..باهي جت معايا ان شاءلله غير تطلع علي خذا جهازه وجهاز نور حطهن في جيبه خذا مفاتحيه ودخانه وطلع
___
هاجر...كان جبتن العيال تعشيتن معانا وبعد يروحو من العشاء يتكو عليكن تروحن معاهم
انا...اها صاح والله انسجمنا معاكن بكل
جمانه..والله ونحنا اكثر قتلك الجيات اكثر لكن اعيال وهرجه والله مانقدرو
هبه..باهي عودنها
جنات. ان شاءالله
هبه..نونا انتي تلفونك في الصاله
انا..اها
هبه..يرن من بدري
انا..صاح توا نشوفه
هاجر..ابتسمت هذا تلفوني لكن جهازها عطلان عطيته لها
جنات..انتي تقري شنو
هاجر..علاقات دوليه
جمانه. ماشالله موفقه
هاجر..ان شاءالله يارب
انا..شفت المكالمات لقيته رقم جلال
نبي نحطه صامت رن
خشيت لداري وفتحت
انا..الو
جلال...اسمعي انا توا جاي غادي افتحي الباب انتي نبيك
انا..عليش
جلال..ماتبيش تلفونك
انا...خليه في المكان اللي قتلك عليه
جلال..كلامي مش زايد علي تبي تلفونك نرن عليك افتحي الباب مش ضروري الشوشره اطلعي بروحك بعدها قولي لخواتي هيا
انا..ت
جلال..صكر في وجها قبل ماتكمل تمام
____
فاطمه..الحمدلله ياربي الحمدلله
ام.ياسين..نقدرو نشوفوه
الدكتور...واحد بس
ام ياسين..زوجته تخش
ساره..عمتي خشي انتي
ام.ياسين..بس يابنيتي
ساره..انتي خشي وطمينه عليه
ام ياسين الله يربحك
هيام...ساره
ساره..هيام حضنتها وتبكي
هيام..شن داير ياسين
ساره..وعا وخشت عمتي عليه
هيام..شفتي مش قتلك ح يكون اكويس
ساره..حطت ايديها علي راسها راسي يبي ينفجر
هيام..اطمنتي علي ياسين كولي
ساره..ماعنديش نيه وبدت تبكي انشاءلله انموت تعبت من كل شي حتي انفسي مليت منه
هيام..اسسس معش تقولي هكي حطتها علي كتفها
جت بنت في العمر الثلاثينات قعمزت علي الكرسي اللي جنبنا منزله اخدودها وصوتها رايح ودموعها ماوقفو ماوقفو تبكي محروقه مرهقه
هيام. مدتلها اميه تفضلي
البنت..شكرا ماعنديش نيه
هيام..حال الدنيا من متوفي عندك
البنت..خويا
هيام. بس حرام اللي ديرته في وجك
البنت..انكسرنا فيها كسره عمر
هيام. اكيد مش راضي علي اللي ديرته في روحك ادعيله برحمه اكيد هوا في مكان اجمل
الممرضه..الحاجه غزاله عطيناها مهدء اخرا
البنت..تكمل عمرها مهدء لعند امتي ينعلي انااااا
هيام..امك
البنت..اها
هيام..ربي يصبرها ويصبرك
البنت... امي مجرمه روحها ياريت رضت تاخذها له البنت اللي يبيها
هيام..من شنو مات خوك
البنت..خوي محمد مات من حادث امي تبيله بنت خالي وهوا مايبيها يبي بنت اخرا طول وهوا يقنع في امي ويبي رضاها وامي عطاته قل الربح لو حكا ع نفس الموضوع خذاه ادبشه وعدا للمزرعه ماتبيش تنحرج مع خالي لانها حكت معاه وخالي قللها مرحبا قاللها معناها مش متزوج وتعارك معاها كان ميت في البنت اللي يبيها وامي ماتبيها برغم لاشيفتها ولاتعرفها بس امي الله يهديها اهو خسرنا محمد وبنت خالي مش مدورته بكل في عزاه لبس ومكياج
ساره..رفعت راسهاغزاله ومحمد بحتت في البنيه
البنت..مستمره في البكا وتحكي
ساره..انتي مريم ولاكوثر
البنت..بحتت ف ساره انا مريم تعرفيني
ساره.. انتي اخت احميده ينعلي اناا
مريم..اها
ساره..منهاره انا البنت اللي امك حرمت احميده منها
مريم..لالا ماتقوليها انتي البنت اللي يبيها محمد
ساره.امك وين اللي حرمتني من احميده وينها
مريم..لوسمحتي امي مريضه امي بالمهدءات اللي صار صار محمد الله يرحمه مش ح يرد
ساره..ولاكانها تسمع خشت لدار وسالت عليها
ام محمد..راقده
ساره..هي اوعي
مريم..لو سمحتي وخري علي امي
ساره..انوخر لييييش انتو حرمتوني من كبدي احمييييده اوعي اسمعيني
ام.محمد..فتحت اعيونها بس ولاكلمه تشوف ل ساره
ساره..تشوفي فيا انا هيا البنت اللي رفضتيني انا البنت اللي حرمتي احميده منها انا البنت اللي عمرك ما شفتيني ورفضتيني بكل دم بارد انا اللي نعيش عمري علي ذكره احمييييده ليش ماجيتيني بلكي حبيتيني والله كنت نحطك ف اعيييييوني غلاوتك بغلاوته خليتي احمييييده يكرهني في روحي عشان نكرها احميييده طول عمره وهوا يحبني كبدك كيف طوعاتك تعطيه قل الربح عشان اتريحي انتي فهمينيي ليش حرمتوني منا لييييش
هيام..سااااره الوليه مريضه
ساره...حرمتني منا لييش
مريم..طلعيها لوسمحتي امي مريضه
ساره..لو احمييده سامحك مستحيل انسامحك لانك عيشتينا في حزن لاانا راضيه علي حياتي ولاهوا عاش حياتك اختار الموت احمييييده عشان يوفي بعهده هوب طاحت
هيام..معليش سعديني عليها
اما.غزاله مافيش صوت لكن حتي هيا منزله اخدودها وعيونها ماكفو م الدموع ومريم مش قادره ادير شي وجعها خوها قهرها في عمرها انها فقداته.....
أيها اللاشيء الثقيل، من أخبرك أن صدري متين، وأن ظهري جدار لا يهد ولا يلين، من أخبرك أن روحي لايتعكر لونها، وأن قلبي لايُكسر كجرة طين_____Ñř Ŕóhã✍
انا..قاعده مع البنات وقاعده ع اعصابي م نبيش نشوف جلال ولانحكي معاه نبي تلفوني وبس شن اندير
هبه...لاهذي رايحه بكل هههه
جمانه...سرحانه
هبه..من علي التلفون
انا..ااه هههه فروجه يسأل عليا
هبه..انغار توا
كلهم.هههههه
هاجر..نحنو هنا لافرج وهادي مايحملو فيها شي ولايرفضو طلب لها
انا...نوزع في ابتسامات وقلبي يبي يطلع من مكانه
جنات...ماما ترن الو
امنه..ها جنات قتلك
جنات..نعم ماما
امنه...جلال قالي توا نجيهن
جنات..تمام
امنه..سلمي ع الجميع
جنات..يوصل
امنه..اوكي وصكرت
جنات..تسلم عليكن ماما
كلنا. سلمك وسلمها
هبه..بنسالك خطيب نور كان متزوج ولا تقريبا هك قلتلي ماما
جنات..اها عنده اوليد واحد شاهين مازال ماصكر سنه جابته عند هلها بعد ماجابت اطلبت الطلاق طول وكانو لاثنين برضاهم
انا..انبحت فيهن بحسره يعني نهايتي ناخذ واحد متزوج ومطلق وعنده عيل اخرا اخييي
هبه...الضحيه..هوا شاهين
جنات..هوا نصيب نحنا عندنا جلال طبعه صعب وهيا ماعرفت تتأقلم معاه هوا حياته شغل يعني ماعنداش وقت معين مرات في نص الليل يمشي وهيا ماعرفت تفهم طبعه ممكن نور هيا اللي تفهمه وبتسمت
هبه..نحنا نور هاديه عندنا اتحب الهدوء النقشات العليات م تحبهن يعني تحكي بصوت عالي تسيبك وتمشي عادي جدا هههههه تحسسك انك ولا شي
جنات...ههههه معناها جت ع قصاد جلال لانا جلال معقد وصوته عالي ورنده تعاند فيه بدال م تكسر الشر لالا تبدا تعلي ف صوتها اعلي منه
هبه..مشكله النوعيه هذي الأنثي انثي
هاجر...هوا نصيب بينهم اوليده معاها
جمانه..اها معاها يجيب فيه ل ماما بس ابيات لالا
انا...م فيش اي ردت فعل مني ماكانهن يحكن علي حاجه اتخصني ابداا تفكيري مش معايا
_____
جمال..يشوف في التخطيط المريضه
المريضه ..شن في يادكتور
جمال..اشويا بس
المريضه..يادكتور صاح طلع عندي تضخم في عضله القلب ونبضه زايده
جمال..من قالها لك
المريضه..الدكتوره......وعطتني دوا
جمال..شن هوا الدوا خذيتيه
المريضه..لالااهو معايا
جمال..بحت في الدوا وعزقه في الكناسه
المريضه..ليش
جمال..شوفي يااختي قلبك سليم ميه في ميه لاعندك نبضه زايده ولاناقصه ولاعندك تضخم في عضله القلب وانا مسؤل علي كلامي وتشخيصي
المريضه..بس يادكتور
جمال..انا مانبيش نضرك التخطيط سليم والتحليلات سليمات حاجه وحده اديرها
المريضه..شنو
جمال..وزنك ينقص ضروري سرعه النبضات ونفسك اللي بين فتره وفتره يرتفع من الوزن نقصي وزنك ورياضيه اما قلبك سليم مافيه شي كان تقدري تحجزي في دكتوره تغظيه بكرا تمسك اديرلك نظام غذائي لانا وزنك 145 وانتي عمرك 23مش لعمرك ابدا
المريضه..حاضر نحجز توا وبكرا انجي
جلال..اللي يريحك
المريضه..بارك الله فيك يادكتور ريحتي
جلال..فيك بارك الله هذا شغلي
______
انا..شفت جهازي يهز صكرته م جنب وغمزت ل هبه وطلعت
هبه..جهازي في الشنطه نجيبه ونجي نوريك مناظر اللي عندنا جمانه..نسكن غادي
هاجر..نمشي غادي لخالتي بس ماننسجم غادي
جمانه..لانك مش واخذا علي المكان بلعكس الجبل جوها سمح بذات في الشتاء حتي بعد انجي هنا الجو يتغير عليا هههه
هاجر..هههه ممكن
_____
هبه...شن فيه مش عارفه شن فترشت كلام لهن
انا..جلال برا نبي نلبس مصليه وانتي راقبيلي الجو
هبه... سخيفين بديتو من توا
انا..يييه والله نرعش
هبه...هيا بلا حركات بعد انعيط بصوت عالي اعرفي انا في حد جا
انا..عماتي وين
هبه..ماما وامي في دار المعيشه نهايه الحوش اما هادي في داره متوحد
انا..باهي ع السريع
هبه..لاخوذو راحتكم ماعندنا مانديرو اكيد ع السريع
انا...لبست مصليه في ليل نحكولك انا وهاجر كل شي
هبه..تمام هيا عدي
انا..حطيت التلفون ع الكنداره وطلعت فتحت الباب
جلال..دف الباب
انا..بشويا المرا هذي جاي تضرب
جلال...من ياسين لاخر مره
انا..يووووه علينا ماتملش من نفس السؤال تصدق مليت
جلال..سؤال واضح
انا...مانعرفاش
جلال...فتح تلفون نور وحط ع صوره ياسين منو هذا
انا..وجي قعد الوان كيف طلعت الصوره
جلال..كيف طلعتها هذي حاجه ماتخصكش المهم طلعت وصلي العمك مافيش نصيب بينا مد التلفون النور
انا...ليش في لحظه ضعفت ليش خفت بعد قالي مافيش نصيب بينا انا..لوحكيت اتصدقني انا نحكي صدقت باهي ماصدقت م يهمني اصلا اهم شي نبرر ذمتي قدامك
جلال..قولي لبنات انا بره وبرم وجه
انا..جلال اسمعني هذا حبيب هاجر
مره دزتلي صورته هذي علي الواتس وانا حذفتها كيف طلعتها مش عارفه بس ياسين مانعرفاش شخصيا مره وحده وفي الصوره هذي
جلال..قرب تضحكي علي مفرخه انتي
انا..انا لانضحك ولاح نضحك لاعليك ولاعلي غيرك انا قلت اللي عندي اللي خشيت علي صور محذوفه اكيد شفت كل رقم عندي في المستكشف طلع ياسين لا انا مش مجبوره انبررلك لكن مافيش نصيب بينا
جلال..وليش القيته فوق راسك
انا..انسيت هاجر انها كانت معايا في السياره هوا جاي يطمن عليها ممكن لخبط في الغرف مش موضوعي هذا
جلال..سكت وبحت في نور
انا...مافيش نصيب بيني وبينك والجهاز اللي مسكته وفتشته وشفت خصوصياتي معش يلزمني وعزقته علي طول يدي جا كل طرف ف تركينه
جلال..يبحت في الجهاز مش مصدق ردت فعلي
انا..خاشه توا نكلم جنات وجمانه اليوم مش ح نحكي لعمي لانا عندهم مشوار هوا وباتك بكرا نحكيله وبرمت وخشيت والضحكه علي فمي تحساب روحك شاطر غير انت ياكونان 🥰
جلال..واقف في مكانه ويبحت في نور منذهل صدق كلامها برغم كلام نور كله كذب وشن الشي اللي جبرها علي انها تكذب كذبه هك وتجي معاها لا وردت فعلها وتكسيرت تلفونها قدامه ما يحساب عندها غيره كوم بروحه.....
هبه..طاح اسعدك شن كسرتي
انا..ههههه تلفوني خليه نين يطلع عدي لميه
هبه..وانا توا كنت نشكر فيك قدامهن هاديه ماتحبش الصوت العالي لخواته
انا..نسلح في المصليه اسسس انا نخش وانتي لمي تلفوني خشي قولي الباب دق واحد يستنا فيكن برا
هبه.كلا انتي
انا..بعد نحكيلك في ليل توا نشوف ردت فعلك
هبه..تمام
وفعلا خشيت بعدها خشت هبه بنات والله كان قعدن لكن واحد برا يستنا فيكن
جمانه..اها هذا جلال
جنات..هيا قبل مايفصل علينا
انا..مش عارفه في وقتها انحس في روحي انتصرت عليه
وسلمت عليهن طلعن مرعوشات خيفات منه يهزب عشان تاخرن
ومشا اليوم عادي مشت عمتي وعمي لهل ماهر ومعاهم عمتي حواء وراجلها وكان استقبال هل ماهر لهم والعشاء جت عمتي تحكي فيه لنا وهاجر بطير م الفرحه
وفي ليل كسدت انا وهبه حكيتلها علي كل شي صار امعايا وهيا مره تضحك ومره تبكي اما هاجر هايمه مع ماهر سهاري وحب وغرام
اما جنات وجمانه طول الليل يحكن علينا واستقبالهن وجونا معاهن كانن فرحانات بينا بكل
ساره..معطينها مهدء حاولت ام محمد غزاله تحكي معاها بس هيا ارفضت كل م تسمع ب اسمها ايسيرلها انهيار وتفقد وعيها وكل يحسابوها عشان ياسين ويهدو فبها ع انا يتحسن قاعده معاها هيام
وام ياسين وخواته فرحانات بيطيرن م الفرحه علي ياسين اللي فتح اعيونه وطمنن عليه
جلال..في يومها كملها في الجناح الرياضه فوق تفكيره يجيبه ويوديه ننهيها قبل ماتبدا ولانكمل مع نور نحس فيها تكذب بس لوتكذب كانت ماتبررلي ولاتكسر تلفونها وهيا ساكنه تبيه فتح الابتوب ويتفرج علي صور نور اللي حملهن فيه
___
مر اسبوعين..مافيش اي احداث
انا..فكيت الخياطه واثر الجروح يخفن من جسمي
هادي رد لشغل مع فرج
ياسين طلعوه للقسم وبدا يتحسن
هيام..تعالي بس نحنا وصلنا وصلنا خلينا نتكو اندير تحليل
ساره..درت تست مافي شي
هيام..بس التست مرات يطلع سلبي وهوا موجب
ساره..اوووف هيام مش دايره
هيام..علي كيفك تستفرغي واجد مش طايقه حد الدوره متاخره هذين اعراض حمل واضح
ساره..مش مصدقتني صاح هيا
هيام..اهو متخبر
سحبت دم
هيام..نشوفو فيه حمل اول لا
الممرضه..تمام ردي بعد اشوي باسم من
هيام..ساره ادريس
الممرضه..تمام
ومشت ساره وهيام ل ياسين
ساره..شن داير
ياسين...اكويس
ام.ياسين..ساره صارلها انهيار بعد سمعت اللي صار فيك
ياسين..بحت في ساره ودار وجه لجيها لاخره
ساره..ولاكأنها اسمعت شي اصلا لاتفكر فيه ولا شاغلها عايشه جسم بلا روح معاه بعد كلام اخت محمد لها
____ليس كل ما في القلب يُحكى فبعض الصّمت أجمل.... Ñř Ŕóhã✍
جمال..في مكتبه يفكر ليش باته م قاله الناجي قاله مافيش نصيب معناها نور مش حكيتله باهي ليش نور ماحكتله نكلمها باهي ماكسرت تلفونها نرن عليها برقم بنت عمها
#مازلت نقول طيب جلال😂
رن عليها ونور ادير بالمبرد اضافرها واخيرااا اتصلت بس مش ح نرد
هاجر..انوير عندك ايلاينر
انا..عندي
هاجر..وينه
انا..هنا عندك في اول بوكس حاطته
هاحر..كنك تضحكي مع روحك
انا.. لا
هاجر..لاتضحكي
انا..مرات تفصلي عليا كان حكيت
هاجر.معناها حاجه شوري
انا..يعني شوري بس غيرت فيها درتها شورك ههههه
هاجر..لا احكي وتوا اخرا
انا...رن جلال يوم اللي جن ....................
هاجر...فاتحه فمها تحكي جديااات انتي
انا..ميته ضحك مافيش حل الا هك
هاجر.هههههههه طاح اسعدك يامفتريه ليش درتي هك
انا..هههههه الحاجه الوحيده اللي مش عارفه ليش درته وتوا هاكي ردي عليه
هاجر..يرن
انا..اهاا
هاجر..لاااا فكيني منه نخاف منه
انا..ماانا قتله رقمك جهازي كسرته قدامه استريني هيا ردي
هاجر..هاتي احممممممم احممممممم افتحت وفتحت السبيكر الو
جلال .ايوااا نور معايا
هاجر..من انت
جلال..انا جلال
هاجر..اها اهلين
جلال..كان نور يلاك عطيها ليا
هاجر...نور جهازها طاح منها تكسر وهيا توا عند صحبتها
انا..نبحت فيها وفارطه ضحك
جلال..من امتي
هاجر.لها ساعه هك
جلال..مع من عدت
هاجر..كعابي مش بيعد منا اقريب
جلال...كيييف
هاجر...دارت الكتم يمييييي يخوف
الو شن قلت
جلال..عدت علي كرعيها قصدك
هاجر..اكيد مش اطيران
جلال. بدون رد فعل صكر في وجها
انا...هنا ضحكتي معش قدرت نمسكها طحت ع جنبي وووووه عليا بطني تخيلت روحي وانا انطير ياحقيره
هاجر..هههههههه اللهي نقوله كعابي ها املا بطيري
جلال..لااو واخذا راحتها اخره مش مدوره شي
خذا تلفونه ومفاتيحه ودخانه ونزل
_____
الدكتور..شن تحس روحك
ياسين..الم بعد يحول المسكن
الدكتور..حتي هوا كسر
ياسين..امتي نطلع
الدكتور.مازال
ياسين..لانبي ندير خروج ونطلع
الدكتور..من يهتم ببك
ام.ياسين..هوا م يقدرش شقته عاليه يقعد عندي نهتم بيه من اعيوني لاثنين
هيام ..ديري اي لقطه قدام امه
ساره..تبي تهتم بيه خليها تهتم
الممرضه..ساره ادريس
هيام..عيب
ساره..مش شورك
مها...ساره الممرضه تسال عليك
ساره..انا
مها..اها اهيا جت
الممرضه..ساره ادريس هنا
ساره..انا تفضلي
الممرضه..مدتلها الضرف النتيجه موجبه مبروك في
حمل..........#يتبع
اسفه لو في لخبطه في الاسماء
انشالله تنال #اعجابكم اطول حلقه نكتبها بكرا مش ح نزل عندي ضرف بعد بكرا انزل حلقتين انعوضكن في بكرا رايكم في الحلقه
#انتظروووني_في_الحلقه_الثالثه_عشر
#ديرن متابعه لصفحتي عشان كل مانزل توصلاكن❤ ✍
