#قطعه_مني
#الحلقه_الخامسه
#بقلم Ñř Ŕóhã
ما دام هناك حلمٌ وصبرٌ وأمل حتماً ستُزهرُ الأحلام ذات يوم 🤍✨...
الممرضه..طلعت
عمي..يابنتي طمنيني علي بنتي نور اللي يخش معش يطلع
الممرضه..خلفتلكم البركه....
هاجر...وعت طاااايرة نوووور
الممرضه...جت تجري
هاجر..نور ماتت صاح😭
الممرضه...والله اكويسه هدي بس انتي
هاجر..نبي نشوفها انا توا ليش ماجابوها جنبي كان اكويسه هيا مش اكويسه
الممرضه..وضعها اكويس انتي تحلمي شكلك كنتي
هاجر...سعديني
الممرضه...انتي مازلتي مريضه
هاجر...توا نساعد روحي بروحي ااااه
______
فرج..شن داير
هادي .اكويس الحمدلله شن صار في نور
فرج..انشاءالله اكويسه
هادي ..طلعت
فرج..لامازال
هادي..كلا مني انا
فرج..شن صار
هادي...بدا يحكي طلعنا من حوش.........
فرج...نصيب جت في الحديد ساهل
هادي..شن صار في السيارة اللي خشيت فيها انشالله مش متضررين
فرج..الشاب ومعاه اخته اخته ماعلموها الا توا انها معاه في سياره كان جايبها من الشغل هك سمعت هلها ياما صار فيهم مساكين
هادي..وشن صار فيهم
فرج..شوف اللي نهايه السرير
هادي..دوبا التفت حتي هوا داير الشده وينه
فرج..ياماهر
ماهر..رفع يده الحمدلله علي السلامه
هادي..دوبا رفع يده الله يسلمك سامحني قبل ضريتكم
ماهر..كل شي نصيب اهم شي مانضر حد فيكم
هادي..الحمدلله
هاجر...ااا دوبها تمشي هاااادي
فرج..شن جابك انتي
هاجر..مش قادره نمشي من كراعي
فرج..نبي نلقاها من منْ نعاني في عيال
الممرضه..وحلت فيها
فرج...تمام بارك الله فيك
هاجر..هادي😭انت اكويس
هادي..يحاول يسقم قعدته تعالي يالهبله ههه اكويس مافيا شي
هاجر..يساعد فيها فرج لعند وصلت هادي حضناته
هادي....حضنها حضن قوي كان خايف يخسرها ويكون السبب
هاجر..ااااه بشويا العمود الفقري مركب تركيب
فرج&هادي&هههههههه
هاجر..ههه اااي نحكي جد جسمي متكسر
هادي..وجك الوان قعد
هاجر..ماالبركه فيك والله وصلته لهكي انا سمحه من غادي يابال قعد الوان
ماهر..ضحك ودار وجه غادي
فرج&هادي..هههههههه
هاجر..واللهي ختمه الجوده
فرج..ههههه اسس عيب الشاب اللي خشين فيه قاعد هنا
هاجر..صاح وينه والتفتت داير وجه علي الساس
هادي..واخذ مسكنات
هاجر..شن صار في نور حلمت حلم شيين انها طلعت الممرضه قالت خلفتلكم البركه و
هادي..ااسسسس تحركي من مكانك بعد فتحت اعيوني اذكرت كلامها اللي قالته
هاجر...كيفك😭حتي انا بعد قالو اكثر وحده متضرره جا في بالي طول قاطع كلامها الدكتور
الدكتور...عفوا انتي مش اللي كنتي في الحادث
هاجر..تمسح في دموعها اها انا
الدكتور..كيف تطلعي من سريرك وانتي بالوضع هذا
هاجر..كنت مشغوله علي خيي جسمي بس نحس فيه متكسر ويدي اشوي الم
الدكتور...خوك تشوفي فيه اكويس ردي لي مكانك تواا... ياصالحه
الممرضه...نعم دكتور
الدكتور..سعديها ترد لمكانها شن الفوضه هذي
هادي.صاح انااكويس الحمدلله كيف ماتشوفي عدي ياهاجر بعدها هذا قسم رجال
فرج..ردي لسريرك لعند مايديرلكم خروج
هاجر..خلاص ماشيه بدون ماتطردوني😭جسمي متكسر ااااي
الممرضه..جت تساعد فيها
هادي..قتلك عارفه من شنو
هاجر.. وقفت ولتفتت شنو
هاجر..من كلامك في سيارة علي البنت وضحكك
هاجر..هههه ماتذكرنيش واللهي وطلعت تعشم
هادي..خلاص عدي ههه
هاجر..عينك منه فروجه
ماهر..دكتوررررر
الدكتور.. نعم جيتك
هادي..شوفه يافرج
هاجر.. وقفت الصوت التفتت
الدكتور..جيتك شن تحس
ماهر..اكراعي شوفلي راي
الدكتور..طبيعي اتألم عندك كسر
ماهر..والراي عطيني مسكنات اي افاري من عندك نبي نطلع
هاجر... ماهر اللي خشينا فيه ماهر هوا صوته
الدكتور.. وخر ياصالحه
هاجر..جت عينها في عين ماهر
_____
جلال...زمر اي والله زمر تقول دازه لجنوب اووووف
عبدالفتاح..جلال انا نبي نروح مش واخذ دواء الضغط
جلال..تمام ياباتي كون هاني نشوفهم ومروح حتي انا
عبدالفتاح...كيف مروح خليك قاعد
جلال..االجو تمام
عبدالفتاح..ماتخليها وصا ياجلوله
جلال..تمام حاضر كان هك نوصلك
عبدالفتاح..لالا هنيني عليهم
وطلع عبدالفتاح وتوجه لحوشه
جلال..يبرم في الممر وراقيله لعند م طلع الدكتور..
د.عبدالروؤف..عطلتك
جلال..ولايهمك شن الأمور
د.عبدالروؤف..امورها تمام ومش مستحقه للعمليه وفحصتها بروحي توا مازالت تحت تأثير البنج راقده
جلال...نقدر نشوفها
د.عبدالروؤف...صعب اشوي لانا متشددين علي العنايه
جلال..مش حنطول نشوفها من بعيد
د.عبدالروؤف...مش هنا...؟ تطلع انت حتي هلها يبو يشوفوها وهي ممنوع
جلال..مايسير شي يعني
د.عبدالروؤف..تعال معاي بس خمس دقائق ومن بعيد
خشو للعنايه
د.عبدالروؤف..البس هذين
جلال..عليش
د.عبدالروؤف..هذين تعقيم ولبس هذا فوق دبشك وقلافس وكمامه
جلال..لامش ضروري لاني مش خاش جوا من بعيد حط البالطو علي رقبته ولبس الكمامه
د.عبدالروؤف..🙄 من هنا اول غرفه
جلال...تم
خش جلال وفتح الباب لقاء دكتور ومعاه مجموعه طلبه مصبي علي راس نور يبعد في شعرها ويفتح في عيونها
جلال...قلبه نااار
الدكتور..التفت من انت طالب
جلال...خطيبتي نشوف فيها يابركه فيش اتفتش وشن هذوم اللي معاك
الدكتور..من سمحلك اتخش بما انك مش طالب
جلال...مش شورك المهم خشيت
وصوت علاء
د.عبدالروؤف..فتح الباب جلال كيف صار مش اتفاقنا نعتذر منك د.محمد
د.محمد..من امتي الزوار يخشو للعنايه يادكتور
جلال..توا انت اطلع برا وخوذ علمهم بعيد عنها خير مايسير شي مايعجبك مني ورافع يده في وجه الدكتور ومش شورك بالباقي
الطالبه..خافو كل اشوي طالع واحد قعد الدكتور
د.محمد..انت يااستاذ اللي اطلع ولانكلم الأمن
جلال..انخاف توا انا نمشي نرفع قضيه وانا اللي نمسكها بكوني محقق بأنك قلت عندها نزيف وهيا مافيش نزيف اصلا بس عشان تخش للعمليات وتعلم فيها وتعلم الطلبه الأمتياز ونفصلك من شغلك ف خليك اكويس معاي واطلع ومعش اتقرب منها توا نستدعي دكتوره تشرف علي حالتها
د.محمد..انا طالع لكن طالع للأمن
جلال..اربح
د.عبدالروؤف...وسع بالك يادكتور سوء تفاهم وينحل
د.محمد...طلع
د.عبدالروؤف..مش هذا اتفاقنا مش شفتها اطلع نمشي انحلها معاه قبل مايكبرها
وطلعو وقعد جلال ونور بس😉
جلال...يشوف في الوجه الملاك اللي راقد وراسها اللي لفينا لها بشاش ولصقه ودم اللي واضح وجروحه اللي علي وجها ويديها والاجهزه اللي علقينهن عليها
ويدها اللي لفينها لها
جلال..قرب باهي ليش مش مغطين شعرك النم لتفت اي شي يغطي شعرهك لقا طقيه متاع العمليات لبسها لها
جلال...يخبط علي وجها نور هي نوضي نوووور 👋👋👋👋اووووف تي هيا جو متاع تقعديلي هنا وكل حد يتلمس جو هذا انا مايمشي معاي
نور..دوبها اطلع في صوت م م م
جلال..شن
نور..م م م و وتقلب في اعيونها
جلال...👋👋افتحي اعيونك قرب من فمها شن تقولي
نور...م م ييي ه
جلال..ميه
نور.تفتح وتغمض تفتح وتغمض
جلال...👋👋تشوفي فيا
نور...اااااه اااااه وتفتح وتغمض تشوف في صورة مشوشه
د.عبدالروؤف...جلال تفضل هيا خلاص
جلال...وعت تبي ميه
د.عبدالروؤف...هيا مش واعيه مازالت تحت تأثير البنج
جلال...يعني ماتطلعش اليوم
د.عبدالروؤف..وين تطلع غير توعا قبل
جلال..تم لكن توا نشوف دكتورة تشرف علي حالاتها طلع وطلع معاه .عبدالروؤف
د.عبدالروؤف..هوا دكتورها من الاول هوا اللي عارف حالتها
جلال...لاصاح قبل اشوي كان يبي يخششها لعمليات وهيا مافيها شي
د.عبدالروؤف..جلال لوسحمت انت عارف انا الوضع مايسمح انا لقو دكتور شاطر
جلال...وين الشطاره ماشفتهاش شفت مجزرة صاح يعني كان انت ماشفت حالتها راهي توا يعلم في الطلاب عليهاا
د.عبدالروؤف..لاحول ولاقوه الا بالله باهي انت عليش تفاعلت ممكن نعرف
جلال..الجو تمام طالع لكن نلقاه فوق راسها حيسير فيها كلام ثاني
د.عبدالروؤف..تفضل جلال
______
امنه...مرحبا جيت
عبدالفتاح...جيت عطيني دواء الضغط
امنه...انشاءالله ماخذينه
عبدالفتاح...لاوالله نسيته
امنه...معش تنساه يافتوحه
عبدالفتاح...انشغلت عليهم طلعت طول
امنه...شن صار في كنتنا وعيال عمها
عبدالفتاح...والله الدكتور قال هيا اكثر حد متضرر في الحادثين سيبت جلال يخش الدكتور عليها يقوله شن وضعها
امنه...معناها اكيد طالع نرن عليه
عبدالفتاح..مديلي اميه
امنه...تفضل نرن عليه ولانخليها اشوي
عبدالفتاح..رني عليه
امنه...خذيت تلفونها وبدت ترن
بس الرقم مقفل
______
سارة....من قالها لك
هيام...والله منزلينهم علي النت
سارة..ممكن مش هما
هيام...منزلين اسمائهم وكانو منزلين يبو فصيله O-
المستشفي
سارة...فصيلت نور هذي
سارة...نور ماتت ولالا
هيام..مش عارفه انشاءالله مايطلع فيها شي لكن السيارات كارثه دزيتهن لك شوفيهن
سارة...كلمي بنت عمتي هناء اكيد تمسك في المستشفي تقول صاح اولا
هيام...ضميرك يأنب فيك
سارة..لاوالله نور نبيها تطلع من حياتي اليوم قبل بكرا
هيام...انتي وحده مريضه نفسيا سارة درتي العار وخذيتي حبيبها منها
سارة..حبيبها ربي كاتبه ليا مش ليها
هيام..نبي نكلم هناء نطمن عليها تعز عليا واجد نور ماشفت منها الاكل خير
سارة...في اي مستشفي قاعده
هيام...يهمك
سارة..تبي تقولي ولانعرف بطريقتي
هيام...مستشفي..........منزلينها علي صفحتهم
سارة...عرب برزقهم يحطوها في مستشفي خاربه
هيام..مش شورهم اللي سعفوهم حطوهم في اقرب مستشفي
سارة..اوكي كان نور ماتت رني علي كان لا فوتيني نمشي نلها حبيبي قبل مايشوف خبر نور
ياسين...رد لسريره ورقد
هيام...ربي يكون في عونه اللي انتي زوجته
سارة..صكرت في وجهها
_____
جلال...قاعد في الممر يديه في جيوبه وراقيله
لعند ماجوه الامن
الشرطي...انت جلال
جلال..كان سخر الله تفضل
الشرطي..تفضل معانا
جلال..انت اللي تفضل معاي معاك المحقق جلال..........
الشرطي...ياافندي الدكتور متهمك
جلال..شوري توا ننهيها انا ولاتبوني نكبرها
د.عبدالروؤف..جلال
جلال...التفت
د.عبدالروؤف..جلال قتلك ماتكبرها انا انت توا حطيتني انا في موقف محرج
جلال...شن فيه
د.عبدالروؤف...مبلغ فيا حتي انا
جلال...عدي شوف شغلك توا نشوفه وينه هو
د.عبدالروؤف..في مكتبه
جلال...تم
د.عبدالروؤف...وال يشير بحواجبه علي الشرطي
جلال...انت تربح والباقي شوري والاخ هذا تفاهمت معاه
الشرطي..انا جيت انفذ في مهمتي ياافندي
جلال...خلاص انا توا نجي لعندكم انتو اي مركز
الشرطي...مركز..........
جلال...تم اربح وقول اللي قتلك عليه
الشرطه..تمام
د.عبدالروؤف...وشن يسير في الدكتور
جلال...خلاص فوته انت عدي لشغلك
د.عبدالروؤف...بس
جلال...يوووووه علينا قلت تم ماحد يجيبك في قصه خلاااص اربح
د.عبدالروؤف..تمام وعدا
جلال...مسك تلفونه ويدور في رقم
يررررن يررررن بعد ثالث مكالمه
المتصل...الوو
جلال...ايوا
المتصل...تفضل من امعاي
جلال...انا المحقق جلال معاي ناصر
المتصل...مرحبا جلال
جلال...نبيك تنهيلي ورقه توا
المتصل...مايهمك شي اي خدمه
جلال..تسلم نبيك تكتب .....................
المتصل...اليوم تبيها
جلال...تكملها طول دزها ليا قاعد في المستشفي
المتصل...تمام
جلال...سلام وصكر وطلع برا يدخن
بدا يدخن بأستمرار يكمل طرف ياخذ اللي بعده وكانه يفش في غله
وصورة نور بين اعيونه وكيف الدكتور يبعد في شعرها عشان يشوف في اعيونها اووووووف امتي تطلع كان قعدت تبدا مشكله
______بقلم Ñř Ŕóhã
: تحيط بنا الهزائم ولكن ما ولدنا لِنُهزم 💜
____
سارة...اسو
ياسين..التفتت انا قتلك انا الاسم هذا معش اتقوليه
سارة...هيا حبيبي نوووض
ياسين...بعد الغطا من عليه وخذا ادبشه وخش يدوش
سارة...انجي معاك
ياسين...خبط الباب في وجها
سارة...اوووف ضروري مانسيه ضروري توا تعرقلي حياتي نور
بعد وقت طلع ياسين لابس
سارة...تقرب منه تبي تحضنه
ياسين..قتلك ماتقربيش مني
سارة...بس انا حلالك
ياسين...حلالي جا بالغلط
سارة...نسيت يومنا السمح ماكان كلامك هذا
ياسين...ياريتني متت وماجا اليوم هذا كيف ارضيتي علي روحك هك بسس
سارة...لاني انحبك سلمت روحي لك
ياسين...انتي اللي جيتيني وستغليتبني لاني في يومها كنت سكران
سارة...وانت كنت ذايب
ياسين...كنت نشوف فيك نورررر افهمي كنت نشوف فيك نوووور في يومها
سارة....خلااااااااااص خلااااااص انشاءالله تمووت نور وبدت اتكسر كل شي قدامها
ياسين..هه خذا مفاتيحه وخلها تكسر علي اقل من مهلها وطلع
سارة..انشاءالله يجيني خبر وفاتها يارب خوذها حدمرلي حيااااتي
____
ماهر...ه
هاجر...ادموعها خانوها 😭😭😭😭😭
ماهر...يشوفلها ويشوف ل فرج و هادي
ماهر..الالم اللي كان يبي يقتله ف ثانيه حس روحه ولاكأنه فيه شي
هاجر...اعيونها في اعيونه وكأنهم يختصرو في الكلام بالنظرات ودموعها ماوقفو
الممرضه...تفضلي
هاجر..مشت خلت قلبها مع ماهر لعند ماحطتها في سريرها الممرضه
هاجر...يعني ماهر امس هوا اللي دار الحادث معانا 😭
خشت مبروكه...تبكي ابنيتي
هاجر...حضتنها 😭
مبروكه...الحمدلله اللي شفتكم اكويسين
مبروكه...شن تحسي في روحك
هاجر...اكويسه الحمدلله وهن يهدرزن
خشو سرير جنبي في وحده في عمر العشرينات
وبعد اشوي خشو هلها امها واخواتها وشكله بوهم
مبروكه...جوري البسي وشاحك
هاجر.. حطت وشاحها
الممرضه...عطيني يدك
هاجر..عليش
الممرضه..نشوفلك الضغط
هاجر..مدت يدها
الممرضه...مرتفع
ام البنت...السلام عليكم
مبروكه...وعليكم السلام الحمدلله علي سلامتها
ام البنت..الله يسلمك شن دايرا ابنيتك
مبروكه..لاالحمدلله اكويسه
ام.البنت...باهي الحمدلله ربي يطمنكم علي الباقي
مبروكه...يارب لاباس علي ابنيتك
ام البنت...بنتي ولاء كانت مع خوها في سيارة دايرين حادث
هاجر..تبحت
مبروكه...قصدك الحادث اللي اليوم..
ام البنت...اها
مبروكه...اها اوليدي خاش فيكم و.............
ام البنت...الحمدلله علي سلامتهم كلهم جا في الحديد ساهل اهم شي هم ماصارلهم شي حتي ماهر اوليدي اكويس كنت عندا وشفت اوليدك الحمدلله بخير كلهم
هاجر..🥺ام ماهر جميلة بكل
عايله كيكه ياربي
_______
هادي...باتي وين
فرج...قالي طالع توا نجي
هادي..شوفه
فرج...توا نشوفه طالع
هادي...عينك منه توا يقعد يفكر يرتفع السكر خطرها علي السكر شوفه له
فرج...تمام طالع واي شي رن علي
هادي...تمام
___
جلال...قاعد يفكر مع رنت تلفونه
جلال...فتح ايوا
ناصر...وينك انا يلا المستشفي
جلال...التفت اها شفتك توا نجيك
ومشي جلال خذا الأوراق وعدا ناصر وجلال خش لقا عمي يمشي في الممر وكان يبكي من اعيونه
جلال...عمي
عمي.التفت مرحبا
جلال...الدكتور طمنا مش دايرين عمليه
عمي..بشرك بالخير الحمدلله ياربي اللي استجبت بدعائ
جلال..انا عندي مشوار
عمي..نبي نشوف هادي وهاجر
جلال..تمام
فرج...باتي
عمي..شن داير خوك
فرج..اكويس وين كنت
عمي..في المقبرة
فرج...سسسكت عارف بعد يضايق يمشي يزور عمه لانا كان اقرب حد له
____
جلال..فتح الباب
الدكتور...شنو قلت الادب فيه احترام
جلال...مش تهديد لكن عندك اختيارين
الدكتور...في قوانين في المستشفي احترمهن مهما كنت انت من
جلال...مانرجاش فيك اتوريني الاحترام
الدكتور..انت ماازلت واقف هنا كيف ماجاك بلاغ
جلال..والله لاني سارق ولاني نتعلم علي المرضه
عندك اختيارين الأول حط الورقه علي المكتب
الدكتور...خذا الورقه وبدا يقرا
جلال...يتأمل في المكتب
الدكتور..هذا تنازل
جلال...اها
الدكتور...لالامستحيل انتنازل
جلال..معناها نعطيك الخيار الثاتي مدله الورقه
الدكتور...بدا يقرااا ومصدوم
جلال...شن قلت
الدكتور...بس انا قصدي علي النزيف كنت نبي نديرلها صوره علي الراس لانها ماوعت وو
جلال...يعني
الدكتور..انت ضلمتني في هذي
جلال...جو ضلمتني ماضلمتني انا نحكي معاك كامحقق مش جاي نشرب في شاهي في مربوعتك انا وراي شغل
الدكتور..انا مانبيش مشاكل
جلال..ولا انا
الدكتور...وقع علي التنازل
جلال...ولاكلمه خذا الورقه وطلع وخلا الورقه الثانيه عنداا
____
لقد نالَ منا التظاهر بأنّ الأمور الصغيرة لا تؤذي. Ñř Ŕóhã
______
امنه...يعني الفرح يتأجل
عبدالفتاح...مايكون الاهك
امنه...والله قبل فرحت
عبدالفتاح...فيها خيره
امنه...ربي يجيب اللي فيه الخير
______
سارة...شن صار
هيام...علي اساس شاغلتك
سارة...هيااااااام
هيام...اعصابك قاعده في العنايه مازالت ماوعت اكثر وحده متضرره هيا
سارة...انشااءالله ماتوعا انشاءالله نمشي نعزي عليها
هيام...تعيشي وتموتي نقصيه وصكرت في وجههاا
______
فاتو يومين ونور طلعت للقسم اووضعها تمام وجلال يمشي يبدل ادبشه ويدوش ويرد اخرا يشوف كل مرة طالع حد من عندها
طلع برا وبدا يدخن
عمي..جلال
جلال..ايوااا
عمي..نور اكويسه
جلال..باهي الحمدلله
عمي.خش شوفها هذي توا خطيبتك
جلال...انحرج بعد تخف توا انشوفها
عمي..تعال مافي حد غير هادي وفرج وهاجر وديتها توا
جلال..تمام
خشو للمستشفي وجلال لاضحكه ولاشي راقيله
عمي..فتح الباب
نور...تضحكككك وتخبط في يدها ع يد فرج وهادي قاعد جنبها عالسرير
جلال...جت عينها في عينه
اناا.اختفت الضحكه من علي وجي من اول مااشفته اول مرة انخاف بطريقه هذي
عمي..خش ياجلال
جلال..يديه وراه يبحت في الغرفه السراير فضيات مافي حد الا نوور
عمي.فرج ساعد هادي وديه للحوش خلاص نور اطمنت عليها اربح
هادي..الحمدلله اللي شفتها مفتحه اعيونها
جلال...عيونه في اعيون نوور الحمدلله علي سلامه
نور...تبحت فيه فيه والخوف مسيطر عليها الله يسلمك اتنزل اعيونها وتبحت اخرا تلقاه نفس النظرة اللي تخوف
هادي..انوير تبي شي
انا...سلامتك خنقتها العبرة
فرج..باس راس نور نوصل هادي وراد تبي شي
انا....لالاسلامتك
هادي..يسند في روحه باس راس نور
جلال....ناااار الغيرة في قلبه اووف ويقلب في اعيونه بملل
وطللعو فرج.ساند هادي عليه وطلعو
عمي..خوذو راحتكم
انا..وين طالع عمي
جلال..بحت في نور
عمي..هذا خطيبك وحيكون راجلك اقريب
اناا...بحتت في عمي وعيوني خذني ل جلال
عمي..انا طالع
جلال...بحت الباب لعند ماعمي طلع طلع يده من جيبه وحركه سريعه مسح شعره وردها اخري و وقرب من الروشن
انا...انبحت وبعد يبحت انطبس
جلال...الحمدلله علي سلامتك
انا..شكرا
جلال..مسكاته الضحكه عارفها خايفه
جلال...نبي نسألك
انا.بحتت فيه 🥺
جلال...اي حد يقرب منك عادي عندك
انا...عيني في عينه شن قصدك
جلال...قرب منها
انا...لوسمحت بعد انا مريضه
جلال...يعني تبويس واحضان عادي
انا...علي هادي وفرج
جلال...في حد غيرهم
انا...اطلع برا🥺شن تحسابني انا
جلال...سألت جاوبي
انا..اعيال عمي وخوتي واصغر مني شن التخلف هذا
جلال...انتي قلتيها اعيال عمي
انا..كيف خوتي
جلال...النم هذا مايمشيش معاي
انا..اوكي مش ضروري يمشي معاك
جلال...قرب بزياده شنو
انا..غمضت اعيوني كيف ماسمعت
جلال...لاوضحي استوعابي بطيئ
انا...يعني معش تكمل معاي انا نحضنهم ونبوسهم عادي انت مايمشيش معاك خلاص قول لعمي معش نبيها
جلال...بالعناد هيا
انا...عمري مادرت شي بالعناد بس هذا اللي عندي
جلال...الفرح في موعده
انا...بحتت فيه شنو
جلال...كيف ماسمعتي
انا...جلال انت عارف اني رديت من الموت نبي انتريح صاح كل شي بدون رغبتي بس الحاجه هذي خليها برغمي اقل شي نكون اكويسه وشاده روحي
جلال...بحت فيها بنص عين امتي تبيه
انا...اقل شي بعد سنه حتي انتعرف عليك اكثر
جلال....هههه تحلمي
انا..ياريت اللي عشته هذا يكون حلم
ممكن تخليني اشوي انتريح
جلال...الشهر الجاي
انا..جلال
جلال..بحت
انا...نبي انتريح
جلال..من شورك
انا..نبي نرقد
جلال..ارقدي
انا...اطلع
جلال..راهو انخلي الفرح في الموعد
انا...ههههه
جلال..طلع وقلبه ينبض بسرعه رهيبه من ضحكتهاا بس نفس النظرة لاضحكه لاشي
ونور تكذب مش نعسانه ولا شي غير خافت من نظراته وكلامه
____
وفات الوقت مافيش اي احداث جديده جلال قاعد وكل اشوي يخش يطمن عليها
هادي وهاجر وضعهم احسن
امنه وعبدالفتاح حايسين مش عارفين الفرح يتأجل او لا
مبروكه...كل اشوي جاي حد يحمدلها علي السلامه كلمت بنات اختها يعوننها علي الضيافه هاجر في دارها
وفرج مش ملحق وحايس بين الحوش والمستشفي
هادي..في داره راقد
سارة..لمت كل شي كسراته ونظمت جوها لبست وترجا في ياسين يجي عشان تفوت ليله سمحه بس مع الاسف ياسين ماجاها ورقدت ودمعتها ع خدها وهيا علي امل يجي كيف كل مرة
ياسين...واقف يلا المستشفي حاير ينزل او لا اخر شي قال ننزل
فرج..جبتلك سندوتشات وعصاير تعبناك معانا
جلال...الجو تمام نبي قهوه ساده
فرج...نلقاني ماجبت توا نمشي نجيبلك
جلال...لالانمشي نجيب انا
وكانت سبله عشان يشوف نور
وسيب فرج ياكل وخش
وصل الباب الغرفه مردود في حد واقف علي راس نور ونور رقده
جلال..من انت
ياسين..تفضل
جلال..انت اللي تفضل مراتي اللي قاعد علي راسها
ياسين..ملخبط في الغرف اسف
جلال...اطلع برااااا
انا...دوبني فتحت اعيوني وبحتت
يا.. وبحتت في جلال
ياسين..سامحنا ملخبطين
جلال...براااا يلااا
انا...خانوني ادموعي ياسين......#يتبع
______
اسفه لو في لخبطه في الاسماء
انشالله تنال #اعجابكم
#انتظروووني_في_الحلقه_السادسه
#ديرن متابعه لصفحتي عشان كل مانزل يجيكن #اشعار❤ ✍
