#قطعه_مني
#الحلقه_الثامنه_والثلاثون
#بقلم Ñř Ŕóhã ✍
ربما أراد الله لك أن تمر بتلك الأزمات.. حتى تتذوق فرجه وجبره لك بعد العُسر يُسر❤
انا..دموعي ينزلن ونرعش جلال وينه
عبدالفتاح..مسك يدي وسعي بالك نور جانا خبر جلال انخطف.
انا..نشوف لعمي عبدالفتاح كيف يعني انخطف
عمي..نور
انا..نشوف لعمي كيف انخطف
هما الاثنين مسكين ايديا ويحكو
انا..فكيت ايديا بهستريه لالا هوا وعدني انا مش ح يسيرلا شي عمي مش ح يموت جلال
عبدالفتاح...وسعي بالك
انا..وينه جلال اندف فيهم لا اكيد يتريض فوق ركبت الدروج اللي صعب نركبهن في ثانيه كنت فوق
عمي..نور
انا...جلاااااال
هبه..وراي
انا..فتحت الباب كانن الضويا طفيات نولع فيهن كيف الهبله جلال جلال
هبه..نونا انزلي مش قاعد
انا..جلاااال اطلع امس كنت معايا عارفني مريضه مانتحمل الصدمات جلاااال
هناء..تبكي نور
انا..وخرن مافيش وحده تحضني تهسترت
نزلت مالدروج
هبه..نونا بشويش انتي حامل
انا..عمي عمي جلال امس كان معايا كيف انخطف كيف
عبدالفتاح...امس دزو عليه في ليل تحقيق
انا..لالامستحيل اتسير فيه حاجه عمي
عبدالفتاح. يابنتي انفسك اعلا منك هدي بس توا نلقوه
انا..لالااليوم يجيني سيبتهم مشيت لداري خذيت تلفوني نرن عليه قعد يرن
انا..بفرحه عمي عمي فتح تلفونه
عبدالفتاح..يشوفلي
انا..اها فصل عودت يرن
عبدالفتاح..تلفونه مع جمال لقوه في السياره
انا..طحت علي الوطا لالا هوا توا يجي معش قدرت انتنفس
هبه..ماسكه شاهين ومنهاره بكا طبست عليا نونا انشالله يروح طيب
انا..يهددو فيا بيه مش ح يخلوه يروحلي طيييب
عبدالفتاح..كيف
انا.نحكي وناخذ في نفس..............
عبدالفتاح...مسك تلفونه ونزل لحقه عمي
انا..ايديا علي راسي لاجلال ماديريش فيا هكي لا لمن خليتها نور ياربي انا ندعيلك تحميه ليا ياربي ياربي انا عمري ماقصرت معاك لافي دعاء ولاصلاه ياربي انحرمت من هلي وانا صغيره ماتحرم اعياله منا يااااااربي انا انا ياربي كيف نبي نعيش بلاه ياربي خوذني انا وخليه ياربي ماتختبر صبري فيا
جعفر...يمسح في دموعه خلاص نور هيا انزلي لوطا
انا..مش طالعه ح يجيني جلال توا يجي ينزلن ادموعي كيف ح يخلوه بسهوله ياربي بعد اللي نقرا فيه كل صبح
شاهين..فك يد هبه جاني حضني
انا..حي علينا ياشيهو كان صارت فيه حاجه حضنته ونبكي
امنه..نزلت عليا مانبيش نبكي عشان مانبيش انتفاول عليه جلال ح يروح يانور ويكونن كلهن ذكريات تحكيلهن لعيالك
انا..امس رقد معانا وعيت مالقيتاش ليش ماوعيت وفطنتلا بعد طلع انشالله نموت كيف مافطنتلااااااا
عمتي..لالايانور ماتدعيش علي روحك
جت ساعه12انا مازلت فم الباب ادموعي ماكفو والكل جنبي يسكت فيا
عبدالفتاح..نور
انا..نشوفله
عبدالفتاح..هيا سلم باتي انزلي لوطا
انا..ايجي جلال
عبدالفتاح..ح يجي
انا..وعد
عبدالفتاح..كلمه هيا نور خلاص انزلي
نزلت لوطا معاهم
مش ح يحس بشعوري الا اللي مجرب الفقد الناس اتخش وتطلع مرات تسمعي الكلمه اللي تقسمك اثنين واحد يعلي والاخر يوطي بس مش وقت اتردي نفسيتي صفر الحوش تعبا ناس اقارب اصحاب جلال برا الشارع اصكر من السيارات عزا بس مافيش اخيام هكي كان في يومها
جت الساعه6المغرب
امنه..نور عدي تريحي
انا..مش ماشيه نين ايجي جلال قعدت كيف اللي فاقده عقلها اعيوني ديرات اكياس من الصبح عالقه ابكا صوتي راح شاهين حايس مايبي حد غيري جت هاجر من برا تبكي وراها ساجده ونرجس
هاجر..حضنتني ينعلي يانور توا كيف سمعتها
انا..حي علي يانور
هبه..تمسح في دموعها ماتقوليش هكي نونا توا يجي
انا..مش ح يخلوه بسهوله
هبه..مش انتي ديما تقولي بعد نفقدو الامل صلي وادعي ل ربي مش تقولي ربي يحب العبد الحوح عدي توضي وصلي ودعي ربي
بنات..عمام جلال حيسات في الضيافه والصبايا هدريز عالم مش فاضيلي بكل ولا شاغله خطفت جلال
انا..هيا شيهو نمشو لحوشنا
امنه..وين ماشيه
انا..لشقتي توا يجي جلال مايلقاناش يدير يوم
امنه..نور انتي اكويسه
انا..اها نمشي نرقد شيهو
امنه..خشي لداره هنا ارقدي
انا..لالافوق مانبيش زحمه
امنه..بس اللي يجي يسأل عليك
انا..نحكي ادموعي ينزلن سخنات مانبيش حد ولانشوف حد نبي جلال وبس ركبت انا وشيهو
هبه..نمشي معاك
انا..لالا
هاجر..ضروري وحده تكون معاك
انا..نركب وشايله شيهو انسيت الحمل ونسيت الخطر عليا انسيت كل شي انفكر في حاجه وحده جلال وينه يعذبو فيه يوكلو فيه يشربو فيه يعاملو فيه معامله اكويسه ولالا ركبت وصكرت الباب بالمفتاح وخشيت رقدت شيهو كان ناعس
شاهين..نول
انا..دموعي ماوقفو روحها
شاهين..ابي نني
انا..انديرلك حليب
شاهين..نبيس مميت
انا..باهي روحي صحه حضنته ودموعي ماقدرت نوقفهن مجرد تفكير اني معش انشوفه ماقدرتش نستوعبها ماقدرتش شفت ل شاهين لقيته راقد صبيت توضيت ولبست المصليه وتوجهت القبله جمعت الظهر والعصر والمغرب في كل سجده دموعي ينزلن ما قدرتش نوقفهن ونفسي اللي عاالي
رفعت ايديا'.يارب مالياش غيرك ندعيلا ياربي احميه ليا ياربي مش عارفه شن ندعي يدي علي وجهي ياربي مش قادره نستوعب ياربي كيف الوقت هذا كان معايا يارب ردا ليا يارب ماتحرم اعياله منه
مع طقت الباب
انا...جلال صبيت من
جمال..نور انا جمال افتحي
انا..فتحت بالمفتاح وفتحت الباب جمال معاه هبه
جمال..نور
انا..تفضلو
جمال..تعالي نبي نحكي معاك في كلمتين
انا..خشو
هبه..ماسكه يدي
خشينا لصاله والباب مفتوح مصدرنا
هبه..قعمزي
انا..قعمزت
جمال..نبي نقولك بأذن الله جلال ح يروح
انا..امتي
جمال..مازلنا مش عارفين من اللي وخذينا اي جيها
انا..مش ح تعرفو
جمال..كيف
انا..دموعي خنوني كيف تبو تعرفو اي جيها واخذته البلاد مش امنه البلاد كل مره لقيين جثمان معزوق مش معروف من اللي قتله حتي اللي يموت يموت بسره جمال جلال عدا ماقليش حتي منو اللي يلحق فيه مستعده اندير المستحيل عشان يرد
جمال..خلاص نور تفائلي خير
انا..يارب ماتختبر صبري فيه
هبه..عمتي وجعتها ركبتك فوق
انا..مش قادره الناس الوطا معاملتهم عاديه ماكانه جلال مختفي يضحكو ويهدرزو كبدي اللي مختفيه هبه مش قادره نستوعب
جمال..نور
انا..شفتله
جمال..وعد يرد
انا..امتي طول
جمال..توا هبه تبات معاك انتي وضعك مش مستقر
انا..انا مش خايفه علي روحي علي قد ماخايفه علي جلال امس كان بايت معانا امتي طلع كيف ماسمعت تلفونه بعد رن كيف
جمال...كل شي صار خلاص توا ديري بالك علي روحك انتي توا في اخطر مراحل الحمل عليك جلال لما يجي ح يحاسبنا نحنا لانا هملناك
انا..ح يجي صاح
جمال..ح يجي
انا..وعد
جمال..وعد خلاص انا نازل يستنو فيا
هبه..صبت معاه عند الباب شافتلي
انا..مطبسه ودموعي ينزلن
هبه..حبيبي
جمال..يلبس في كندرته نعم روحي
هبه..وين جلال
جمال..والله حتي نحنا لعند توا مش عارفيني غير نطمن فيها عينك منها
هبه...يارب طمنا عليه
جمال..يارب هيا انا نازل وصكري الباب اكويس اي حاجه رني عليا
هبه..تمام قلبي باي
انا..صبيت لدار العيال ولعت الضي
هبه..صكرت الباب بالمفتاح وجتني نور
انا..واقفه بين السراير
هبه..شن اديري
انا..نمسح في ادموعي ونبتسم بعد جاب الدار قلتلا بعد نتعارك معاك انجي نرقد بين اعيالي قالي نلحقك نرقد معاكم
قلتله ماعندكش وين ترقد انت طويل السراير مايجنش عليك ههه قالي نفرش علي الوطا نور اهم شي مانقدرش نرقد بدونك
هبه..تمسح في ادموعها ح يجي وح تتعاركو ويجي يفرش علي الوطا وتنزلي انتي ترقدي معاه
انا..دموعي ينزل انشالله هبه مستعده انتحمل كل تصرفاته كل عصبيته اهم شي يروح انا بلاه ولاشي روحي معاه هبه
هبه...حضنتني والله ح يجي وتجيبي واديرو العار وتحملي اخري ونذكرك بشي هذا
انا..حضنتها نبيه يروح بس
هبه..ح يروح ونذكرك نور
انا..ااااا
هبه..كنك
انا..مسكتني ليه
هبه..تمشي للعياده
انا..لالاحطيني علي الكرسي بس
هبه..ماسكه يدي قعمزت ع الكرسي
انا..ههه نجكم ليا يتحركو
هبه..يقولولك مش ح يسيرلا شي
انا..يارب
هبه..نمشي انديرك حاجه تكليها
انا..لالا خذيت عهد علي روحي غير الميه ماناكل حاجه
هبه..واللي في بطنك
انا..مش واكله انا ناكل وجلال مشعارفه ياكل ولالا
