#قطعه_مني
#الحلقه_الثانيه_والعشرون
#بقلم Ñř Ŕóhã ✍
أحد هدايا الله، هي القدرة على البدء من جديد...✍
ساجده..احضنت هادي ريفتلك حبيبي
هادي..اوووو حتي انا ياعمري
مبروكه..هادي
ساجده..صوت خالتي
هادي..مديلي تلفونك
ساجده..ليش
هادي..كر التلفون وقفله عارفه هذا يبي افلاته
ساجده..يعني مش ح يصلح
مبروكه..هادي اا ساجده انتو قعدين هنا
ساجده..جهازي طاح مني معش ولع
مبروكه..لاااا جديد عادي ياخذ سوك
هادي..خليه معايا عندي صاحبي يصلح فيهن توا يصلحه فيه صور
ساجده..لالا مازال جديد
مبروكه..لاهادي شاطر
ساجده..كان ماصارش منا خلاص عادي
هادي..لاهذا واضح افلاته مايخذش وقت
مبروكه..مايوجعك بكل وحياه خالتك كان ماصلحه بكره يجيك كيفه وخير منه
ساجده..باست راس مبروكه نجك ليا خالتي
مبروكه..ماتكدري روحك بكل وحياه خالتك
ساجده..بحتت في هادي وابتسمت تمام نشوف البناات
مبروكه..هادي نبي حلويات
هادي..توا امي
مبروكه..لا فيه جوا لكن نبيهن لل بكرا
هادي..خلاص تمام طالع توا تبي شي
مبروكه..تربح نبي سلامتك غير احجز فيهن راك تنسا
هادي..تمام
وطلع هادي والابتسامه فاضحته
مبروكه..خشت تحكي مع روحها ياريت فرج ل نرجس وهادي ل ساجده خبطت في حواء
حواء..ههههه عقلك وين
مبروكه..يشتغل مش معايا بكل
حواء...ههههه
انا..بنات شوفن الفستان هذا حسيته واسع عليا بكل
نرجس..امم خيال بلعكس بعدين ح تحملي يصادف فرح تلبسيه ردي بالك ترديه خيال
هاجر..حاطه يدها علي خدها مش معانا بكل
نرجس..شيرت بحوجبها هذين وين رايحه
انا..غمزتلها وضحكت ماهر
هاجر..اه وينه يرن تلفوني
انا..ههههههه لهدرجه جوري
هاجر..يابارده مرايفه عليه بكل
نرجس..من امتي ماحكيتو
هاجر..زارد
نرجس..ردي بالك تبدي ساكنه خليه يرايف عليك عاد
هاجر..غير رقمه مقفل امس ماجاني نوم تصدقي
انا..مرايفه عليه
هاجر..فوق ماتتصوري
انا..نجك ليا اكيد حتي هوا
نرجس..ههههه شن تقولي عليا انا كان الحب مغناطيس فاليشهد العالم اني خشبه لا احساس لامشاعر شي جفاف
كلنا..هههههه
هبه.صفيني معاك حقربي مصكرا بكل
نرجس..الحب يبي وقت يبي اختيار انا تخيريني بين الحب والنوم حقربي النوم مانقدرش نقاوم امه بكل وبدت تثاوب
انا..عدي ارقدي
نرجس..وين نرقد نرقد في ليل بالمره
ساجده..جوري تلفونك يرن
هاجر..منو
ساجده..كبيدتي
هاجر..كان تكذبي فوتيني
ساجده..اه بدا يرن عكست التلفون شورها
هاجر..والله انك صادقه لي اول مره وووه نجاليا مش قادر يصبر بلايا حيحي
كلنا..هههههههه
هاجر..مشت ل دارها
هاجر..الو
ماهر..حقربي عنجد اليوم اللي يمشي بدون صوتك
هاجر..ريفتلك بكل مهووورتي
ماهر..والله مش معايا الجماعه والله انجامل فيهم عقلي وقلبي عندك
هاجر..والله حتي اناا حبيبي توا البنات قعدات يتهزن عليا بعد رنيت
ماهر...ههههه انحبك ياخشيمي
هاجر..نموت فيك
ماهر..نقولك راهو روحت بس
هاجر..تبصر كيف صار
ماهر..مانقدرش نمشي يوم بدون مانسمع صوتك
هاجر..انحبكككك
ماهر...غني غني
هاجر..ربي مايحرمني من صوتي السمح
ماهر..ولامنك يحرمني ب نقولك هيا جت ع السريع بس امي تبي ادير تلبيسه تبي تجي تاخذ مقاس الدبله
هاجر..امتي
ماهر..اليوم اللي تبيه ياروحي
هاجر..اليوم مش عارفه بكرا عندنا سياق بنت عمي
ماهر..نقولك علي شي خليها بعد الفرح دزيلي انتي مقاس خاتمك
هاجر..حاضر ياعمري
ماهر..باهي احكيلي شينتي كيف مشيتي وقتك بلايا
هاجر..خليها ساكته حقربي مارقدت ماجاني نوم
ماهر..هههه نجك لي فيش اديري ياقلبي
هاجر..جن بنات خالتي نهدرزو في ليل نكملو باقي التغليف
ماهر..لعقبال دبشك
هاجر..اللهم امييين
