#قطعه_مني
#الحلقه_الخامسه_عشر
#بقلم Ñř Ŕóhã
شَاء القَدر أن تكَون جُزء منَي ولسَت لي🥀 ...
جلال..نووور
انا..باهي بشويا راني راقده
جلال..توا هيا
انا..بالعناد مش فاتحه هي وصكرت التلفون في وجه.ورديت رقدت
جلال..بعد التلفون صكرت في وجي
انا..فتحت اعيوني اوووووف ياااا لعند امتي يكون لحقني الكابوس هذا
جلال....حط التلفون جنبه وخذا لابتوب من الطوله ورد لسرير فتح علي صور نوور كانت في صوره مميزه من بينهن برغم كانن فيه صور وااااجد بس الصوره هذي لفتت انتباها كانت طالقه شعرها اموج وضحكتها فيها خلت جلال يبتسم لا إرادي جلال يبعد في الصوره ويقرب كان يبي يحفظ ملامحها كانت فعلا نور ملفته ....
انا...اووووف اووووف شالت الورغان وكان جوي خارب مازال في اعيوني النوم صبيت جبت البوكس وفتحته كان فيه تلفون J8 وباقه اكروت فيها 30كرت
انا..باهي الكروت هذين شن بندير بيهن كلهن
فتحت التلفون لقيته مسجل اسمه جلال ثلاث مرات انا شن يعني مخزن رقمه ثلاث مرات خشيت بالاسم واحد مدار واثنين لبيانا غمضت اعيون ونضحك نعد علي اي واحد نرن وصلت لعشره شفت الرقم بدايه 094 رنيت عليه
جلال...يتفرج ومبتسم ليش مش عارف كأنا نور تمت حاجه من ممتلاكاته مايبيش يفرط فيها من اول ماشاف صورها وحركاتها الطفوليه وهوا متغيره نظرته فيها
انا..ليش مايرد باهي توا صكرت حاجه غريبه
جلال..جهازه رن شاف الرقم (الشدوق) ...
انا...انشاءلله والله مارديت
جلال..نسمع فيك
انا..فنصت فتحت التلفون متريح توا
جلال..انشاءلله
انا..باهي شن تبي وعيتني من عز نومي ها تفضل شن فيه
جلال..وطي صوتك وانتي تحكي
انا..مش عارفه ليش جا في بالي كلام امنه امه...
جلال..الو
انا..صوتك يخوف اصلا
جلال..كيف يعني
انا..يعني مانبيش نسمعه
جلال..نوووور
انا..شن تبي
جلال..خليك محترمه معايا
انا..شوف وعيتني من نومي وانا مازلت نعسانه رنيت عليك لاني عارفه نحكي مع حد مش فارقه معاه يعني اتجي لعند هنا في نص الليل عادي عندك
جلال..اكويس عارفه بديتي تفهمي عليا
انا..باهي جبرتني نوعا من نومي شن تبي
جلال...نبي نشرط عليك شروط
انا..انشاءلله مايجن كيف مانبي عشان اندير قصه ونقول مانبيه وتجي معايا هالمره
جلال..هه لايجن غصب عنك
انا..شن باهي
جلال..اول شي لبس القصير ممنوع
انا..لاوالله
جلال..خليني نكمل نووور
انا..لبسي مادخلكش بيه
جلال..عبايه طويله خمار خوتي مافيش دلاله بينكم لبز علي خلقتك لاااا
انا...ريت ها الشيخ اللي نبي نأخذه شنو هذا في اي عصر نحنا انا بنت واخذا علي الحريه لبسي محتشم بس حريتي هيا حريتي ماحد يقيدني لاانت ولاغيرك
جلال..اها صاح محتشم واضح
انا...جلال شن تبي
جلال..هذين شروطي
انا...نصيبك مش عندي مش قابله بيهن خلاص فوتني
جلال..ماعنديش كثره كلام ومش فاضيلك
انا..لاانا ماعندي ماندير غير انت او اومرك رد ع عمي قوله مافيش نصيب لي أنا اللي حكيته كله مش ح ندير منه ولا شي
جلال...كلامي وقلته وصكر في وجها
انا.. مش ح ناخذا كلامك فهمت عليا الووو الووو الحقير صكر عزقت التلفون جنبي ومعش رقدت غممها علي خذيت تلفوني لأخر وفتحت نت نصفح شفت ياسين متصل(اون لاين )علي الانستا
لاإرادي حطيت علي المحادثه اللي بينا المحادثه الوحيده اللي مازالت قاعده الفيس لغيته والواتس حدثته انحذفن كل شي بينا
انا...اسو ✔
ساره..فتحت علي المحادثه✔✔
ساره..نعم✔✔
انا..رايفتلك بكل وينك✔
ساره..شن صار فيك نور
انا..انا اللي نسألك ليش خليتني بروحي مش وعدتني مانكون لغيرك
✔✔
ساره..هذا نصيب
انا..انا نبي نصيبي فيك
ساره..انا توا متزوج نور ومتريح في حياتي مع زوجتي وتوا نستنا في اوليدي منها
انا..شن تحكي انت
ساره..كيف ماسمعتي
انا..مستحيل بسرعه هذي
ساره..هذا النصييييييب
انا...لالامافيش نصيب ايدير هكي وبسرعه هذي
ساره..توا المطلوب مني
انا..تحكي جديات
ساره..ورحمه باتي انا توا بزوجتي وحامل مني وانتي عارفتني بعد نحلف برحمته
انا..مش مصدقه😭باهي وانا كيف خليتني اللي قدرت اطلع حتي فرحك بسرعه وانت كنت مش قادر حتي تكمل الشقه
ساره..خليتك ل نصيبك
انا..انا اللي نستنا فيك الوقت هذا كله ادير اي ردت فعل اتحارب عشان حبنا كيف ماتقول توا تقولي متزوج وترجا في اوليدك
ساره....والله شن نقولك
انا..باهي ليش صكرت شفرتك
ساره..مانبيك اتسببيلي مشاكل مع زوجتي انا ماصدقت استقريت
انا..انسببلك مشااااااكل
ساره..اها
انا. باهي نبي نعرف حاجه وحده
ساره..شن هيا
انا..ليش جيتني في المستشفي
ساره..تفكر كيف ياسين عنده العلم بالحادث؟؟
انا...جاوب اسوووو ارجوك عارفتك ماااازلت اتحبني
ساره...عادي جيت نطمن عليك في يوم كنتي في حياتي
انا..وتوا
ساره..انا حياتي ل امي ولزوجتي وعيالي
انا...ليش تجرح فيا باهي😭😭😭
ساره..ماتبيش تطلعي من حياتي
انا...لاني مازلت انحبك وشاريتك
ساره..وانا من يوم ماتزوجت وانا بطلت حتي انفكر فيك
انا...ياااااسين ليش كلامك متغير معايا انت اللي ماتحمل فيا شي انا نور دنيتك
ساره..كنتي
انا..وتوا
ساره..ترضي تنزلي علي ضره
انا..انت اتبعد فيا مش متزوج حتي حوشكم بعتوه عشان معش نعرف اخباركم
ساره..ومعش نبيك تعرفيهن الهي في حياتك ونصيبك
انا...مستعده اندير اي شي لو انت تقولي انا متزوج عشان انتباعد عنك عارفتك تقول هكي عشان ضروفك مانبي نحرجك ونجبرك بس انا مستعده نكون معاك العمر كله
ساره...هذي مش ح تخطاني ولاتخطاه حطت علي صور ياسين وهوا لابس بدله العريس ومع اصحابه دزتلها ثلاث صور صوره بروحه وصوره في سياره وصوره مع اصحابه
انا...بعد جني الصور حاجه مسكتني في قلبي نبضات سرعتهن رهيبا جسمي صقع شعور بااايخ وبارد بعد تكوني بانيه حياتك ومستقبلك علي شخص معين والشخص هذا عايش حياته ومبسووط بعيد عنك
انا...يعني جديات ازوجت
ساره..اتشوفي في الصور بروحك
انا..تمام
ساره..انشاءالله نصيبك يكون علي قصاد نيتك
انا...باهي من اللي خذاتك منييييييييي من اللي قدرت تنسيكك نوورر اسوو
ساره..مش مهم من المهم قدرت تنسيني
انا..نكتب ونرعش ربي يهنيك معاها انشاءالله تقدر تحافظ عليك وتصونك كيفي
ساره..اللهم امين سامحيني ح نديرلك بلوك عشان المدام مانبي زعل بينا
انا..بدون بلوك مش ح نزعجك مره ثانيه
ساره..بدون اي ردت فعل حطت نور في قائمه الحظر وحذفت المحادثه وحطت التلفون جنب ياسين اللي مايندري علي اللي ساير كله
انا..حظرني جديات😭مستحيل يكون ياسين ياسين مايبدلني ياسين يحبني ولاعمره تمنا يكون لغيري ليش تحظر فيا عد العشره وسنين اللي بينا
حسيت في وقتها نفسيتي صفر لو نعاود نقرا المحادثه نكره روحي ونكره انصدق الوعود وحب وكلام السمح بذات بعد عرفته ازوج وفرحان بزوجته اذا هوا نسا العشره والسنين اللي بينا حتي انا ضروري مانطلعه من قلبي ضروري م نحذف المحادثه ونعيش حياتي كيف ماهوا عايش 😭بس انا مازلت انحبه كيف بنطلعه من حيااااتي
حذفت المحادثه اللي بينا وماكانت هاينه عليا للحذف وصبيت توضيت ولبست المصليه وصليت قيام الليل وقريت قران ودموعي ماكفو قلبي محروق من جوا نار والعه فيه شعووور اخيييي بعد تكتشفي انك ولاشي في قلب اللي تحبيه وانتي عشتي معاه اجمل اسنين عمرك..
(تنتهي آخر ذرّة من الشعور لما تحذف محادثة شخص كنت تدخلها بشكل يومي تقرأها ليلياً تكتب فيها ألف كلمة وتمسحها دون حول ولاقوة)Ñř Ŕóhã✍
~~~
جمال..في سريره صكر لابتوب وراح في نوم عميق بس كان فرحان رد صكر الخط في وجه نور كيف مادارت😂
اما نور بعد صلت وقرت قران خشت لسريرها ارقدت وعيونها منتفخات من الخيبه اللي هيا فيها
يعني في يومها جلال رقد فرحان ونور رقدت والمخده علي وجها ماتبيش اتفكر فلي صار ودمعتها علي خدها مش قادره تستوعب لعند ماخذاها النوم
_____
صبااااح يوم جديد تحديداا 10:13
وعيت علي صوت هبه اتنادي فيا نوووووووور هااااااجررررر مرقدات لتواااا
انا...فتحت اعيوني مرهقه وتعبانه كأني شايله اجبال علي ظهري
هبه..افتحت الباب صباح الخير هيا نوضي نمشي نوعي العروس
انا..صباح النور امتي جيتي
هبه...توا توا هيا
انا..وعيت هيا
هبه..توجهت ل دار هاااااجر هاااااجر راقده كان انا مكانك مش جايني نووووم
هاجر...شن فيه صبح
هبه...صبي نوضي هيا
حواء..هبه خلي البنات مرقدات
هبه...وين ماما قريب يأذن الظهر خلاص النوم واجد مش اكويس
هاجر...خالتي خوذي بنتك مازال صبح
حواء...ههههه حرام خليها اشوي
هبه..ياماما مازال ادير شعرها ونوتو الضيافه
هاجر..كل شي واتي ماما جابت كل شي
هبه..اغمزت ل حواء معناها جيت علي الفاضي خلاص انا ماشيه مع بابا لعمتي
هاجر..لاااا وين ماشيه ماصدقت جيتي
هبه..خمس دقايق ماتوعي نمشي
هاجر..صبيت خلاص
انا..صباح الخير
هبه&حواء..صباح النور
هبه..شكلكن سهرانات امس
انا..انا لاوالله وعيت في ليل صليت ورديت رقدت
حواء..نمشي ل مبروكه
هبه..طبعا هذي اكيد علقتها لصبح هداريز ماتحشمش علي وجها تمشي قبلي
انا...ههههه
هاجر..حركي روحك بلكي يطلع فرحك قبلي
هبه..لااااا انا نبي نحقق حلمي لازواج لاشي
انا..هههههه غير مش حابه بس لو دايره اكبيده ماهذا كلامك
هبه...لااريح امكبده في شيتاتي ومذكراتي وجواز سفري
انا...هههههه توا نشوفوك
هاجر..غير كلام قدامي
هبه..مش وقت كلام هيا عدن نظمن جوكن وانتي اغسلي شعرك عشان انديرلك استشوار ما فيش وقت
هاجر...مازال بدري
هبه..وين بدري خلاص يأذن الظهر ماتحسي بالوقت الا والعصر مأذن
انا..نمشي نغسل وجي ونبرم علي الحوش
هبه..وتيتن
انا..عمتي جابت 8انواع موالح من الحلواني رقيات تبي ادير مثروده قلتلها مافيش داعي ديريها لجيه الرجاله توا اندير باشاميل بالشاورما في الحراريات مايخذنش وقت
هبه..كم وحده جايه
انا..مش عارفه والله
هاجر..تحكن علي اعربي
هبه...ووواك علينا بدت في حتي راجلي
انا....ههههههه حسيته حتي انا
هاجر..اسكتي ياحقيره منك الها ماهر قالي امي واختي وعمتي وخالتي بس
انا..تمام اربعه صبايا انا اندير باشاميل 10بالزايد
هاجر..خلاص عاد المطبخ والضايفه قيمنا انا اليوم مش ح نفضاله
هبه...غير نظمي جوك بسرعه
انا..نمشي انا
هبه..خلاص بعدها انجي نساعدك
انا..تمام
____
جمال...صباح الخير
امنه..صباح النور شكلك واعي من بدري
جمال..اها كنت اندير في رياضيه
امنه...اتعبوا ارواحكم وتخربو في اجسامكم بالعضلات
جمال..هذي لياقه ياامي
امنه..مانعرفش انا
جمال..جعفر راقد
امنه...مايوعيه الا الظهر جعفر ماعمرا ماعمرا وعا بدري الا في العيد ولاالجامعه
جمال...نمشي نوعيه
امنه...عليش
جمال..هك انكسد عليه قبل مانمشي للعياده
امنه..فكنا منا توا يوعا جلال ويتلاقو يديرو مشكله علي الصبح
جمال...ههههه يومي اصلا... بس جلال واعي حتي قبلي يتريض فوق
امنه...والله نحسابه مازال راقد
جمال...لاواعي باهي نمشي ندوش وعندي عياده
امنه..باهي بس قبل افطر
جمال...لانقعد ساعه بعد الرياضه ونفطر توا نفطر في العياده
امنه...خطرها جارتنا رجعه
جمال..كنها
امنه..قلتلي ندهش من قلبي
جمال..ياامي قوليلها تنقص من وزنها حتي الوزن يديرها ومع هذا خليها اتجي للعياده
امنه..ماعندها مش يوديها
جمال..شن اندير فيها فيها تطلع لاني ح نطلب تحاليل وصور
امنه..خلاص توا نقولها لها
جمال..خلاص تمام
جلال..نزل من فوق يمسح بالمنشف علي وجه طالع
جمال..لاندوش قبل عليش
جلال..نسال تلفونك نسيه فوق م وقف من مكالمات ومده له
جمال..من
جلال..ابتسم شوفه
جمال..تمام خذاه شاف خمس مكالمات من انوار غمتله خش ادوش ولبس وطلع...
