#قطعه_مني
#الحلقه_الثالثه_عشر
#بقلم Ñř Ŕóhã
أكثر شيء يقهر علاقة مـش راضية تنتهي ولا راضية ترجع نفس اول الشعور فوضى لخبطـةة ماحد يحس بيها غير اللي مجربها✍ Ñř Ŕóhã
الممرضه..ساره ادريس هنا
ساره..انا تفضلي
الممرضه..مدتلها الضرف النتيجه موجبه مبروك في حمل
ساره..استلمت الضرف وكأنها في دوامه وام ياسين تحضن فيها وهيا ايدين بس اللي يتحركن ماعندهاش جهد لروحها تبي تحمل اخرا
هيام..مبروك ح نصير خاله واخيرا
مها..حيحي واخيرااا بيجونا كتاكيت يملو حوشنا بهرجتهم
ام ياسين..تبكي مبروك ياسين لو تعرف قد شنو كنت نستنا في اليوم هذا
ياسين..اعيونه ع ساره مانزلهن عارف لاهوا راضي ولاهيا راضيه من ردت فعلها جامل امه بأبتسامه ومشا الجو عادي وام ياسين بدت عاد لاتبي ساره تصبي بكل خايفه علي ولي العهد....
جمال..في السياره وين تمشي علي كرعيها كيف مايشيلوها في السياره كنها ماقالت لي عمها انا مافيش نصيب بينا ازعما عمي الناجي قايلها ل باتي وباتي مايبيش يقولها ليا يقول نعطيهم اشوي وقت مايبيش يخرب فرحته بي يحاول يعطيها فرصه كيف ماحاول ب جمال بس جمال فسخ رسمي انا مانبيش نسيبها انا تي النم بعد شفته في تلفونها ضلمت قدامي وانا خليتها تكسر تلفونها اووووف خذا تلفونه ورن علي هاجر ع اساس رقم هاجر
هاجر..مازال يرن
انا...وووه خلاص مش قادره جنبي وجعني ياحيوانه
هاجر...هههههه خلاص عاد فاتت ساعه توا يقول مافي حد يلمها ردي عادي
انا..لالا اطلعي لدارك وردي عليه قوليله جت وخشت لدارها
هاجر..روحي
انا...عشان انصبيلك بعد يجي ماهر
هاجر..بدون قول غصب عنك من غيرك يصبي
انا...باهي هيا عدي اهو عاود الاتصال
هاجر..شن فيها كان رديت عليه هنا
انا..لالا يعرفني كذابه عدي
هاجر..ع اساس صادقه ياكذابه
انا...هههههه هيا جوري مرات يصكر معش يعاود
هاجر..صبت وعدت لدارها
وانا فتحت الابتوب وحطيت علي اغاني وعليت
هاجر..احمممم احمممم افتحت الووو
جمال..نور روحت
هاجر..تقريبا سمعت صوتها اكيد جت
جمال..انتعبك معايا تعطيها التلفون
هاجر..اتصكر ولانخليك علي الخط
جمال..لافاتح
هاجر..به وصبت هاجر طقطقطق
هاجر..نونا
جمال.يسمع وراقيله
هاجر..فتحت الباب وطي الصوت
انا..شنوووو
هاجر..الصوت وطيه
انا...وطيت مسكتني الضحكه شن تبي
هاجر..التلفون هاكي
انا..خذيت التلفون ونشير بيدي اطلعي
هاجر..بدون صوت اخس قليله الخير اطلعت وصكرت الباب وراها
انا..من الوو
جمال..واخير عرفتي اتردي
انا..من امعايا
جمال..عباطه هذي ولااستعباط
انا..اها انت شن تبي
جمال..شمسك عاليه اليوم
انا.ديما يارب
جمال..شن صار
انا..في شنو
جمال..حكيتي ل عمك
انا..ع شنو
جمال..علي موضوع النم
انا..في موضوع اسمه النم اها علي النصيييييب
جمال..شن صار
انا..انت مكلمني عشان تعرف
جمال..اها شن رايك
انا..متأكد
جمال..نووووور
انا..باهي راهو يطقلك عرق نوووور يوحلو فيك هلك اسملا عليهم منك
جمال..مسكاته ضحكه احكي يانور
انا...هههه اللهي شن نحكي
جمال..حكيتي ل عمك
انا..لالا
جمال...ليش
انا..قلت توا تختصر انت الموضوع
جمال...انا ماحكيتاش
انا..وشن انديرلك احكي الباتك هوا يحكي ل عمي
جمال..وين كنتي امبدري
انا..اسملاهي جن انت شن عرفك اني طلعت
جمال.وين كنتي يا ن و ر
انا.. شن دخلك يااخي
جمال..وين كنتي يانور
انا..حاجه م تخصكش
جمال..معناها اليوم باتي جايكم
انا..مرحبا بيه بلكي انتريح من الكابوس اللي نعاني منه وصكرت في وجه جمال
جمال..الوو بعد التلفون منا وتصكري في وجي اخرا توا تشوفي حرك السياره وعدا
____
هادي..شن رايك نقول ل باتي يشري المحلات اللي جنبنا
فرج..غير انلحقو علي هذين
هادي..والله نحكي جديات الراجل يبي يبيعهن نشروهن نحنا
فرج..وشن نفتحوهن يانصي
هادي..مطحنه
فرج...مطحنه
هادي..اها مطحنه والله يكبر الشغل
فرج...شوف باتي كان قال باهي والله انها فكره
عمي..شن اللي شوف باتي
هادي..ياباتي جارنا يبيع في محالاته اللي لصقات فينا
قلت ل فرج شن رايك نقول ل باتي يشريهن ونديروهن مطحنه
عمي..توا نشوفه
هادي..والله فكره
عمي..انا توا نبي نبنيلكم فوق تبو تسكنو فوق مني ولانشري كل واحد شقه
هادي..لاانا فوق
فرج..حتي انا
عمي..كان اتقولو لا مانزعلش غير المسطح كبير فوق الحوش ومع الوقت نشري كل واحد حوش وطا والخير هذا كله الكم غير نبي نفرح بيكم قبل ماربي ياخذ امانته
هادي&فرج...بعد عمر طويل ياباتي
ساره..علي كرسي جنب ياسين ومش معاه بكل ولاياسين معاها كل حد يفكر في حاجه
ساره..بحتت في ياسين تبيه
ياسين..بحت فيها شن
ساره..الجنين
ياسين..اوليدي اكيد نبيه ماشفتي فرحه امي بيه
ساره..مايهمني حد انت تبيه
ياسين..اكيد
ساره.متاكد
ياسين..شن في راسك
ساره..لا غير حسيتك مافرحت بيه
ياسين..لاانا اللي حسيتك طايره م الفرحه
ساره..شن ح يسير تنزل عند عمتي
ياسين..ان شاءالله كنك
ساره..سألت
ياسين...اها اقل شي نشد روحي
ساره..اللي يريحك
ياسين..ليش تبي تقعدي عند هلك
ساره..لا معاك قاعده
ياسين..هز براسه به ولا واحد حكا مع الاخر لحظه صمت بينهم
____
امنه...كيف اليوم ماعندك شغل
جمال..متريح اليوم
امنه..باهي الراحه اكويسه
جمال..اها
امنه..كسدنا البنات بعد مشن
جمال..هههههه سيلا غضيبه بكل
امنه..ههههه غيوره تبي حاجتها لروحها
جمال..ب نسألك ياامي
امنه..تصب في شاهي ها امي
جمال..عمي الناجي نسيب جلال
امنه...كنه
جمال..عندا بنت متبنيه او حاجه هك
امنه..لالا عنده بنتين وعيلين
جمال..غريبه ملخبط انا (هوا مش ملخبط هو يستعبط يبي كلام من منونه وبس😂)
امنه..ليش شن فيه
جمال..لاخلاص
امنه..غير قول شن فيه
جمال..يوم اللي وصلت البنات اطلعت وحده قلتلها انا اخ جلال قلتلي ماعرفتك انت بنعرف جلال
امنه..هههههه اها هذي بنتهم الكبيره حكنلي عليها البنات
جمال..يعني هذك بنت عمي الناجي
امنه..اها
جمال..غريبه قالت انا بنت باتي الناجي لكن بابا مصطفي كان في واحد في السياره يستنا فيها وطلعت مراه في عمر الخمسينات هك
امنه..هذي حواء اخت مبروكه
جمال..اها كيف وخذتها
امنه..نحكيلك هذي حواء ازوجت وقعدت كم سنه ربي ماعطاها اعيال مافي مكان مامشيتله في ليبيه وبرا ليبيه لكن ربي ماشاء يعطيها
امنه عطتها هندا اسمها لالا هبه ايواا اسمها هبه وجمال هايم يذكر بعد فتحتله الباب وطريقه رمشت اعيونها بسرعه اللي ذاب معاها
المهم عاد خلاص البنت تربت بين ايدين خالتها وراجلها حتي بعد اتجي لعيت الناجي قالت مبروكه ماتأقلمش مع الجو الحوش كأنها برانيه وتوا قالو تقرا في طب قالنها لي البنات
جمال..اهااااا لااصلا استغربت نحساب عمي الناجي عنده بنت وعيلين بس
امنه..لا بنتين وعيلين
جمال..اها ماشالله باهي تمام
عبدالفتاح..شن تحكو
امنه...كان يسأل في يحساب الناجي غير عنده بنت وحده وعيلين
عبدالفتاح...اها عنده بنت عند خالتها
جعفر..امي وصلت التاب وينها
امنه..والله ماني عارفه شوفها في الدرج
جعفر..دورت مش قاعده
امنه..توا نشوفها لك
عبدالفتاح..خليك في مكانك اتصبي امك علي وصله
جعفر..ماهيا اللي تظم في داري
عبدالفتاح..امشي دورها بروحك
جعفر..خايف عليها تتعب
جمال.ههههه
امنه...اكيد خايف عليا
عبدالفتاح...امشي قتلك
جعفر.برم يهزب في روحه
جمال..انا راقي فوق لجناح
امنه..تلعب رياضه
جمال..اها عليش
امنه....اتعب روحك جمال
جمال..واخذ عليها شوفي لي كم مالعبت
عبدالفتاح..وطي صوت الأغاني بس
جمال..مش مولعهن
جلال..باتي هنا
جمال.ترقا معايا فوق
جلال.توا نلحقك
جمال..راقي انا اي حد يسأل عليا راقد
امنه..به
عبدالفتاح..شن فيه
جلال..نبيك تمشي اليوم لي عمي الناجي
عبدالفتاح..توا كيف جيت منا
جلال..لامش توا في ليل
جلال..ليش
جلال..نبيك اتحدد الفرح
عبدالفتاح..يشرب في اميه باهي لكن امتي
جلال..25/11
عبدالفتاح..بعد ثلاث اسابيع اواقل
جلال..اها
امنه..اقل شي خليها يوم ثلاثين
جلال..المره اللي فاتت قلنا نهايه الشهر دارو حادث
امنه...لاصاح بعدها كل شي واتي والبنيه بدت اتحسن خلاص
عبدالفتاح..كل شي علي البركه
جلال..طق فيه اليوم
عبدالفتاح..بس بشرط
جلال..وقف شن هوا
عبدالفتاح..تسكن فوق
جلال..وحوشي عليش دايره
عبدالفتاح..بعد تكبر عيلتك حول هذي بنت قزونه وتخليها في مكان بروحها وانت راجل م عندكش موعد لشغل حتي في ليل تطلع مانقدرش انخاطر بيها
جلال..شقتي عطيتها ل جمال
عبدالفتاح..خوذ شقت جمال
جلال..م شقه جمال ل جعفر
امنه..جعفر طايش مازال صغير ولايفكر فيها
جلال..مانبيش حد يضايق بس
عبدالفتاح..من يضايق انا غير علي البنيه حتي كان طلعت في ليل تقعد قريبه منا
جلال...خلاص تمام
امنه...واخيرا اقتنعت
جلال...ابتسامه مجامله اوامر الحاج
امنه..ربي يطوللنا بعمره
انا..ههههههه والله حرقت اعصابه
هاجر.عليش تضحكي اليوم بيدز باته يقول مافيش نصيب
انا..شن نندم حظي عادي اصلا انا مانفكرش فيه
هاجر..حي علياااا انا
انا..ههههه عادي شن فيها انا م نحباش هوا يزر فيا عشان نقولها ل عمي وعمي شفتي بروحك ردت فعله بعد قلت مانبيش في البدايه اللي يبو يطلبو قلت مرات نقولها له يرتفع الضغط ولا شي خليها تجي منه طلع مش قايلها له
هاجر..والله شكله جلال كبد رسمي
انا..تلفونك يرن اكيد حبيب القلب
هاجر..نمشي بعدين توا نعرفو شن ح يسير
انا..هيا هذي
هاجر صبت لدارها وانا فتحت تلفوني وكسدت علي الانستا لي زمااااان عليه
هاجر..الوو حبيبي
ماهر..وينك ياشينه
هاجر..كنت مع نور
ماهر..ياريتني نور
هاجر..ههههه نجك ليا
ماهر.كلمتك نبي نقولك حكيت ل امي عليك
هاجر..تبصر
ماهر..واللهي
هاجر ..شن قالت
ماهر..قالت فكني منها
هاجر..خنقتها العبره تحكي جديات
ماهر..اها خليني نقنعها بيك قبل
هاجر...صكرت في وجه ونهارت ابكا
انا..نمشي ندير اقهيوا انعدل راسي
مشيت ل مطبخ ودرت اقهيوا ساده وطلعت بكلاوه من ثلاجه نمشي نكلم هاجر عليش نشرب بروحي مشيت لدار هاجر نسمع فيها تبكي
انا...جوري فتحت الباب كنك
هاجر..ماهر
انا..كنه عليش تبكي شن فيه
هاجر..حكا ل امه عليا عشان تطلبني قلتله لالا
انا..اكيد يبصر معاك امه شفتيها بروحه طيبه في حالها مش متاعت مناقشات وهك
انا..اهو يرن عليك ردي
هاجر..مش راده
انا..حرام عليك اكيد حتي هوا توا زعلان
هاجر..ردي عليه انتي
انا..لافكيني
هاجر..اقل شي ردي اللي درته لك قبل اشوي
انا..انخاف منه
هاجر..افتحت وعطاته ليا
انا..ساكته
ماهر....يضحك حبيبي الزعلان
انا..احم مرحبا انا نور
ماهر..عفوا اسف فكرتك هاجر وينها
انا..مش عارفه قاعده تبكي شن فيه
ماهر..تحكي جديات تبكي
انا..اها والله تبكي م فهمت منها شي
ماهر..عطيها ليا
انااا...حاضر مديت تلفون لها
هاجر..مش حاكيه
انا..م تبيش ترد
ماهر..افتحي لسبيكر
انا..فتحت فتحته
ماهر..امسحي اخشيمك بس
هاجر..تبكي وتضحك خطاني باهي
ماهر..وتي روحك امي جايتك بعد بكرا تطلبك ليا
انا...فرحتي بيها مش عطيتها لحد واخيرا وحده خذت حبعمرها
هاجر..تبكي انت تكذب
ماهر..ينعلي حتي خشمها راح فيها
انا..طالعه بعد تكملي تعالي نشربو اقهيوا برا
هاجر..هزت راسها باه
ماهر..الووو
هاجر...معاك ماهر..اخشيمي اللي راح فيها
هاجر..تحكي جديات ولاغير ماتبيني نزعل
ماهر..لاوالله جديات حكيت ل امي عليك والحق ماتكلمت قلتلي عرب مذواقين والبنيه اكويسه وعجبتها
هاجر..به به
ماهر..ههههه شن اللي به به
هاجر..لخبطتني حبيبي
ماهر..امسحي ادموعك نبي امي تشوفك سمحه
هاجر..نخاف نقولك به تمسكها عليا
ماهر...هههههه توا نقول ل امي تكلم امك علي اساس مافي شي بينا
هاجر..هههههه لاذكي
ماهر..كيف مش ح نحطك في موقف بايخ
هاجر..انحبككككك
ماهر...طالعه منك سمحه واخشيمك مزكوم
هاجر..ماهرر
ماهر..هههههه نبصر انحبك بكل حالاتك
هاجر .حتي انا انحبك
ماهر...سلام توا جوني جماعه
هاجر..خليك ع الخط عادي
ماهر..عينك مانخلي حد يسمع صوتك
هاجر...نجك ليا باهي باي ياروحي
ماهر..باي ياقلبي
- لو أبصَر المؤمن ما خَفي من لُطف ربه ، لأستلَذ البلاء كما يستلِذ العافية ....Ñř Ŕóhã
انا..في جنان فاتحه تلفوني ونصفح علي الانستا فتحت علي محادثه بيني وبين ياسين لها سنه الانستا مصكرته فتحته بعد لغيت الفيس
انمشي بسرعه علي المحادثه ونوقف مره وحده
ياسين..حبيبي اليوم اسهري امعايا
انا..حاضر حبيبي
ياسين..جوك اليوم مش عاجبني
انا..مرايفه عليك
ياسين..حبيبي كنك مقفل
انا..حبيبي علي الشحن
ياسين..معش تقفلي التلفون خليه مفتوح وع الشحن
نقرا وجديات مسكتني العبره رسائل واجد عرم بينا مرايفه علي كل كلمه معاه مرايفه علي صوته حتي زعله مرايفه علي كل شي فيه مرايفه عليه نزلت استوري (سلامًا لتلك المحادثة التي ربطت قلبي بقلبك💙♾.)وصكرت الجهاز وخليته جنبي وبديت نشرب في اقهيوتي مع جيت هاجر
انا...شن صار
هاجر..احححح جايه اعميمه بعد بكرا
انا..هههههه لهدرجه اعيونك منتفخات
هاجر...اها صدمني اصلا
انا..وتوا
هاجر...اااه ي القهر مانحمل فيه شي نجاليا
انا...ههههههه والله فرحتلك
هاجر..عارفتك نجك ليا بالله عليك شن ناقص
انا..هبه
هاجر..والله نرن عليها
انا..السبيكر
هاجر..ضروري عاد رنيت
هبه..الو
انا..شكلك ترجي في مكالمتي
هبه...هههههه شكلي فيش اديرن
انا..نشربو في اقهيوا انا هاجر في الجنان خطرتي علينا
هبه..صاح باهي صحه انا غاطه في القرايه
انا..صاح
هاجر..هبه قتلك
هبه..نسمع فيك
هاجر..بعد بكرا جايين خطابه
هبه..لمن
هاجر...ليا
هبه..تحكي جديات
هاجر. والله جديات
انا..صاح هبوش
هبه..حسبي الله عليك من ابنيه انا اختك اكبر منك تمشي قبلي
انا&هاجر..هههههههه
هبه..ههههههه
هاجر..تعالي
هبه..والله مش عارفه ع بابا وطريق مالياش اسبوعين مروحه
هاجر. قوليها لخالتي
هبه..خلاص توا نشوف بينا الو نور قتلك
انا..نسمع فيك
هبه..شن صار معاك
هاجر&انا...هههههههه
هبه...شن ديرات من عار
انا..راجي نسكر السبيكر
هاجر..مافي حد عادي
انا..قولك
هاجر..اها
هبه..تبن اتعازمن تي هيا شوقتني
انا..كلمني.........وبديت نحكيلها
