#قطعه_مني
#الحلقه_الحاديه_عشر
#بقلم Ñř Ŕóhã
نحن الذين نؤجل الفضفضة لوقت مُناسب، نبتلع الغَصة تِلو الآخرى ثم نمضي مُمتلئين مُتضخمين قابلين للإنفجار..🥀
عبدالفتاح..هذي ابناخيه الناجي في المستشفي
امنه..من نور قصدك
عبدالفتاح..اها طايحه شكلها مغمه عليها حاجه هك انفتحن الغْورز اللي في راسها
جمال..بحت في باته امتي
عبدالفتاح..مالها شي كلمو فرج عشان يأخذها لعياده
جمال..اها تمام صبا وطلع برا بكل برود اعصاب
امنه...يانعلي بعدها واعره في الراس
جمانه..هذي نور ياماما
امنه..اها
جنات..عيطتي عليها شوهتيها قبل ماتجينا
جمانه..لوتشوفيها تقعدي يوم كامل وانتي عقلك فيها من كثر ماهي جميله
جنات..خلينا بكرا نمشولها معش نقدر فضولي بيقتلني
جمانه...شن قلتي ماما
امنه..انا عندي عشاء بكرا كان جمال قال باهي عدن معاه
جنات..شن قلتي جمانه
جمانه..عادي نمشي مانقول شي
جمال..شن اللي ناقص عشان المشاوي
امنه..جيب معاك حتي حوت
جمال..وشن اخرا
امنه...الناقص توا نكتبه لك في رساله
جمال..مد تلفونه هاكي اكتبي هنا
امنه...خذت وبدت تكتب في النواقص
عبدالفتاح..شن امورك ياعبدالله
عبدالله راجل جمانه ...والله الحمدالله بخير ياعمي انت شن دايره صحتك
عبدالفتاح..الحمدلله بخير
جمانه..يابابا يومتها عبدالله تلاقا مع عمي منصور صاحبك
عبدالفتاح..صاح وين تلاقيتو
عبدالله..في المحطه الرمل تعرفنا من وين ومن مناسب بعد عرفك مسك فيا مايحكي عليك الا كل خير والله
عبدالفتاح..وين انا ومنصور عشره عمر
عبدالله..وصل سلام مخصوص لك وعطاني رقمه قالي وصلني له
عبدالفتاح..توا تعطيه ليا وين وين يامنصور دنيا
_____
ساره...وينهو مااااااات
الشاب..يااختي هوا عايش وتوا في المستشفي
ساره..اي هووب طاحت
هيام...مسكتها خذت التلفون الوو
الشاب..الوو تسمعي في يا اختي
هيام..لو سمحت انت توا كنت تحكي مع اختي شن ساير مع ياسين يكون زوجها
الشاب..الشاب داير حادث وتوا شلناه في المستشفي..
هيام..عايش
الشاب..ان شاء الله عايش
هيام..اي مستشفي
الشاب..مستشفي........
هيام..بارك الله فيك وصكرت
وبدت تخبط ع وجه ساره.
ساره..بدت تفتح حتي هوا مات
هيام..بلا اهبال عايش سعفوه للمستشفي
ساره..لالا عارفه انا ماااات😭قالي عطيني حد قدامك
هيام..مايبيش يرعشك بس ياساره والله حكيت معاه قالي سعفناه وعايش
مع خشت باتها وامها
ادريس..شن فيه
هيام..بابا ماترعشش روحك ساره كلمت ياسين رد عليها شاب قللها داير حادث
فاطمه..حي علي شن ساير فيه
هيام..صكرت اعيونها مامااا قالي اكويس
ادريس.. اي مستشفي لاحول ولا قوه الا بالله العلي العظيم
ساره..نمشي معاك
ادريس..نطمن عليه ونرد..عليك
ساره..لالالا نمشي تواا
ادريس ...هيا وتي روحك
هيام..سندت ساره عليها ولبستها
ساره..حتي هوا يااهيام حتي هوااا
هيام..مسكت وجهها بين ايديها بحتي فيا ساره
ساره..بحتت فيها ودموع مش مسيطره عليهن
هيام...عمرك م كنتي ضعيفه هك من يومي كنت شاده روحي بيك ردي ساره اللي نعرفها ياسين مافيه شي اكويس وحيطلع منها شدي روحك انا مازلت نبيك قاعده تنهي في روحك بيديك
ساره..م وقفتش ابكا كان مات كيف محمد
هيام..ربي خذا محمد عشان يعوضك ب ياسين شدي روحك وحضنتها
فاطمه..هيا ساره باتك يستنا برا انشاءالله ربي يطمنك عليه يالهبله ماترعشيش روحك
هيام..امسكي فيها ماما
فاطمه..مسكت يدها
وطلعو توجهو للمستشفي
_____"ليلة واحدة قادرة على صُنع إنسان آخر لا يشبه الذي قبله🤍Ñř Ŕóhã
اناا....وووووه عليا
الدكتور...الحمدلله علي سلامتك
انا..كملت
الدكتور..كملت
انا..خلاص نطلع
الدكتور..م تبيش مسكن ولاكيف
انا..خذيت علي الألم وصلت لدرجه اني انحس بيه وندير روحي مانحس بوركت
الدكتور..نزل النظرات وبحت في نور يعني مش ح تحسيه الجرح
انا..مش ح نحسه
الدكتور...هههه اعناد هذا بس برضو نكتبلك مسكن قوي اشوي
انا...به دير اللي تبيه
الدكتور..هههههه كتب في الروشيته نوعين مسكنات ومدها لها لو مش عارف بعد يحول مفعول البنج ح يتعبك الجرح ماكتبتلك خوذي بعد الغداء وبعد العشاء
انا...بوركت دكتور
الدكتور..ولو شغلي
انا..طلعت
فرج..صبا ها شن صار
انا. خيطلي من جديد
فرج..ووووه حسيتيها
انا...لالا بنج المكان
فرج..باهي هذي شنو
انا..شنو قصدك علي الورقه
فرج..اها
انا..هذي روشيته مسكنات
فرج..هاتيها ونحنا طالعين انتكي علي صيدليه انجيبهن بالمره لاني مش عارفه امتي في ليل انروح شغل واجد اليوم
انا..يانعلي تعبتك
فرج...اهم شي صحتك يالهبله
وركبنا في السياره وطلعنا
فرج..مش ناقصك شي
انا..لا سلامتك نجكليا نعنك ماتغيب
فرج..تحسي فيها
انا..لالا
فرج...وقف اهي صيدليه فتح درج السياره طلع جزدان خذا افلوس وطلع
انا...معايا
فرج..دسيهن تلقيهن ع حالك
انا..فعلا ربي خذا حسن وحسين خوتي ومافرحت بيهم بس عطاني اعيال عمي اللي هم خوتي شاده روحي بيهم يخافو عليا ويحبوني ومايحملو فيا شي فعلا ربي مايحرمني منهم ولامن وقفتهم جنبي قطع تفكيري جهاز فرج
انا...منو ييه جلال
بحتت لقيت فرج مازال قدامه وحدين لي انا الصيدليه زحمه
انا..فتحت
جلال..مرحبا فرج
انا..شن تبي
جلال..من انتي
انا...نووور
جلال..وين قاعده وكيف تردي علي جهاز فرج
انا...وانت شن دخلك خطاني وجهازي اللي خذيته جيبه عيب مانبيش نكبرها ونحكيها ل عمي
جلال..وقوليها عادي
انا...ماتخسر شي ح يأخذ عليك فكره غلط جاي للحوشه وهوا مش قاعد
جلال..عادي نقوله طالعه بتوته وطالقه شعرها وشكلها تستقبل في واحد
انا..انت واحد مريض
جلال...ومريض شن رمز الملفات
انا..جلال انا توا مانقدرش نحكي في الطريق بس ارجوك انترجا فيك اسبقني علي الحوش وحطلي الجهاز جنب الورده اللي يلا الباب
جلال...مايسير شي
انا..عمري م ترجيت حد انترجا فيك لو سمحت لوسمحت
جلال...الرمز
انا..فيه صور بناات عيب
جلال..وياسين
انا..والله مافي صور لراجل عندي جلال لوسمحت شن العلقه اللي علقتها انا
جلال..قبل شن صار فيك
انا...بعد دفيتني انفتحت غْورزتين خيطوهن وتوا واقفه عند الصيدليه يجيبلي في دواء فرج
جلال..من معاك اخرا
انا..ماحد انا وخيي فرج
جلال..خييييك شن عن.......
انا...لوسمحت تجوزت احدودك معايا شن اتسب انت
جلال...كلمه خيي خويا هذي تقوليها بعد تبقو طلعين من بطن وحده افهمي
انا..المطلوب مني
جلال..ياسين من
انا...خلااص مليت من نفس السؤال مانعرفاش مانعرفااااش خلاص اطلع من حياتي شن الكابوس اللي عايشه فيه تعبت نفسيتي
جلال..بدون اي ردت فعل صكر في وجه نور
انا...حيوان حقير تافه لعند امتي بنعيش الكابوس هذا حذفت رقم جلال بحكم التلفون بدون رمز
______لستُ بسبعةِ أرواح كُفّوا عنْ أذيّتي🥀
امنه...شن تبن اديرن
جمانه...انا شوري السلاطات كلهن
جنات..انا نمشي انظم قعده في جنان
امنه...باه تمام انا نمشي انطلع العاله لي زمان ماطلعتها العاله تبي لمه الحمدلله اللي التمينا ع خير
جنات...ربي يدوم علينا اللمه السمحه
امنه&جمانه اميين
مع خشت جعفر
امنه..شن تبي
جعفر..صاح ياامي اللي اسمعته
امنه..ان شالله خير شن سمعت يااوليدي
جعفر..علي جمال انا فسخ باتي يحكي فيها ل محمد وعبدالله
امنه...اها صاح مشا اليوم نهاها معاهم
جمانه...غير عين قبل قلنا انتريحو ع امي اتونس ب كنه
جعفر..ياامي قولك من كلامي امس
امنه. لالا
جعفر..شن خطرله انا غير انشفط عليه ماعنديش نيه
جنات..شن حكيت انت
جعفر. فترشت كلام ماشور شي
جمانه. ههههههه لاعادي احسن مافيه كلنا عارفين طبعك
جعفر..والله حسيت جوي خرب نحساب باتي يبصر طلع يحكي جديات
جنات...اكيد مش ح يسمع كلامك في النهايه ماتفكرش فيه بس
جعفر..لااصلا امس قبل ماانرقدو حكينا وجو تمام توا حكاها باتي وجعته فسخه الخطوبه
امنه...نصيب
جنات..نصيبه مش فيها
جعفر..مش عارفه المهم جوي خرب
جمانه..نعطيك عصير ماتفكرش فيه انت شفت جمال كيف فرحان وجوا عادي
جعفر. مافيش نيه
فائق..م ا م ا😭
جعفر. اولدك وعا
جمانه...وراسك خوذا معاك اندير في سلاطات العشاء
جعفر..باقي الكتيبه وين
جمانه...ههههههه سلم خالهم خذاهم
جعفر...غريبه جمال
جمانه...اعلقو فيه عدو لين راقده وليليان معاه
جعفر...وووه تخيلت انا اللي وخذهم اكيد قلبين راسه
كلهم..هههههههه
امنه..انت من يومك مانك حامل شي توا نشوفو اعيالك
جعفر..توا تشوفي الأدب والاطاعه
جمانه&جنات...ههههههه
امنه.مستحيل كيف مانشوف فيك
جعفر..بينا الأيام
___
ساره..وينه😭
الدكتور...انتي زوجته
ساره..اها
الدكتور...اطمني حالته مستقره عنده كسر في رجل الأيسر وكسر في يده والباقي رضوض سطحيه
ساره..واعي
الدكتور..لالا
ساره..نبي نشوفه
الدكتور..يطلع للقسم عادي توا نعتذر منك
ادريس..ساره كلمتي امه
ساره..لالا
فاطمه..كيف تقولها لها حتي من يجيبها مافيه
ساره..مانقدرش نكلمها بالتلفون ضروري م نمشيلها ادز علي اعيال اسياده
ادريس..هيا معناها
ساره..لالا عدي انت وماما انا قاعده هنا
ادريس..كيف انسيبك بروحك
ساره..انتو مش ح طولو اكيد بعد تقولوها لها تكلم اقربها يجو وتزحم اقل شي نقعد معاه اشويا
ادريس..اي شي رني علي
ساره..ان شاءالله
فاطمه..عينك من روحك
ساره..ان شالله
وطلعو ادريس وفاطمه وخلو ساره بروحها في المستشفي مشت قعدت ع كرسي تستنا في باتها وامها يجو معاهم عمتها
وقاعده اتعيد في افكارها ودموعها ينزلن بدون ماتحس
تذكر في ايامها مع محمد
محمد..الحياه مانبي منها شي غير تجمعني بيك حبيبي
ساره..يارب حبيبي وانا مانبي شي الا تكون حلالي واب اعيالي
محمد..نبي ربي يعطيني اثنين منك
ساره..والباقي من من احمييييده
محمد...ههههه غير استني
ساره..قصدك بتجيب عليا ضره
محمد...انتي مكفيتني وموفيتني كملي بس اقرايه انا معش انتحمل ضروري تكوني معايا
ساره...هانت حبيبي
محمد..باهي شن فيها كان كملتيها عندي
ساره..لالا عارفه اني كان ازوجت مش ح نفكر في اقرايه
محمد..شن اتفكري ياسخيفه
ساره..احميييدهه ههههههه والله قصدي شريف يا قليل الادب
محمد...هههههه عارف حبيبي جديات نبي اثنين اكويسين ايه واصيل خاطري فيهم الاسماء هذين
ساره..ايه من حبيبتك صاح تخون فيا معاها وبتسمي بنتي عليها
محمد...لو يلاي راني عضيتك اي حبيبتي يحرم عليا نحب بعدك اسم ايه خاطري فيه بس
ساره..يارب ونكونو اجمل عائله
محمد...كملي اقرايتك بسرعه عشان نجيبك ليا
ساره...اوعدني ماتاخذ غيري
محمد..نبقا مش راجل كان لمست غيرك خوذيها مني وعد
ساره..تحكي جديات حبيبي
محمد..انا وعدتك ويوم اللي نكون مش لك معناها وخذني ربي
ساره...حطت يدها علي وجها وتبكي بعبره مقهوره موجوعه قلبها نار ليش يااحمييييده درت هك ليش يااحمييييده انا انحبك انت ليش احمييييده سيبتني ليش قلتلي كلام يجرح عشان تباعد عني ليش احمييييده روحي معاااااااك قهرتنييي فيكك ليش خليتني بروحي ليييش انت وعدتني تكون معايا العمر كله حبيبي لمن خليتني بس
الممرضه...تفضلي
ساره..رفعت راسها
الممرضه..ربي يطمنك عليه اشربي اميه
ساره. ماعنديش نيه
الممرضه...زوجك اللي في العنايه
ساره..هزت راسها اها
الممرضه...ربي يطمنك عليه
ساره...مستمره في البكا
الممرضه..حادث صاح
ساره..هزت براسها
الممرضه..الحوادث كاثرات اول امس جابو شبوب في نص عمره قعد اشوي في العنايه بعد ساعه مات والله مازلت متأثره منه وجعني بكل واليوم جابو امه مش دايره اشوي في روحها كل ماتوعا تخبط مايهدوها الا بالمهدي
ساره...سانده راسها ع الساس ودموعه ينزلن بطولهن ربي يصبرها
الممرضه...اللهم امين حتي انتي ربي يطمنك عليه
ساره..يارب
______
جمال..هذين اللي وصيتوني عليهن
امنه...ايواا الله يربحك
جمال...في حاجه اخرا
امنه..لالا كل شي جايب بزايد
جمال...جلال وينه
امنه...ركب فوق
جمال..نمشي نكلمه باتي والشباب برا عيب
امنه...اها صاح نزله عيب يسيبهم بروحه
جمانه..عادي ياماما
جنات...صاح عادي هوا شغله مالش وقت
جمانه...وين اعيالنا
جمال...دارو في شي في السياره
امنه...هههههه قتلك يتعبوك
جمال...لا اسيل ماتبيش سيلا تسوق ادف فيها ههههه
جنات...ضراير هذين
جمال...هههههه بكل شريره قاعده باهي انا نركب انزل جلال ونمشي نولع الكانون
امنه..به
وركب جمال فوق
جمال..جلاااال
جلال..فاتح التلفون ويتفرج ع صور نور ومبتسم
جمال... من بدري نعيطلك ياراجل
جلال..صكر التلفون كنك
جمال..ياراجل عيب امسيب الشباب لوطا انزل لوطا
جلال..توا ركبت كان عندي شغل
جمال..اجله شغلك عيب ايجونا من وين لوين وانت قاعد فوق
جلال...قاعد انت اتسد
جمال..جلاااال قدامي
جلال..هيا اني نازل
صكر تلفون نور وحطه في جيبه ونزلو
____
فرج...طولت عليك
انا...اشوي
فرج...مارن حد
انا..اااه لالا
فرج..جهاز لاخر نسيه في الصاله
انا..اها كلم عمي يدسه لك لعند مايجي قبل مايريح
فرج..اها ويبي يكلم عمي كلم عمي
انا...من
فرج..باتي
انا..عمره طويل
فرج...الووو
عمي..وين يافروجه نرن من بدري
فرج..اكيد ران علي الرقم الاخر ناسيه غادي
عمي..شن صار في نور
فرج..خيطوها من جديد
عمي...لالا
فرج..والله لكن اكويسه
عمي..درولها بنج
فرج. مكان الجرح بس قالت ماحسيته
عمي..باهي الحمدلله كلمتك نبي نقولك
فرج..شن
عمي..وانت ماشي تكي علي امك قاعده عند سعده المحمودي عارف حوشها
فرج..وين هذي
عمي..في شارع......او طريق لا ثاني طريق اول حوش علي يدك اليمين
فرج..اوكي عرفت الوصف
عمي..كان هك بعد توصل غادي رن عليها
فرج..خلاص انشاءلله
عمي..هي عينك من روحك بعد توصلهن تعال
فرج. حاضر
انا..قوله علي تلفونك
فرج. ياباتي
عمي..ايوا
فرج. تلفوني ناسيه غادي حطه في المكتب ولا خليه معاك
عمي .تمام
ومشينا للوصف وكان ساهل ورن فرج ع عمتي مبروكه وطلعت
في السياره..
انااا.نزلت وركبت من كرسي الوراني
مبروكه..جت معاك انوير
فرج..كنا في العياده
مبروكه..كنكم شن فيه من مريض
انا..لافي شي غْورز اثنين انفكن مشيت خيطوهن من جديد
مبروكه..حي علي من شنو
انا..مافيا شي خطبت في الباب ساهله لكن انحلن
مبروكه..وتوا شن تحسي
انا...لااكويسه الحمدلله
____
هادي..مش عارفه شن صار فيهم
هاجر..اكيد في الطريق
هادي..ان شاءالله خير نرن عليهم
مع رنت الجرس
هاجر..اكيد هم
هادي.نزل تلفونه شوفي من
هاجر...هي
مشت حلت الباب
هاجر....هبهههه
هبه..ههههه اهلين
هاجر..حضنتها مرايفه عليك
هبه..وانا اكثر جوري
حواء..تركب من الدروج مرحبا
هاجر..خير ياخالتي حضنتها شخبارك انستونا وين الغيبه
حواء.. الله يانسك الحمدلله شخباركم انتو
هاجر..اكويسين الحمدلله مريفين بس
هبه&حواء ...حتي نحنا
هبه...هههههه مع بعضنا
حواء..ههههه القلوب عند بعضها
هاجر..انستو تفضلو تفضلو
حواء..وين مبروكه مش باينه
هاجر...اكيد في طريق ماشيه لعمتي سعده
حواء..فضيحه معاها سعده
هبه..من ياماما
حواء..قريبتنا
هبه..اها
هاجر..وين عمي مصطفي
هبه..بابا برا خشو انا نمشي نشوفه
هاجر..اها خليه يخش جوا
حواء..اكيد ينزل في الحاجات
كانت.هبه رقيقه موصفاتها طويله ورقيقه وبيضه وعيونها عسليات وسعات ولبسه بداله رسميه كحليه طول الركبه وسوريه بيضاء وشاح عزقته علي شعرها وسندل بسيييط بكل بكل ماكنها اخت هاجر نهاااائي لاشبه ولاالستايل كانت الرقه وهدوء واضح فيها
هبه..بابا هيا تعال
مصطفي..هيا جيت انزل هذين بس
هبه..هات انساعدك
فرج..يهدي بالسياره
انا...اهي هبه جت
مبروكه..وقف يافرج
فرج..راكي تنزلي وسياره تمشي استني اشوي هههه
انا...ههههه حتي انا مرايفه عليها
مبروكه..ابنيتي
هبه..بحضن خير ياامي
مبروكه..انستينا ياامي
هبه...الله يانسك
انا..عطوني اشويا بس
هبه..هههههه تعالي والله مرايفه عليك الحمدلله ع سلامتك
انا...والله حتي انا الله يسلمك
فرج..شن يعني انا مالياش حضن ولاكيف
هبه...هههههه لاحضن كبير
وبعد الاحضان والرياف خشو كلهم جوا هبه هادي شن صار فيه
انا...اهو في داره
هبه..نمشيله مرايفه عليه
ومشت هبه لهادي
حواء..حرمتكم منها
مبروكه..ضامنه اني معطيتها لنفسي انتي هيا انا
حواء..اللي درتيه مادارته وحده غيرك
مبروكه..ربي يفرحنا بيها
حواء..يارب
تسريح في الاحداث
العائلتين كانو فرحانين باليوم هذا تحديداا بلمه العائله وهرجتهم
وفرحه الناجي ب هبه
____
صباح يوم جديد وتحديدا س10 الصبح
جلال...ينظم في اورق في مكتبه
كمال...صباح الخير
جلال..صباح النور
كمال..عندك تحقيق
جلال..اها
كمال...بعد تكمل شن رايك انتغدو برا
جلال..انشوف
كمال..خلاص كان كملت بدري تعال المكتبي نطلعو مع بعضنا
جلال..تم
مع رنت تلفونه
كمال..خلاص شوف تلفونك سلام
جلال..سلام..
رن تلفونه اخرا
جلال...الووو
انا...الووو
جلاال..من امعايا
انا ..نور جلال انا
جلال..رقم منو
انا..هذي حاجه ماتخصكش
جلال..ر ق م م ن و
انا..هذا رقم هاجر جيبلي تلفوني قبل مايشكو فيا
جلال..مش جايبه
انا..لوسمحت
كمال..صكر في وجها
انا...الوو اوووووف الحقير صكر
شن اندير توا يعني
هاجر..نور
انا..نعم
هاجر..واعيه
انا..اها واعيه تعالي نبيك
هاجر..نور تعالي افطري ناقصك انتي بس ملتمين كلنا
انا..هاجر الحقير مابش يجيبلي تلفوني
هاجر..ههههه عارفه ب فرحتي ب هبه انسيت اللي صار كله
انا...شن ح يسير
هاجر...اكيد مهيج بالصور ههههه بس اطمني مش ح يسيبك بكل بذات كان شاف وانتي لبسه الفستان الاحمر في فرح صاحبتك
انا..هااااجر نبي تلفوني
هاجر..رني عليه
انا..رنيت قالي.........
هاجر..ع اساس رقمك رقمي
انا..اهااا
هاجر..والله ماني عارفه المهم تعالي ماتفكريش توا ايجيبه لك.
____ Ñř Ŕóhã
جلال..حط التلفون ع المكتب وطلع كان شمسه عاليه وفرحته مش عطيها لحد ممكن لانا شاف ملامحها من قريب مش عارفه المهم الفرحه بينه فيه
____
امنه...جنات تعالي افطري
جنات..انغير ديبر فائق بس
جمانه..ماما اي عشاء اللي مشيته
امنه...هذا ............
جمانه..خلاص معناها انأجلوها بكرا
امنه..ع راحتكن
جنات..شن اللي نأجلوها بكرا
امنه..علي مشيتكن لنور
جنات..لاخليها اليوم اصلا ماما ماشيه نكونو نا وياك كساد نمشو ونجو قبل المغرب
امنه..شوفن جمال وانا نمسك لعيال بس م طولنش
جنات..جماااال
جمال..جيت
امنه..صباح الخير
جمال. صباح النور
جنات..جمال اليوم..........
جمال..الساعه كم
جنات..مع ال5
جمال..خلاص تمام لكن دورن مع من تروحن عندي مرضا واجد من 6ل 11ف ليل
جمانه..من بيروح بينا بعدين
جمال..انا طالع طالع انوديكن لكن من ايروح بيكن مش شوري
جنات..غير شيلنا بس
جمال..خلاص وتن ارواحكن انا طالع
امنه..وين
جمال..عندي صاحبي مريض نبي نزوره
امنه..تربح
جمال..هيا سلام
جمانه&جنات..باي
جنات..مش عارفه ليش جمال اختار تخصص هذا
امنه..هوا هك يبي
جمانه ..جراحه القلب تخصص صعب
____
الدكتور..والله شن انقوللكم انا نستنا فيه يفتح اعيونه مازال ماستجاب معايا
ساره..من كثر البكا مش قادره حتي ترفع اعيونها منهاااره
ادريس...ساره
ساره..بحتت فيه مافيش اي ردت فعل
ام ياسين....ينعلي اوليدي ينعلي وحيدي نبي نشوفه
ساره..تبحت فيها وتبكي
ام ياسين..شن داير طمنوني عليه ماعنديش غيره حي علياا
خواته ..
مها...تبكي طمنونا عليه ماعندناش غيره بعد بابا لوسمحتو نبو نشوفوه
ساره...انا اللي اسببت في كل شي انا اللي خليتكم اتعيشو الشعور هذا انا اللي وصلتكم لهنا انا المفروض مكانه انا انا تبكي بهستيره
صفاء..تبكي ياربي مالناش غيره ياربي احفظه لنا
فاطمه...وسعن بالكن ربي يحفظه ويحميه
ساره..صبت هوب طاح من طولها
ام ياسين...ساره طاحت
ادريس..لاحول الله رفعها وخش بيها لدار
في يومها ساره الدنيا اسودت قدامها ساره البنت القويه اللي م حد يقدر يكسرها في يومها انكسرت معش عندها نيه في الحياه ولاالناس كان خاطرها تصكر اعيونها تلقا روحها في عالم ثاني
وفات الوقت
جمال..جنات جمانه وتيات
جنات..تلبس في خمارها واتيه
جمال..هيا برا انا
امنه..جمال تكي علي الحلواني خوذ حلويات
جمال..تمام
وطلعو في السياره
جمانه..جمال مش من حقي نسال
جمال..تبي تسالي علي انوار
جمانه...اهاا
جمال..موضوع وصكر مافيش نصيب بينا
جمانه...قبل فرحت تجي كنه اتونس ماما
جمال..توا تجي مراه جلال
وبدو يهدرزو ونقشات وقف ع الحلواني خذا قاتو وحلويات بعدها عصائر
جمال..شن تبو اخرا
جمانه..لاصحيت كفيت او وفيت
جمال..نمشو
جمانه&جنات...هيا
___
هبه..نور وينك
انا...في داري فاتحه تلفوني انتفرج علي صور ياسين نقرب في صور ونبعد وكانت حاجه خانقتني تعالي هبوش
هبه..نبي نقولك طالعه
انا...صاح وين
هبه..مشيين انا وماما لعمتي اخت بابا نسلمو عليها
انا..اها باهي تمام
هاجر..شوفي تقعدي معانا
هبه..قاعده اسبوع بعدها ماشيه عندي اقرايه والله
هاجر..ديما مش فاضيه راكي اختي
هبه..حضنتها هههههه عارفه ياخيه لكن انا بدون ماما مانقدرش نقعد
هاجر..باهي لبستك سمحه
هبه..ماتغلاش عليك
هاجر..سمحه عليك بعدها استايلك مش كيف استايلي
هبه..انعلي منك
انا..صاح سمحه
هبه..نجكليا سمح ايامك تفضليها
انا..سمحه عليك
هبه كانت لبسه بلوزه سمائيه تحت الركبه وسروال امريكي ازوق وكويشه بيضه وشاح ابيض وشنطه طويله سمائيه هاااديه وبسييطهه
حواء..هيا هبه
هبه...هيا ماما جيت
حواء..هيا ياماما باتك من بدري برا
هبه..صاح هيا عطلناه
انا...تعالن بدري
هاجر..تعالي نكسدو مع هادي
انا...ندوش ونجي
هاجر..نستنا فيك
حواء..الباب يدق اكيد مصطفي انسيت الشطنه عدي توا نلحقك
هبه..تلبس ف الكويشه توا نمشي نفتح
هبه...هيا هيا جيت افتحت
جمال..السلام عليكم
هبه..ارمشت بسرعه وعليكم السلام تفضل
جمال..هلي برا
هبه..انت من
جمال..انا اخ جلال
هبه..ماعرفتك انت بنعرف جلال ههههه المهم تفضلو ممكن يعرفوكم جو طلعت وسيباته
جمال...استني انتي من
هبه..انا بنت...........#يتبع
اسفه لو في لخبطه في الاسماء
انشالله تنال #اعجابكم
#انتظروووني_في_الحلقه_الثانيه_عشر
#ديرن متابعه لصفحتي عشان كل مانزل توصلاكن❤ ✍
