#قطعه_مني
#الحلقه_العاشرة
#بقلم Ñř Ŕóhã
من البداية حاول بقدر المستطاع إحتواء أى موقف قبل أن يتأزم و تتفاقم أثاره حيث لا يجدى حينها الإعتذار فى إنهاءه و إن نجح فى إيقافه مؤقتا أو بقاءه إلى حيث أنتهى به المآل ، فقليل من التعقل يمنع كوارث كثيرة ♥️
انا..وانت منو تدخل في حياتي وحياته اطلع من حياتنا
جلال..توا تعرفيني انا منو
انا..باهي تفضل اطلع هي برا
جلال..فك يدا بالقو ودفها
انا...طحت اااااه راسي
هاجر..اطلعت نورر وتبحت في جلال
انا..هاجر
هاجر. انت ياحيوان من انت كيف اتمد يدك عليها
انا..هاجر
هاجر..نور راسك فيه دم
انا..حطيت يدي مكان الجرح لقيت دم اطلع براا جلال😭
هاجر..اطلع ياحيوان
جلال..طبس خذا تلفون نور وطلع
انا..تلفوني هاجر
هاجر..لحقاته هات التلفون تلفوني مش لنور
جلال..طلع وسكر الباب وراه ماكأنا يسمع في شي نهااائي
اسمعت صوت السياره فرمها وعدا
انا...حي عليا
هاجر..منو هذا
انا..جلال الحيوان
هاجر..احييي شخصيته تهبل الفرخ وانا اللي نقوله ياحيوان تي انا الحيوانه حشمتيني معاه كيكه بالنوتيلا راجلك سامحني ياربي حتي ماهر شخصيته سمحه بس هذا لايوقاوم
انا...مش وقتك هاااجر
هاجر...صبي معاي نحول اللصقه وخلاص تعبت دم
انا...ياسين
هاجر..كنه
انا...خذا تلفوني فيه صور توا يعرفه
هاجر..كيف يعرفه
انا..ياسين جاني في المستشفي وشافه جلال
هاجر..تكذبي ولا
انا..لاااا مانكذبش هاااجر😭
هاجر... حي عليك فيه صور ل ياسين تلفونك
انا..في الخزنه
هاجر..الواتس
انا..دايرتلهن رموز
هاجر..عليش خايفه
انا..صوري في الأستديو
هاجر..هههههه يتفجر وينقلهن ويجيبه لك ويحدد الفرح في اسبوع ههههه اطمني كان صورك بس
انا..حيوان نقولها ل عمي يخليه يطلع من حياتي
هاجر..اللي شفته قدامي مش ح يطلع بسهوله معلسف شكله كبد رسمي
انا..حاجه ساخنه نزلت مني حطيت يدي دم واجد
هاجر..تعالي جوا
انا..مدي يدك
هاجر..مسكت يدي وخشينا جوا لداري
______
ياسين..في مكان مجهول ومخيف يشرب ويتكلم مع روحه نور دنيتي مستحيل انخليها لغير ياسين ياحيوان انت اللي تخليت عنها ياحيواااااان انت اللي غدرت بيها وخذيت رفيقتها ي اح ي و ا ن ويشرب يووووووه علينا اكيد ح ت س ممااا حنيي هذي ن و ررررر حبيبتي انا وبسس نمشي نقول ل سارة فوتيني ب ك ل عزق الشيشه ورقب السياره يسوق يبي يمشي ل سارة يسوق بطريقه سريعه سارة تبكي اكيد في حاجه شور نور متأكد وكان تفكيره يمشي ويجي مابين سارة ونور ومره مره يغيب ويفتح في اعيونه
ماحس بروحه الا والسياره منقلبه بيه....
_____
عبدالفتاح...مرحبا مرحبا
عمي..مرحبتين تفضل
عبدالفتاح..ع اساس نرقد اشوي ماجاني نوم
عمي..تحس اليوم في شي غريب
حتي النوم طاير
عبدالفتاح..اها والله
عمي..ياصالح جيب شاهي
عبدالفتاح..وقته نحس في راسي مصدع
____
جعفر.. جنات شخبارك
امنه...هههههه توا كيف صحصح
جنات..اكويسه الحمدلله انت شن اخبارك كنه راقيلك
جعفر..لاماكني شي عيب نكشف بهلك قدام نسيبنا احميده
محمد...هههههه
جمال..نحكيله انا احميده مش براني
محمد..كنا زعلان جعفر
جمال..شن رايك في سيارته
جعفر..كم لايك عليها
محمد..اكويسه ماشاءالله عليها
جعفر...ايوا شجعهم باهي
محمد...ههههه عليش قلت الصادقه
جنات..تهدرز مع امها ليش
امنه..بروحه وعا في صبح قال معش نبيها
جنات..معقوله والفرح محدد
امنه..شن تقولي وحلت فيه
جنات..اكيد فيه شي
امنه..مايبيش حد يحكي في الموضوع
جنات..وشن صار في جلال كان قلتي جلال نقولك متوقعه لكن جمال استغربت والله
امنه..لامازال شاد روحه
جنات. ماما بنات الناس مش لعبه كان مش نويين يوصلو لنهايه مايبدوش من اساس
امنه...والله ان شاءالله خير بروحي قاعده علي اعصابي من جلال ردات فعله يخوفن
جمال..انستينا والله
جنات...ابتسمت بوجودك
جمال..معش اطولي علينا
جنات..والله احميده مايفضي بكل م شغل كان اقريبه منكم اندز واحد منكم ايجيبني لكن البعد وخايفه عليكم م الطريق
محمد...سكنان هلي
امنه..لنا وين عليها رايفنا عليها
محمد..والله ياعمتي شغل صبح ليل
امنه..ربي يساعدك تكوني بخير يكفيني
جنات..ماما جمانه جايه
امنه..ماحددتلي اي يوم
جنات..لاجايه اليوم خليها بينا ديرتها مفاجاءة
امنه..صاح شن النهار السمح بناتي جياتني
جنات..بابا وين
امنه..طلع لصاحبه
جنات..مطول
امنه..والله ماعارفه
جعفر..قاعد شيطان فائق
جمال..جاي لخاله
محمد..اها طالع لجعفر
جعفر..غير يقعد كيف خاله لكن حظه لا
كلهم...هههههههه
جنات..وين جلال
جمال..طلع امبدري اشوي قال مش مطول
جنات..باهي
امنه. صبت
جنات..وين ماشيه
امنه. اندير عصير
جنات..راجيني نصبي معاك
جمال..قهوا جنو
امنه..لالا كبدك ذابت منها لاانت لاجلال ندير عصير اشرب
جنات..شن الحل
جمال.هههه خلاص الحاجه راقيلها
جنات..خليها بعدين
جلال..به
_____
هاجر..ييييه اثنين من الغْورز مفكوكات
انا...عطا كسر يوجع فيا😭
هاجر..ييييه الخياطه مفتوحه منظر الجرح يخوف
انا...كيف يعني😭
هاجر..شن نديرلك ندير قارزه ونصكرها لعند مايجي بابا يأخذك للمستشفي
انا...باهي يوجع في
هادي..هاجر وين راحتن
هاجر...اشوي بس
انا..حطي اللي قلتي عليها وخلينا نمشو ل هادي نين يجي عمي
هاجر..تركب في اللصقه حيوان كيف سمحتي يدفك
انا...جهدي دوبي شفتي انا وين جايه في
هاجر. .اخخخخخ لكن طرف ماتنكري
انا...بعدي من خلقتي ناقصني انا وصبيت مشيت لهادي
هادي..شن فيه من اللي يدق
انا..هذ
هاجر..جارتنا غاليه
هادي..كنكن اختفيتن انتن لاثنين
هاجر..مااصلا نور اخبطت في الباب انفكن الغْورز
هادي...لا كذا وريني
انا..اه
هادي..في دم ف رقبتك
انا..عارفه يوجع في فكتلي غْورزتين 😭
هادي..ضروري اخياطه هذي
هاجر..اها ضروري
انا..لالا مستحيل
هادي..نرن علي فرج يأخذك
انا..لالا هوا قال جايه بضاعه تشغله
هادي..باتي غادي هوا اللي يستلمها
هاجر..رن عليه
هادي..جيبيلي جهازي علي الشحن
انا..خليك قريبه منه انا انا مديته له
هاجر..اشربي قهوتك
انا..لالا معش عندي نيه فيهاا
هادي..يرن علي فرج
هاجر.كيف مايردش
هادي..شكله مش يلاه اوصامت
انا..خلاص فوتو بعد يجو نمشي
هادي..كان يرد بس
هاجر..يوجع فيك
انا..م نقدرش نطبس نحس لو نطبس يفكن باقي الغْورز
هاجر..بصوت واطي حيوان
فرج...ماسك الدفتر يكتب كم صندوق جاي والبضاعه والخ...
العامل..يااستاذ فرج
فرج..نعم
العامل..موبايلك من بدري يرن تفضل
فرج...شكرااا هذا هادي اكيد مال
هادي..الووو
فرج..قبل ماتبدا تهزب ماعندي مانديرلك الشغل فوق راسي لوجبتك مش حنكمل شغل اليوم
هادي..ياراجل مش قصه جيه
فرج...يصكر في دفتر شن فيه
هادي..مازال شغل واجد
فرج..جت البضاعه قاعد نكتب في الدفتر شن فيه
هادي..باتي قاعد
فرج..اها معاه اصحابه شن فيه
هادي..هذي نور اخبطت انفكن غْورز والجرح انفتح
فرج...اوووف كيف طاحت بس
هادي..لالامش طايحه اخبطت اخبطت
فرج...خليها توتي روحها اشوي وجاي كان قعدت يومين وينفكن بالمره
هادي..شن حيصير
فرج..نسلم الدفتر الباتي وجاي غادي خليها توتي روحها لي أنا الشغل فوق راسي
هادي..تمام اوكي
هاجر..شن قالك
هادي..وتي روحك لي انا الشغل فوق راسه قال
انا...تمام
___
هيام.. كاكاو
سارة..ماعنديش نيه
هيام...درته عشان غالي عليك
سارة..مخنوقه م خطريش في شي
هيام..كله يكون ذكره
سارة..مستحيل نقدر ننسا محمد
هيام..مش تنسيه بس ابدي حياه جديده طموح جديد هدف جديد
سارة.. مع من مع ياسين اللي مش طايقني
هيام..ممكن يتغير
سارة..مستحيل روحه معاها
هيام..اكيد بعد تتزوج ينساها
سارة..نقولك بعد يرقد معاي يتخيل في نور انا ياسين عايش معايا جسمه بس اما روحه وقلبه معاها هيا
هيام..تقدري تنهي كل شي حتي انتي عايشه معاه جسم اما روحك وقلبك مع محمد
سارة..وتكون اللي فازت بالنهايه نور صاح
هيام...مش قصه خسارة او فوز سارة القصه من الأساس راحتك انتي مش متريحه حتي واحد ف الميه معاه واضح عليك ماتبيش اثنين يحكو في الموضوع
سارة...محمد خسرته خسرة عمر ياسين املي الوحيد يايحبني وينسي نور يانكون معاه لعند ماربي يأخذني ل محمد
هيام..بحتت في ساره بحسرة
لن أنسى الأيام التي سلبت طبعي اللين وحولتني لشيء يقسو أمام كل الامور💔🥀
امنه...في حلويات جابهن جعفر حطي حتي منهن
جنات..تحط في الحلويات باهي ياماما احكيلي امتي فرح جلال
امنه..قالو بعد شهر عشان حادث نور اجلوه
جنات..هبلتني عليها جمانه نور
امنه..ماشاءالله عليها نور اسم علي مسمه
جنات..خلينا نمشولها
امنه.. امس كنت عندها
جنات..عادي نمشي انتعرف عليها ونحمدلها ع السلامه
امنه..مش عارفه مرات يقولو لالا
جنات..اووف باهي نبي نشوفهاااا جمانه من اول ماشفتها وهيا تحكي عليها نبي نشوف نور هذي اللي مهبله جمانه
امنه...معناها خليها نين تجي جمانه نمشو مع بعضنا
جنات...بكرا
امنه...بكرا عندي عشاء
جنات...باهي نقول ل جلال وديني
امنه..جلال ويوديك ههههه
جنات..مش زابطه صاح خلاص نقول ل جمال
امنه ..جمال ممكن
جنات...في صوت برا
امنه..ياجلال يا فتوحه
جنات..نمشي نسلم علي بابا مرايفه عليه
امنه..خوذي الحلو معاك
جنات..خذت الحلو وطلعت لصاله
_____
فرج..باتي
عمي..ها باتي كملت
فرج..كتبت اللي وصلت كلها
عمي..الله يربح
فرج..انا طالع
عمي..كمل شغلك قبل هذا رزقكم راهو مش رزقي بروحي
فرج..ياباتي كلمني هادي نور طايحه ولغْورز اللي في راسها انفتحن نمشي نخذها للمستشفي يشوفوها ونرد طول
عمي..صبا كيف الكلام هذا طلعت امبدري مافيها شي
فرج..لاماتخافش اكويس حكيت معاها قلتلي كمل شغلك وبعد تروح نمشي
عمي..متأكد
فرج..اها مع رنت تلفونه هادي
عمي..كان هك نمشي انا
فرج..لالا خليك نمشي ونجي علي السريع تلفونه يرن هذا هادي
عمي..رد
فرج..الوو
هادي..وينك
فرج..كنت نسلم ل باتي في الدفاتر وطالع
هادي...نور ترجا فيك
فرج..يلاك هيا
هادي..اها يلايا
فرج..عطيها ليا
هادي..فرج يبك
انا...خذيت تلفون الوو
فرج..الوو انتي اكويسه
انا..اها اكويس عارفه عندك شغل لكن هادي الله يهديه
هاجر..تحسها راكبه هادي الله يهديه ههههههه
هادي..اها هههههه
فرج..باهي تمام جايك توا هاكي باتي
عمي..الوو
انا..الوو نسمع فيك عمي
عمي..كيف طحتي يانور سيبتك مافيك شي
اناا..نذكر في جلال بعد دفني
عمي..نورر
اناا..دخت خبطت في الباب
عمي..انجيك
انا..لالا ماتعب روحك انا اكويسه بلكي يفكوهن ليا بالمره
عمي..عينك من روحك اهو جايك فرج
انا..تمام باي
عمي.معالسلامه
فرج..اطمنت
عمي..عينك منها وكلمني بعد تطلعو
فرج..حاضر خذا مفاتيحه وطلع
عبدالفتاح..شن فيه
عمي..هذي نور دايخه خبطت في الباب انحلن الغْورز اللي في راسها
عبدالفتاح...لالا
عمي..اها والله
عبدالفتاح..انا ماشي للحوش
عمي..بدري
عبدالفتاح..بدري من عمرك بنتي جايه اكيد وصلت
عمي..كان هك تربح حتي انا نرجا في هبه جايه
عبدالفتاح..تانسك
عمي..وتانسك
عبدالفتاح..خذا مفاتيحه وطلع
وعمي قعد يشيك في البضاعه اللي جايه
_____
سارة..نبي نمشي نعزي
هيام..ع محمد
ساره..اها
هيام..بس
ساره..نبي قلبي يبرد نبي نبكي مع امه وخواته انحس في حاجه خانقتني
هيام..بعد تمشي تضايقي اكثر
ساره..لالا ح نتريح
هيام..متأكده
ساره..اها
هيام...مع من تبي تمشي
ساره..مع بابا
هيام..بس بابا
ساره..توا نرن علي ياسين
هيام..براحتك
ساره..خذت تلفونها وبدت ترن
هيام..خاطرها اتعدل اخطاء اختها خاطرها ادلها علي الطريق الصاح خاطرها تقوللها انك اديري في شي الغلط بس كانها مكملات ايديها مش قادره ادير شي .....مَرات تَشُوف لِـ تصرفاتك وكأنّك تُحَارب العَالم ولَكنّ أنتَ متحَاربش الأ فَـ نَفسك .💔🥀
هيام..كيف مايردش
ساره..كالعاده
هيام..اكيد مش فاضي
ساره..نشوف اخر مكالمه اهو رد الووو واخيرااا رديت
الشاب..الوو من امعايا
ساره..انت من مش رقم ياسين
الشاب..بشنو تعرفيه صاحب الرقم
ساره..زوجي
الشاب..باهي في حد قدامك
ساره..شن فيه ياسين وينه
الشاب..صاحب التلفون داير حادث
_____
فرج..نووور
انا...هيا جيتك
فرج..واتيه
انا...واتيه
وطلعنا وطول الطريق وانا ساكته ونفكر ليش حياتي تمت هك حياتي كانت سمحه وبسيطه وكل شي فيها حلو نشوف في حياتي ب ياسين وضحكته وصوته حتي مشاكله كنت نسمع فيهن بدون ملل ونحلو فيهن وتكمل المكالمه بينا هوا متريح ومريقل وانا برضو ليش ياربي خششت جلال في حياتي حياتي ماكان نقصها شي الا انك تجمعني ب ياسين ليش ياربي كتبت نصيب ياسين لغيري وانا كنت ديما ندعيلك مايكون لغيري ويكون ليا وحلالي واب اعيالي شن دستلي الدنيا ياربي من مفاجائتها اخرا
فرج ..انزلي
انا...ماحسيت بروحي الا فرج يهز في كتفي هاييي نعم
فرج..وين رايحه وصلنا
ونزلت ونحس في الحياه نمشي فيها مش ليا مش هكي الحياه اللي نبيها وكنت نحلم بيها
ومشيت للعياده وستنيت دوري بعدها خشيت
انا..السلام عليكم
الدكتور..وعليكم السلام تفضلي
انا..انا كنت دايره حادث ومخيط راسي واليوم انفكت غْورزتين
الدكتور..حولي الوشاح
انا..مافيش ممرضه
الدكتور..هههه مش ح ناكلك والله اكيد فيه ممرضه
انا...ابتسمت
الممرضه..دكتور عقمتهن
الدكتور..وهذي الممرضه ممكن اتوريني الجرح
انا..رفعت وشاحي
والدكتور بدا يفكر في اللصقه والقارزا اللي حطتها هاجر لصقه
انا...ووووه عليا وقففف
الدكتور..من الغبي اللي دايرها لك
انا...نبكي لو سمحت بشويا توجع فيا
الدكتور..يفك بشوي بشوي بالميه لعند ما حول القارزا
انا..حولتها
الدكتور...اها والحمدلله علي سلامتك عارفه لو جايه الضربه قريب من العرق راه رحتي فيها
انا...شن يعني مش ح تحول الغْورز
الدكتور..مستحيل ضروري ماتخيط من جديد الجرح كأنا توا مش متسكر بكل
انا..لاااااا م تقولها
الدكتور...نخيطك توا ودور اليوم تجيني نفكه لك
انا..بس م نعرفش نرقد منا
الدكتور...لانا جاي في مكان واعر
لكن ح نخفف اللصقه انديها ع قصاد الخياطه
انا...تمام
الدكتور..نبي انديرلك بنج توا ونبدا انخيط
انا..بشويا باهي
الدكتور..حاضر
____
جنات..مرحبا
جلال..مرحبيتين شن امورك
جنات..تمام الحمدلله
جلال..انستي
جنات..بوجوك
جلال...وين فائق
جمال..رقد من جعفر دهشه
جعفر..خطوني مايحكي معاي حد
امنه...وين مشيت
جلال..يشرب في قهوا كان عندي مشوار كيف جمانه مش جايه
جنات..في طريق
جلال..تمام
اسيل..باتي زا باتي زا
امنه...شكله فتوحه روح
عبدالفتاح...شايل سيلا مرحبا مرحبا انستونا
جنات..الله يانسك بابا سلمت عليه وباست يده وراسه تعالي سيلا
سيلا...ترقا فوق لالا
كلهم..هههههه
عبدالفتاح..انست احميده
محمد...الله يانسك ياعمي
عبدالفتاح...وين الغيبه هذي كلها
جنات..والله يابابا محمد شغل ليل نهار
عبدالفتاح ..ربي يساعدك يارب
محمد...اجمعين
امنه..نعطيك قهوا
عبدالفتاح..توا شربت شاهي مع الناجي
جمال..الجرس يرن
جنات..اكيدد جمانه
امنه..نصبي نستقبلها
جنات..راجيني نمشي معاك
عبدالفتاح..شن اخبارك يامحمد
محمد..الحمدلله بخير
عبدالفتاح..انستونا معش تغيبو علينا هك
محمد..حصلت شغل اقريب احتمال نحول هنا بس مانبيش نقولها لجنات نين يسير منا
عبدالفتاح..ينقصك اي شي ماديرش غيبه
محمد..تسلم نعوزك طيب انشاءلله
جمانه..ماما
امنه...تحضن فيها انستونا انستونا
جمانه..الله يانسك
من بعد الأحضان والرياف خشو جوا سلمو علي الكل وفعلا واضح عليهم كلهم الرياف واللمه السمحه
بعد فات وقت
امنه..شن تبو العشاء
عبدالفتاح..شوفي اضيوفك
جمال..شن رايكم في مشاوي
كلهم..تمام
عبالفتاح..كلا ياباتي جيبيلي تلفوني علي الطوله
سيلا..وينه
عبدالفتاح..مدا لها يا جمال
جمال..هاكي سيلو
اسيل..عطيني انا خالو
سيلا..لالا انا باتي دالي انا
عبدالفتاح..وحده منكن نطمن علي البنيه
امنه..الستر من يافتوحه
عبدالفتاح..هذي ابناخيه الناجي في المستشفي
امنه..من نور قصدك
عبدالفتاح..اها طايحه شكلها مغمه عليها حاجه هك انفكن الغْورز اللي في راسها
جمال..بحت في باته......#يتبع
اسفه لو في لخبطه في الاسماء
انشالله تنال #اعجابكم اكثر شخصيه في الروايه عجبتكم من شجعوني في التعلقات عشان نكملها وماتقولو قصيره طووويله الحلقه
#انتظروووني_في_الحلقه_الحاديه_عشر
#ديرن متابعه لصفحتي عشان كل مانزل توصلاكن❤ ✍
