#قطعه_مني
#الحلقه_الرابعه_والعشرون
#بقلم Ñř Ŕóhã ✍
وكأنك أسقيت أضلعي فنبت قلبآ متيم بك....
نرجس..ههههه حطت الوشاح ع وجها ونزلت انا معش نقعد معاك خلاص اجنابي انزلت
هبه..ماسكه تلفونها ونازله تضحك
جمال.....حطي الوشاح علي خلقتك
هبه..شن قلت
جمال..كر طرف الوشاح وعزقه علي وجها هك قلت
هبه.. ارمش بسرعه 🥺
جمال..هبه انزلي خير ماندير شي مايعجبك قبل ماتنزلي حطي الوشاح ع خلقتك ونزلي
هبه..🥺من انت عشان تقولي ديري هك ولاديري هك ونزلت من الدروج
جمال..روحي هيا
هبه..ترفع في جمتها اللي طالعه من الوشاح مانحبش حد يتأمر عليا هك من ربك غير باتي وامي وبابا وماما
جمال..نزل علي الدروج اللي واقفه عليهن هبه مانبيش نكثر كلام ح ينزلن باقي الضيوف قدامي هيا كر الوشاح ومسك يدها هذا تحطيه هك
هبه..دفاته بالعناد ها خلت نص شعرها باين مش شورك بيا وخر يدك ونزلت من الدروج
جمال.. يبحت في يديها علي صدره دقات قلبه كانن فضحاته
هبه...نزلت كم درجه وبحتت فيه ابتسمت سقمت الوشاح وحطت باقيه علي وجها باينات غير اعيونها اللي ذوبن جمال بعد ترمش
جمال..هز براسه هههه تنهد من وسط قلبه ونزل وراها
هبه..ركبت مع هادي وعيونها علي الباب نين شافت جمال طلع
نرجس..شن صار
هبه...يهبلللللل
نرجس..ههههه كونا يهبل يهبل
هبه..تخشش في شعرها باهي خلاص سكرفمك عش تحكي علي كبيدتي
نرجس..حقربي مش عارف كيف قدرت نمسك روحي قدام الناس يابارده صوت ضحكتي شهداره اغلب وقتي حاطه يدي علي فمي
هبه..ههههه مانقدرش نسيطر عليه الساني
نرجس...هههههه خطيره بس م نقدرش نقعد قدام الضيوف معاك
هبه..عيونها علي الباب
وجمال..واقف عينه علي السياره
هادي..ركب في السياره..كملتن
هبه..انشاءالله المشيه الثانيه بتاتي هودي
نرجس..هههههه
هبه..خزي عليك قولي ان شاءالله
هادي..انشاءالله
هبه..اناعلي عارفه انكم مشغولين عليا وتبو تتهنو عليا والله لكن نصبي واقف
نرجس..ياربي امتا نروح انا خلاص اجنابي
هبه..علت صوت الاغاني وتغني
هاجر..نعيما ياروحي
انا. ينعم عليك تعبتك
هاجر..ريتي هالتعب نجكليا
انا.. العقبال ماندير سويت فرحك
هاجر..اللهم امين
انا.. نمشي ندوش قبل مايجو
هاجر..انا انشيل هذين اكيد اقريب يطلعو
انا..تمام خشيت خذيت الديجمبر وطول للحمام
صفاء..ماما م شفتيش الفحم كملنا الحوسه
حنان..شوفيه في درج المطبخ
صفاء..تمام مشت فتحت الدرج لقاته خذت ثلاث وحدات ولعتهن وخشت اتبخر ب الفاسوخ
هاجر..تعبناكن انشالله العقبال عندكن
صفاء..نجك ليا العقبالك نمشي نبخر المربوعه والباقي الحوش
هاجر..نشيل هذين ونجو نهدرزو نجكن لي مش مخليات شي في الحوش
صفاء..ريتي هالتعب انا نحب شغل واللم مانحبش نكمل وقتي غير مقعمزه
هاجر..يعطيك الصحه
صفاء..اجمعيين
جلال..واقف في سياره لعند اخر سياره عدت ولع وجا للحوش درس السياره ونزل منها وركب لشقته
جمال غير تعال ياجعفر انتفرجو
جعفر..ياراجل فكنا منا
جمال..انا راكب
جعفر...استناني باهي
جلال..ركب وفتح الباب لقا البنات فوق من اول م حقنه انزلن كلهن من مطلع الدروج اللي ودن لحوش عبدالفتاح
اسماء...انخاف منه
اماني..حتي نحنا بردات
جمانه..تعالي بيشو شيلي هذين
جلال..مصبي في وسط الصاله يشوفلهن
جمانه..اكيد مش ح نخلو الضيافه
جلال..شيلنها ونزلن
جمانه..هيا بيشو
بشري..تشيل في السفر ونزلن كلهن صكرن الباب وراهن
جلال..حط مفتاحه ع الطوله وطول لدار النوم قابله الشطار معلق عليهن الارواب يتفرج ويبتسم فتح الدولاب دبش نور اللي معلق يتفرج الابتسامه مش مفارقته نص الارواب هبه معلقتهن علي الشطار الدار الوان مغريه والدار المنظمه بنت العطور اشكال الوان خذا عطر من عطورها كان نينا ريتشي وقعمز علي السرير فتحه ومغمض اعيونه هايم في البنه يتخيل في نور وهيا تبخ فيه مع دقت الباب
جلال..صكر العطر وطلع من
جمال..طقطقطقطقططقطق
جلال.تي شني هذا فتح يبي يبدا يهزب
جمال..مبروك عريس نبو نخشو انتفرجو
جلال..تبقا طيب مايسير شي
جمال..مانبي شي نشوف دار النور قالو سمحه واخذها بلكي ناخذ كيفها
جعفر..شن يعني تحركن مشاعرك
جمال..من فتره متحركات نبو اشاره بس
جعفر..ههههه
جمال..وخر نبو انتفرجو علي جيب مراه خونا
جلال.. يدف فيهم مايسير شي برا
جمال..تي حقربي ماشي طول لدار النوم
جلال..ههههه جمااال
جمال..خلينا انتفرجو ونطلعو
جلال..باهي خليكم وقفين هنا
جمال..تمام
جلال..برم وجه يبي يخش
جمال..تبي تصكر الدار ههههه دفه وطلع يجري
جلال..وراه يجري هههه تي علي جثتي اتفرج عليها دار النوم
جمال..الزبده كلها فيها
تما يجري في جرته في صاله وجعفر يصور فيهم وميت ضحك
جلال..جرا لدار طلع المفتاح وصكرها وهوا داهش
جمال..يحاول ياخذ منا المفتاح
جلال..يرفع في يده تحلم حرمتي الزح
جعفر..حرمته الزح بلا تزليط ههههه
جمال..كان انا اللي متزوج والله نخليكم اتفرجو علي الدار
جلال..مشا لصاله قعمز علي الصالون داهش تي حق الله ماحالها فيش تحكي انت
جمال..كان انا والله نفتحها
جعفر..يصور ويقرب من وجه جلال شن جلال يامتاع نور ههههه
جمال.هههههه
جلال..رفع يده وخر الخرا من وجهي
جعفر..هيا جمال مايقدرش يورينا حاجات حرمته ههههه
جمال..ههههه خيي حنون توا هذا يحللنا انتفرجو
جعفر..غمز ل جمال المفتاح في يده
جمال..فطن لجلال يحكي والمفتااح في يده
جلال..خلاص تفرجو علي باقي الشقه
جمال..م الزيده كلها في الدار وكر المفتاح
جلال..لاا بدا يجري في جرت جمال
امنه..شن الصوت اللي فوق
جمانه..جلال فوق
امنه..كنا تقول يجري
جلال..جمال والله علي جثتي تفتحها
جمال..تعال جعفر كتفه وحطه في وحده من الديار علي ما تفرجنا
جعفر..صاح انا طويل لكن جهدي مش كيفكم خايف ع هالروح ههههه
جلال..تقرب جعفر نضربك
جمال..لوي يد جلال
فمه قريب من وذنه هههههه تغار عليها من توا
جلال..فك يدي غير خايف نبرم عليك انطيحك علي الطوله
جمال..هههههه فك يده كل شي علي البركه الدبش اللي جيبته في باقي الشقه ذوق
جلال..اطلع باه
جمال..تغار نشوفو دبش اللي جيبته
جلال.اهاااا اهااا تقعدو تخيلو في ...خليني ساكت مانبيش انفلم
جمال..هههههههه لاصدقت في هذي
جعفر..كل شي علي البركه افندينا
جلال...روحو هيا يدف فيهم
جمال..مادفش بس حقربي انطلع فرحي م نخليك تشوف حاجه
جلال..مش شايف حتي انا هيا اربحو
جعفر..حي من توا بدا يغار عليها
جلال..حقاتي
جعفر...توا نشوفوها تستاهل الغيره ولا
جلال..روح يافرخ حتي كلام مافيه معاها
جعفر..لاهذي ماتشرطها علينا انت طبعك واعر لروحك خلينا نختلطو فيها
جلال..روح
جمال..خبط جلال علي كتفه كل شي علي البركه لمعه اعيونك وانت خايف انا انخشو لدار فاضحتك
جلال..امشي روح
جعفر..مبروك عريس كلمه اخيرا قبل مانصكر الكاميرا
جلال..قرب يشتشت في شعره العقبالك
جعفر..لاهذي اكيد حتي انا وحقربي اندير العار م نخليكم تخشو داري
جمال..انا نخليكم توا تشوفو
جعفر. لاانا غيور كيف خوي
جمال..ماتبيش تفتح الدار
جلال..روح قلت
جمال..ننزل يعني ركبت علي الفاضي
جلال...معاكم نازل حتي انا
ونزلو هم الثالثه
