يا إما ضابط يا اما بلاش

الفصل الخامس

#لـِ مريم نصر "ظلال خفية"

#رواية يا اما ضابط يا اما بلاش.

#الفصل الخامس.

طرقت مريم على الباب الخاص بمكتب رحيق فأذنت لها رحيق بالدخول.

مريم بضيق:برضو عملتي اللي في دماغك وجيتي.
رحيق ببرود:عايزه ايه يا مريم؟
مريم بدلع:بما انك في اجازه وبتيجي كده وانا كمان اخدت اجازه تعالي نسافر شرم يومين.
رحيق بهدوء:ماشي.
مريم بفرحه:بجد؟
رحيق بإبتسامه:بجد.
مريم:طب انتي هتنزلي المايه وانتي متعوره كده ازاي؟
رحيق بهدوء:عادي ممكن منزلش اشم هوا وخلاص.
مريم:اشطا عليكي، اجهزي بقى علشان هنسافر بعد ساعتين.
رحيق:لييييه؟ ماتصبري لبكره حتى.
مريم:لا كمان ساعتين علشان نلحق نوصل قبل ما الدنيا تليل.
رحيق:خلاص غوووري.
مريم:اشطا عليكي يا قمر.

ثم ذهبت مريم بينما جمعت رحيق أشياءها ووضعت ملف قضية المخدرات في حقيبتها وذهبت إلى منزلها.

رحيق :باباااا.
هشام:ايه يا حبيبتي؟
رحيق:انت روحت الشركه النهارده؟
هشام:لا، نادر هناك فأخدت النهارده اجازه.
رحيق:طب انا مسافره.
هشام:وانتي تعبانه كده؟ ده انتي لسه مفكتيش دراعك يعني روحتي الشغل وقولنا ماشي لكن هتسافري لا.
رحيق:يا بابا انا هسافر اشم هوا انا ومريم يعني مش شغل.
هشام بيأس منها:اعملي اللي يريحك.
رحيق:انا هسافر كمان ساعه كده.
هشام:ماشي يا رحيق خلي بالك من نفسك.
رحيق:وانت كمان خلي بالك من نفسك انا هروح اجهز حاجتي.
هشام:ربنا معاكي يا بنتي.

وصعدت رحيق لكي تجمع أشياءها المهمه وبالطبع لم تنسى أن تضع ملف القضيه معها، بينما في الأسفل كان يجلس هشام في مكتبه وكان يحدث نادر في الهاتف.

هشام:طب وانت ليه مااتصلتش بيها النهارده؟
نادر:مش عايزها تحس اني تقيل عليها، عايزها تأخد قرارها بنفسها، تفتكر لو عرفت الحقيقه هتتخلي عني؟
هشام:الله واعلم يا بني محدش بيتوقع رد فعل رحيق في اي حاجه، مش انا ابوها وبقولك اهو معرفش رحيق ممكن تسامحك ولا لا؟
نادر بتمني:يارب تسامحني انا خبيت عليها علشان احميها.
هشام:عارف يا ابني، ولو مكنتش عارف كده مكنتش قبلت اساسًا انك تعرض عليها الجواز.
نادر:هقفل انا دلوقتي علشان ورايا شغل.
هشام:ربنا معاك يا ابني.

هبطت رحيق من غرفتها وذهبت إلى والدها وضمته.

هشام:خدي الدوا في وقته علشان جرحك يلم بسرعه ومتجهديش نفسك علشان جرحك مايتفتحش.
رحيق:وانت كمان يا بابا خلي بالك من نفسك سلاام.
هشام:سلام.

وركبت رحيق سيارتها وذهبت إلى منزل مريم ووجدت مريم وسراج ينتظراها امام المنزل فنظرت لمريم.

رحيق:ايه اللي جاب الحيوان ده هنا؟
سراج:اصل عرفت انكم مسافرين قولت ماينفعش تسافروا من غير راجل.
رحيق:طب امشي يا راجل قدامي يلا علشان انت اللي هتسوق.
سراج بحنق:رجعت في كلامي انتوا اساسًا تأكلوا حيطان.
رحيق:امشي قدااامي ياااض.
سراج:يااااض؟! بقيتي بيئه اوووي يا رحيق.
رحيق:يا ابني اتقي شري وامشي قدامي يلا علشان نلحق نوصل بدري.
سراج:ماشي.