يا إما ضابط يا اما بلاش

الفصل الثاني عشر

#لـِ مريم نصر "ظلال خفية"

#رواية يا اما ضابط يا اما بلاش.

#الفصل الثاني عشر.

فى اليوم التالي استيقظت رحيق وهي تظن ان كل ما رأته ما هو إلا حلم ولكن عندما وقعت اعينها على فستان الزفاف وعلى الدماء التي توجد عليه تيقنط ان هذا حقيقه وان نادر قد مات بالفعل ولكنها ذهبت بكل هدوء ارتدت ملابس سوداء تتكون من بلوزه طويله وبنطلون وحجاب ثم هبطت إلى الاسفل وشاهدت والدها وسراج ومريم جالسون وكان الحزن يخيم على المكان فنظرت لهم ثم خرجت من المنزل.

مريم:سراج الحق رحيق فاقت.
سراج:فين؟
مريم:خرجت قوم شوفها راحت فين؟
هشام:قوم يا ابني شوفها بسرعه وطمني.
سراج:حاضر يا عمي.

ولكن عندما خرج كان لا يوجد أثر لرحيق وسيارتها فعاد مره اخرى.

هشام:رحيق فين؟
سراج:مش موجوده، بس ماتقلقش عليها شويه وهتلقيها راجعه.
هشام بحزن:موت نادر أثر فيها جامد يا سراج، ماكنتش عايزه تتعلق بحد ولما سراج دخل حياتها كانت رفضاه في الاول بس قررت تدي لنفسها فرصه بس خصرت نادر.
مريم:ان شاء الله هتبقى كويسه.
هشام وسراج:يا رب.

بينما عند رحيق ذهبت إلى الشاطئ الذي طلب نادر الزواج منها فيه وجلست على الرمال وهي تنظر على أمواج الشاطئ بشرود وهي تتلاطم بعنف وتذكرت كيف أعترف نادر لها بحبه وكيف تعلق قلبها به في فترة قصيرة وهنا سقطت دمعه حاره على وجنتها فقامت بمسحها سريعًا وفاقت من شرودها على صوت هاتفها ولكن الرقم الذي يتصل رقم مشفر فردت.

رحيق:الو.
الشخص:عجبتك الهديه؟ علشان تبطلي تلفي كتير ورايا، و احسنلك تسيبي رجالتي اللي قبضتي عليهم في آخر عمليه.
رحيق بهدوء:مستحيل، وقريب اوي هتقع في أيدي.
الشخص بضحكه مستفزه:ده بعينك وهنشوف مين فينا اللي هيكسب.
رحيق بتحدي:هنشوف.

ثم اغلقت رحيق في وجهه واستقلت سيارتها وذهبت إلى القسم حيث يتم حبس المتهمين الذين تم القبض عليهم في آخر عمليه وذهبت إلى غرفة التحقيقات.

رحيق:سمير محمد علي، شغال ايه معاهم؟
سمير:انا اللي بستلم البضاعه وبنقلها يا هانم.
رحيق:مين زعيمكم؟
سمير:معرفش.
رحيق بعصبيه:ازااااي متعرفش؟ اومال انت شغال مع خيالك؟
سمير:والله يا هانم معرفش مش بيظهر لحد فينا.
رحيق بسخريه:قالو للحرامي احلف.
سمير:والله يا هانم مابكدب هو فعلا مش بيظهر لحد فينا ولا نعرف اسمه احنا بنقوله يا ريس الوحيد اللي يعرف هو مين واحد بس.
رحيق بإنتباه:مين؟
سمير:علاء.
رحيق:ومين علاء ده؟ وساكن فين؟
سمير:علاء ده الدراع اليمين للريس، وساكن فين فهو ساكن في.....
رحيق:تمام اوي يا سمير، يااا عسكري.
دلف العسكري:تمام يا فندم.
رحيق:خده على الحجز.

ثم خرجت رحيق من غرفة التحقيق إلى مكتبها وقامت بالاتصال بسراج.

سراج بلهفه:رحيق انتي فين؟ طلعتي مره واحده من غير ماتقولي انتي رايحه فين.
رحيق:سراج انا كويسه وفي القسم ممكن تقولي المتهمين لما حققت معاهم قالولك ايه.
سراج:الخمسه قالوا ان الريس بتاعهم مش بيظهرلهم خالص.
رحيق:تمام تعالى على القسم علشان في هجوم كمان شويه.
سراج:ليه؟
رحيق:تعالى انت ومريم بس ولما تيجي هحكيلك كل حاجه.
سراج:ماشي يا رحيق.