يا إما ضابط يا اما بلاش

الفصل التاسع

#لـِ مريم نصر "ظلال خفية"

#رواية يا اما ضابط يا اما بلاش.

#الفصل التاسع.

وبالفعل نفذ كلا من سراج ونادر كلام رحيق وقام سراج بإنهاء حفل الزفاف، وذهب سراج ومريم إلى الشاليه، وعندما دلفوا وجدوا رحيق جالسه وقد ابدلت فستانها.

رحيق:بسرعه غيروا هدومكم وتعالوا.

وبالفعل دلف مريم وسراج إلى غرفهم وابدلوا ملابسهم وخرجوا مره اخرى إلى رحيق.

رحيق بهدوء وجديه:اولا كده انا اسفه جدا اني نهيت اليوم بالشكل ده.
سراج:ولا يهمك يا حبيبتي واكيد انتي مش هتعملي كده غير لو في حاجه قويه.
رحيق:سراج فاكر يوم لما اضرب علينا نار.
سراج:طبعا وهو ده يوم يتنسي.
رحيق:من يومها وانا بيجيلي رسايل تهديد.
سراج بقلق:ومقولتليش ليه؟
رحيق:اهدي يا ابني، انا لحد دلوقتي جالي تالت رسايل تهديد واخر واحده اتبعتتلي النهارده في الفرح، علشان كده انا قولتلك تنهي الفرح على كده.
سراج:طب والمفروض نعمل ايه؟
رحيق بتجاهل لكلامه:انا اللي متأكده منه أن المسئول عن الهجوم اللي حصلنا ليه علاقه بالقضيه، انتوا مفكرين ان انا جيه هنا استجم زي مانتوا عارفين؟ تبقوا هُبل، انا معايا ملف القضيه من ساعة ماجينا هنا وانا بسهر عليه ادرسه وحطيت خطه للهجوم.
سراج ببلاهه:وقدرتي تعملي كل ده لوحدك؟ طب اللواء ياسر عارف؟
رحيق:من أمتي وانا بستنى مساعده من حد؟ واه اللواء ياسر ببلغه كل حاجه اول بأول، المهم احنا بطريقتنا الخاصه قدرنا نعرف معاد تسليم الشحنه الجديده ومكانها.
سراج:طب ده كويس.
رحيق بسخريه:سراج انت قريت ملف القضيه؟
سراج:كل اللي فهمته منه ان محدش يعرف رئيسهم لحد دلوقتي.
رحيق:طب نبدأ بسم الله.
سراج:مريم انتي ساكته ليه؟
مريم:ولا حاجه مش لاقيه حاجه اقولها، يلا يا رحيق إبدائي.
رحيق بجديه:الخطه كالآتي المكان اللي هما قالولنا عليه بمزاجهم مريم هتأخد عدد قليل من الضباط يعني خمسه سته بالكتير وهتروح هناك، اما انا وسراج هنروح المكان الأصلي اللي فيه الشحنه، واه على فكره معاد تسليم الشحنه النهارده الساعه ٤الفجر.
سراج:طب والمكان هنا ولا في اسكندرية؟
رحيق بسخريه:مش بقولك انك غبي، بذمتك انا من امتى بوافق اني اسافر معاكوا؟
سراج ببلاهه:تصدقي صح.
رحيق:المهم المكان اللي مريم هتروحه قريب من هنا يعني خمسه كيلو بالكتير وهتلاقي الضباط مستنينها هناك علشان يقدروا يعملوا تمويه ويفهموا العصابه انهم قدروا ينجحوا ويشوشوا علينا، اما المكان اللي انا وانت هنروحوا فهو بعد عشرين كيلو والفريق هيبقى مستنينا قبلها بإتنين كيلو.
سراج:تمام اتكلنا على الله.
رحيق:يلا نطلع ننام علشان هنصحي على الساعه ١٢ علشان نبقى فايقين ودلوقتي الساعه٧.
سراج:يلا يا مريم نطلع ننام.
رحيق بسخريه:يلا يا مريم نطلع ننام؟! على اوضتك يا بابا، على اوضتك يا حبيبي، ومريم كمان هتطلع اوضتها.
سراج:بس ده ظلم مريم مراتي.
رحيق:بعد المهمه يا حبيبي.
سراج:ربنا على الظالم والمفتري.