نهوة استاذي

الجزء الثاني والاخير

#نهوة _أستاذي
#بقلم الكاتبة _Zoza25

#الجزء الثاني والأخير..

٠٠٠٠٠٠٠٠٠

تسألني ما أجمل شعور في الدنيا؟

فأقول لك: أن تشعر أنك لا تهون!

أن تشعر أنك بمأمن ولو أخطأت، وأنك مفهوم ولو خانتك مفرداتك، وأنك لا تُستبدل ولو كنت في مزاجٍ سيء،  وأنك لا تُغادَر ولو شعرت أنت برغبةٍ في أن تغادر نفسك!

ياصاحبي، لا شيء أجمل من أن تعرف أن خاطرك سيُشترى على الدوام، وأن دمعتك ستُمسح مهما كان الظرف، وأن يدك لن تُترك مهما بدا الوضع شائكاً.

- أدهم شرقاوي

٠٠٠٠٠٠٠

دنيا_ أخير فترة صرت اتعب من أقل شغل وبس اريد اخلص  الي عليه حتى اروح اتمدد وانام وحتى بعلاقتي ويه احمد قصرت بسبب شعور التعب المستمر احمد اول شخص لاحظ هل تغير بية ومجان عاجبة وضعي..

بالبداية جان عبالنه تعب طبيعي من الشغل واركض وره بنتي ومسؤولية البيت بس من استمر وضعي اجاني احمد حجة وكأنوا ببالة موضوع ويريد يتأكد منه..

احمد _دنيا اليوم من ارجع من الشغل العصر حضري روحج نروح للطبيب وضعج زاد عن حده..

دنيا _هاا مادري بكيفك..
باوع بعيوني وحجة

احمد _مشاكة بروحج حامل؟

دنيا _الصراحة اي بس ماعرف خايفة فضليت ساكته..

احمد _من شنو خايفة بالضبط؟

دنيا _دنكت افرك بأيدي..
خايفه يطلع ماكو حمل ويخيب ظنك لانو ادري بيك منتضر هل خبر..
مد ايده فوك ايدي مطمني

احمد _حبيبتي شنو القصة ليش محملتها اكبر من حجمها اذا اكو خيراً على خير واذا لا الحمد لله على كل حال القاسمة الله يصير وهسه عوفي هل افكار على جهه وكومي حضريلي الريوك بين ماسبح وابدل..

دنيا _صار..
نزلت حضرت اله الريوك وخدرت الجاي مصبيته انتضرته ينزل يلا حتى ميبرد..شوية ونزل

ابتسمت على شكلة المعتاد نزل بأناقته المعتاده شكد ميكبر يظل محافظ على ترتيبة وشكلة صح قبل جنت كلش اضوج واغار لانو بالجامعة محد يدري بية مرته بس بعد ما الكل عرف قللت غيره..

احمد _ام جمانة عينج شوية تره مرتي تغار عليه لسويلي مشاكل من الصبح..

دنيا _ضحكت وحجيت..
شسوي يا ابو جمانة معجبة بيك وماكدر اشيل عيني عاد لتفكر اني احجي ويه مرتك وتقبل اباع عليك شكد مايعجبني..

احمد _فداها لمرتي وبنتي اروح...

دنيا _عمري ربي يحفظك النه..
تريك وكمل ديطلع ركضت جبتلة كمامة ومعقم جانت بداية كورونا والناس منها الخايفة ومنها إلى ممصدكة بوجود هل فايروس لهسه ومنهم احمد..
باوع عليه بملل وحجة