نهوة استاذي

البارت الثاني والعشرون

نهوة استاذي ❤️

بقلم _Zoza25
(البارت الثاني والعشرون)
قرائه ممتعه ♥️
..................................
عريان يگول :
‏يا هنيّ و يا شوگ روحي
و يا عزيز و يا مزار
يطفح بچفي حنينيّ
و من حَنيني إعليك أغار ♥️
.....................................
احمد _ههه شكلج مشتكين على حسين لانو موصل جاسم للموت واكيد عمتي الحبابه مسويه هيج....

ام حسين _ياايمه راح ابني مني هنوب شكاعد يصير دخليك يا ربي.. ركضت على حسين لزمته من ايده

يمه بداعتي عدك لا تروح وياهم..

حسين _شنو السالفه يمه شايفتني جبان مثل هذاك العار.. اروح واطب بنص عينهم

ام حسين _يمه بداعتي عدك والله اخاف عليك

حسين _باس راسها.. والله ارجع هاي شبيج يمه ماعدج ثقه بيه.. واني صاحب حق وربج ميخذل عبده وينصر الظالم.. اعتبريني رايح بشغله وجاي

ام حسين _كامت تبجي... يا بروده أعصابك..

حسين _يلا يمه لا تبجين تره ازعل عليج...

دنيا _طلع وعافنه وراحوا كلهم وياه للمركز ماعدى فهد مقبل احمد يجي وهم يبقه يمنه بقينه بس نسوان بالبيت __z͠o͠z͠a͠2͠5͠

صارت غصه بكلبنه شو من مصيبه لمصيبه حته افراحنه كاعد تتنغص علينه.. حملت روحي الذنب طبعا كله صوجي لو مو اني وطابه بهذيج الغرفه وصار الي صار مجان حسين كتله كتله موت

ومجان هسه أخذوا للمركز.. عفتهم وطبيت للغرفه كعدت ابجي على حظي وقدري ولا مقسوم النه الفرحه لازم تخرب

حطيت راسي بين رجليه.. كمت اسمع صوته.. شلت راسي رأسا ادور عليه بعيوني.. وينك وينك
ماكو؟
زين ليش داسمع صوته لهسه خفت حييل حسيت روحي كاعد اتخبل رسمي طبت مينا شافتني وضعي مو طبيعي اجت ركض عليه

مينا _شبيج دنيا ليش كاعد ترجفين وتبجين فدوه كافي والله يرجع بعد شويه

دنيا _م مينا اخاف اخاف لا تعوفيني حبابه

مينا _خوفتيني عليج من شنو خايفه هيج؟

دنيا _كاعد يطلعلي والله كل شويه يطلعلي بارحه شفته واليوم سمعت صوته بس من ادور عليه ماعرف وين يختفي.... كمت احس كلبي يدك كلش قوي حطيت ايدي عليه احاول اهدي نبضاته

مينا _كلش خفت من كلامها حالتها ابد مو تمام.. الله ينتقم منه الحقير شمسوي بيها لدرجه هيج تتخايله... دنيا امشي يمهم لا تبقين وحدج يلا اذا تبقين وحدج راح تضلين توهسين

وتره مستحيل يطلعلج لو يجي بعد لانو مشمور بالمستشفى شمره الجلب

دنيا _هزيت راسي بقهر بدون ما جاوبها.. وطلعنه بقينه يمهم كاعدين بالهول لا ساعه ولا ساعتين وإمي تلوب على حسين.. ومن تخابر محد يجاوبها انهارت اعصابها كلش