نهوة استاذي

البارت التاسع والثلاثون

قبل متقرون البارت دوسوا ال ⭐ ⭐ ⭐

نهوة استاذي ❤️

بقلم _Zoza25
(البارت التاسع والثلاثون)
قرائه ممتعه ♥️
........................
دنيا تكول 👈لأحمد

قد اكون لٱ احّ ـّـٌٍ❣ـٍّبّكَ لَـگِنْ...
شعور الأمان أحلى من الحب بألف مره ،
لأن أي شخص قادر يمنحك الحب لكن نادراً تجد شخص يحسسك بالأمان."
وعندما احببتك!!!
اصبحت لٱ ارى الامان اين اماني؟
..............................
احمد _كلها التمت عليه بنفس اليوم مادري المن التفت بيهن لسالفه رفل؟ لو خساره الجنين؟ لو روحه دنيا؟
حسيت روحي صدك خسرتها من صعدت ويه ابوها وعافتني حته ملتفتت عليه ولا همها توسلي وشرحي الها لهل درجه شايله بكلبها عليه!!

كمت اتمشى بالشارع حته ماعرف وين رايح اني بس هيج مجرد ماشي.. صار الليل واني على هاي الحاله بس صافن طلعت تلفوني من جيبي محترك مكالمات من الكل..
تجاهلت الكل ودكيت على فهد..

فهد _واخيراً حضرتك حنيت علينه وجاوبت شبيك انته مدكلي هيه هيج ظل بالنه عليك!!!

احمد _فهد شرايد من الاخير مالي خلك احد..

فهد _احمد معقوله هذا انته هيج مهزوم..
كوم ياخوي ارجع للبيت نتفاهم اني وياك ونحلها بالعقل __z͠o͠z͠a͠2͠5͠

احمد _الله كريم

فهد _انته وين؟؟؟

احمد _بأرض الله الواسعه

فهد _يا اخي تره فتيت كلبي احجي عاد خلي اجي اخذك مبين انته ضيعت كلش

احمد _بشارع....

فهد _جايك مسافه الطريق لا تروح لمكان..

احمد _واني على كعدتي الي ماعرف كم ساعه باقي بمكاني هيج... بالعاده اني قليل ادخن بس بهذا اليوم اول مره ادخن ٣ باكيتات اريد اطفي غضبي وناري بيها..

اجاني فهد كتله ماريد ارجع للبيت هذاك المكان صار يخنكني لانو مابي دنيا ساعه اكول احسن الها تبتعد حته ترتاح لانو الي صار مو قليل شبقه بعد مشايفته كل يوم توكع بمصيبه اكبر.. وساعه اكول المفروض منها توكف وياي وتسندني شذنبي اني بكل الي صار..

بس اااخ مو أحمد الي ينلعب وياه لا والله حسبتهم اوادم وكلت عمره الضفر ما يطلع من اللحم بس اااني  بنيه تلعب بذيلها وياي الظاهر ستهانيت بيهم هواي..

اخذني فهد لمكان شغله عده غرفه ينام بيها واصلا أخير فتره صاير مقيم هنا هذا الخ..

طبيت سبحت اريد اصحصح شويه.. طلعت تجيت راسي على القنفه ورجعت اورث جكاره...

فهد _هاا ابو شهاب مو هيج كالوها راح تصير مدمن عليها تره كافي ادخن..

احمد _خليها محد يطفي ناري غيرها