نهوة استاذي

البارت الواحد والعشرون

نهوة استاذي ❤️

بقلم الكاتبه _Zoza25
(البارت الواحد والعشرون)
قرائه ممتعه ♥️
.....................................
من يفز گلبك اذ تسمع اغاني
من تغمض عينك و تسرح ثواني
معناهه عاشگلك شخص ما منه ثاني !
.....................................

دنيا _بعد ما اتفقت ماما وخاله ام احمد على تحضيرات باجر والعقد والذهب وراح تصير الكعده بس زلم وراها يعقدلنه السيد.. وعلى ساس ضايج احمد كايل شنو عبالك دازوج بالختله ومسوي مكسوره لحد ما بابا قنعه انو مو مهمه هاي الشغلات ومستعجلين على الرجعه وهيج..

يمكن كل بنيه تحلم تسوي حفله المهر والفستان والتجهيزات تهتم بيهن على اخر حبابه بس اني جنت عكس الناس يمكن لانو جنت حاطه أبالي فكره زواجي من أحمد مؤاقته فتره وننفصل...

صارت بال١٢ طبيت انام بس حطيت راسي على المخده وسديت عيوني اجه طيف جاسم الحقير كبالي وابتسامته التخوف رأسا فزيت مخترعه واتنفس على السريع.. __z͠o͠z͠a͠2͠5͠

شتريد مني بعد الخاطر الله.. مكافي الي سويته بيه شكو هنوب تطلعلي بالحلم وبكل مكان على ساعه اشوفك كبالي الله ينتقم منك يارب..

صارت خنكه بصدري ودموعي نزلت من وحدهم تعبانه ياربي والله تعبانه اريد انام بأمان براحه.. جربت اقره أيات قرءانيه بلكت انام.. وصدك ضليت اردد بيهم لحد مغفيت...

ماعرف شكد نمت بس قريب أذان الفجر رجعت حلمت بي بس هل مره جان نايم فوكايه ويأذيني حييل شكد عيطت وصحت بس عبالك صوتي ميطلع اخير شي شفت أحمد واكف بعيد وعلى وجهه علامات الحزن

صحت بي يجي ينقذني بس مرد عليه وكام يبتعد ظليت اصرخ لحد ما اخير شي هيه شهكه وهيه فزه من النوم باوعت لكيت الكل فوك راسي وهدومي مبلله

ام حسين _لج يمه شكاعد يصير وياج صار نص ساعه انكعد بيج ومتحسين بينه بس تصرخين وتهلوسين

دنيا_شبكت امي...
ماما خايفه والله خايفه كل ما انام يجي شكله كبالي والله تعبت اريد انام بله هذا الحلم ماكو

حسين _اوويلي لو ارجع بس الزمه لهذا النذل اكضي بي التوبه..

أبو حسين _باوع بقهر على دنيا..
روح ابوج انتي كوليلي شسوي حته اخليج ترتاحين والله كلبي خلص من القهر شوكت ارتاح صوجي جبتكم لهنا

دنيا _جان بابا كلش مقهور ضجت من نفسي لانو اني سبب قهرته.. فجأه سمعت صوت احمد
تفاجأت حته هوه موجود __z͠o͠z͠a͠2͠5͠

احمد _عمي الله يخليك لا تضل محمل نفسك الذنب.. دنيا ظاهر تعبانه نفسيته من الموقف راح أخذها على طبيب نفسي يشوف حالتها اخاف بيها شي

وان شاء الله مابيها شي بس تبتعد عن المكان هذا حته ميذكرها بالي صار تتحسن بأذن الله