نهوة استاذي

البارت الثالث

نهوة استاذي ❤️

بقلم _Zoza25
قرائه ممتعه ♥️
...................................
خاسرها.. ويدور ربح!!
حسباله اكو يعوضونها!!

كولوله مو نسمة عشك؟
تنفست من دونها؟

سحروك؟..اقنعنه بسحر
يقوه على#سحر عيونها..
........................................

دنيا_ثاني يوم رحت للدوام ومالي اي واهس وماعرف نور وين كاعده جاي اتمشة جان اشوف فادي كاعد وحده بالسنتر ظليت افكر لازم احجي وياه على الاقل ابرر موقفي بالكوه شجعت نفسي قبل ما اوصل يمه شفتتت... _zoza25

بنيه اجت وكعدت على الكرسي الي بصفه وجايبه بيدها كلاصين مال كهوه!!! ضليت صافنه وره شويه حط ايده على جتفها مثل الي ضامهه لصدره

ويسولف ويضحك وياها اني هنا معرفت شسوي وشنو احجي بقيت على صفنتي دقايق و واكفه بنص السنتر وره شويه كام هوه وياها وشافني كباله

فادي _رفع حاجبه ومبتسم بأستهزاء
هلوو دنيا شلونج..؟

دنيا _ضليت صافنه بوجهه والدمعه بطرف عيني كوه طلعت مني كلمه تمام..

وعفته ومشيت متحملت اكثر هذا المنظر كمت امشي على السريع ودموعي تنزل بدون ماحس والطلاب تباع عليه دخلت للمغاسل وبقيت ابجي كلش اختنكت وكمت النفس كوه أجره وره شويه سمعت صوت فوني يدك طلعته شفت هاي نور_zoza25

نور_الووو دنيا وينج شو اختفيتي؟؟

دنيا _بس سمعت صوت نور رأساً شهكت وكمت ابجي بحركة..

نور_يمعوده شكوو شبيج خوفتيني تره منو وياج؟

دنيا _تعبانه نوور كلش تعبانه احس روحي كلش مختنكة

نور _دنيا حبيبتي وين انتي خلي اجي وافهم منج لا تسوين هيج بروحج!

دنيا _......... 💔

نور_احجييي وبين انتي عاد تره كلبي خلص؟؟

دنيا _ بال م..غاااسل(مغاسل)

نور_اوك يلا جايه
خفت على دنيا صوتها  مجان تمام واني اعرفها كلش حساسة وصلت الها شفتها تعبانه كلش

اخذتها وكعدنه بالحديقه مال جامعه على جهه بعيد عن الهوسه ورحت اشتريت الها عصير وبطل مي حته ترتاح شويه لانو جانت كوه اجرر النفس.. بعد محسيتها هدئت سألتها

نور_ دنيا احجيلي يلا شنو الي صاير؟؟ _zoza25

دنيا _باوعت عليها وابتسمت الي حجيتي طلع صح واني مجنت اقتنع اله من شفت بعيوني

نور_مدافهم على شنو كاعد تحجين؟!!

دنيا_ جريت نفس، فادي........ (وحجيت الها كل شي شفته)