نهوة استاذي

البارت الرابع والثلاثون

نهوة استاذي ❤️

بقلم _Zoza25
(البارت الرابع والثلاثون)
قرائه ممتعه ♥️
..................................
"الحب ﻫﻮ ﺍﺛﻨﺎﻥ ﻳﻀﺤﻜﺎﻥ ﻟﻸﺷﻴﺎﺀ ﻧﻔﺴﻬﺎ ،
ﻳﺤﺰﻧﺎﻥ ﻓﻲ ﺍﻟﻠﺤﻈﺔ ﻧﻔﺴﻬﺎ ،
ﻳﺸﺘﻌﻼﻥ ﻭ ﻳﻨﻄﻔﺌﺎﻥ ﻣﻌﺎ ﺑﻌﻮﺩ ﻛﺒﺮﻳﺖ ﻭﺍﺣﺪ ،
ﺩﻭﻥ ﺗﻨﺴﻴﻖ ﺃﻭ ﺍﺗﻔﺎﻕ ."
هذا هوه الحب يا عزيزي...
....................................
لحد ما اجت بالي فكره ههه رحت يمهم وهاي ساره صافنه علينه اول شي رحت يم هاي الي اسمها رفل

هلوو حبي انتي خطيبه احمد مو ??

رفل _فرحت.. اي اي اني خطيبته

نور _ياعمري فدوه تخبلين ولو زحمه اني خطار وماندل بالبيت عادي تجين وياي للمطبخ استحي اروح وحدي وهم ماندله__z͠o͠z͠a͠2͠5͠

رفل_ اي اكيد امشي وياي حبيبه

نور _طلعت كبالي واني وراها همست لساره.. ابقى هناا شويه واجي

طبعا طلعوا الولد للزفه والنسوان الأكبار هم بقت بس كم وحده جوارين وبنات صغار ومدري منوو.. وصلنه للمطبخ كتلها

اكلج كلبي بس اريد كلاص مي وعصير

رفل _تدللين هسه دقايق

نور _ فدوه لكلبج...
دارت وجهه على الثلاجه اطلع منها باوعت منا ومنا شفت بطل الزاهي على السنك كبل أخذته ورشيت منه بالكاع كومه ورجعت وره صرت بعيده لا اوكع ثواني مو اكثر واسمع طبه وعياط رفل

رفل _ااااخ يممه لكم منووو موكع الزاهي بالكاع اخ لحكوني وينج ياا..... خرب بيج تكسرت وينج رسل زماله متجين اه اه

نور _يابه فحطتتت ضحك عليها وشلون تصيح ومحد بحالها مي بارد ونزل على كلبي شفت كم بنيه راحن الها واني هم سويت روحي مادري شكو..

يا يا شوكعج خيه غير تنتبهين يبوو خاف انكسر شي بيج __z͠o͠z͠a͠2͠5͠

رفل _حسدوني الحقيرات اخ يمه ولج كومني

نور _كوموها بالسحلات واخذوها بالهول يمهم خوش خلصت من وحده خلي اكمل شغلي ويه البقيه ربولي عله محد بيهم عرف يربيهن

رجعت للغرفه بعدهن نرجس ورسل على نفس الكعده وساره كاعده على جهه تذكرت مره كلتلي اكو وحده بيهن دفعتها من الدرج

اكلج ساره نسيت منو بيهن وكعتج من الدرج

ساره _رسل بس ليش تسألين ولج

نور _معليج الج الصافي...
رحت يمهن..
اكلجن بنات ماكو غرفه لو فد مكان اعدل بي شالي مابيه حيل اعدله بالحمام الدنيا موت حرر

نرجس _ اي تعالي بغرفتي انتي وساره وهو اراويكم صور عرسي مشفتيهن انتي ساره موو

نور _عوفج من ساره حبي اني راويني ههه..
امشوا يلا نصعد فوك كلنه