نهوة استاذي

البارت السادس عشر

نهوة استاذي ❤️

بقلم _Zoza25
قرائه ممتعه ♥️
....................................
يحزننا الفراق ويشتت افكارنا
وكأننا في وادي اظلم نسير
لانعرف هل لنا لقاء
ام نبقى على هذا الفراق
ولو رحلنا اليهم
هل يجمعنا لقاء في الاخرة
ام نبقى نعاني البعد ويأكل
احساسنا الهم والحزن ..
احاسيس الفاقدين حرائق
لاتطفيها بحور من الماء .
........................................
(قبل متقرون البارت صوتوا⭐... وعلقوا على الفقرات بله امر عليكم..)

ساره _يممه شووفي الاخبار...

ام احمد _يمه الله الحافظ انفجار بالسوك قبل ساعتين هاي شكاعد يصير بالدنيا رحمتك ربي... لك يمه احمد خوما فهد اهناك رايح؟؟

احمد _بلعت ريكي وبقيت ساكت....

ام احمد _لك يمه لا تبقه ساكت لا تكولها.. هوه هناك... صخام بوجهج منال وكمت اضرب على رجلي__z͠o͠z͠a͠2͠5͠

احمد _يمه اني طالع ادور على فهد تقفلون الباب عليكم ومحد يطلع لمكان لا تخلون بالي يمكم

ام احمد _يمه الله يخليك اتلاحك على ابن خالتك وطمنه تره كلبي صار ناار عليه

احمد _مجاوبها صعد فوك على سريع وجاب سويج سيارته وطلع يمشي ويتعثر بس يريد يوصل للسياره... فهد لا فهد دخيلك ربي مو بأخويه تفجعني ماعدي غيره سند اليه ربي اخذ من عمري على عمره ورجعه سالم لأهله ايدي كامت ترجف اريد أسوق ماكدر...

وصلت لمكان الحادث ظليت مصدوم من الحاله الي داشوفها محلات محتركه إسعاف تشيل بالعالم وترجع ليوره وشرطه واطفاء.... ناس تبجي، ناس ادور على أهلها وناس مقهوره على باب رزقها الي بلحضه اتلاشه

كمت اتمشه اشوف الكاع متروسه دم واشلاء الناس صارت بجسمي رجفه من المنظر كمت اباوع بوجوه العالم ادور على صاحبي ادور على بصيص أمل

بقيت بالنص ساعه اسأل بالناس والشرطه وحته الإطفاء سألتهم عليه دورت عليه بين العالم والموته ملكيته سألت على اي مستشفى أخذوا المصابين كالوا بمستشفى ال..... __z͠o͠z͠a͠2͠5͠

ركبت سيارتي امشي وماعرف شلون وصلت حته بالي مو يم الي داسوي نزلت ملهوف دخلت اسأل بالاستعلامات شفتها مكلوبه كلاب بالناس من غير منظر المصابين والدم خلاني افقد توازني... لا يا صاحبي مو هيج مو هيج يا فهد

محصلت جواب من الاستعلامات اصلا كل واحد حاير بروحه واغلب الي نقلوهم ميعرفون منو همه تذكرت صديقي يشتغل ممرض بهاي المستشفى ماصدكت اذكرت هل شي اتصلت عليه دقايق وصار يمي

حجيتله السالفه وكتله يساعدني الكاه بين الناس لانو من التوتر الي اني بي حته شوف احس روحي مكاعد اشوف الولد هم مقصر راح يركض كعدت على معقد ورجعت راسي على الحايط لا فهد ماصدك تروح هيج ماصدك بعد بأول عمرك مو هيج فهد..